陳豪驚喜客串《虛擬情人》 新人吳文懿與視帝合作興奮至瘋狂尖叫+手震

由徐正康及新晉監製林瑋澄聯合監製、翁善瑩編審的純愛小品劇集《大灣區航空德島米子仙台航線呈獻：虛擬情人》，逢周一至周五晚八點半翡翠台播映，主要演員有王敏奕、朱敏瀚、黃子恆、譚嘉儀、林景程、袁文傑、鄧智堅、楊卓娜、倪嘉雯及周志康等。

視帝陳豪降臨《虛擬情人》，仲要暖男指數爆燈！

視帝陳豪降臨《虛擬情人》，仲要暖男指數爆燈！

《虛擬情人》昨晚（5月1日）播出第四集，劇情講到心地善良、思想單純的Adam（朱敏瀚飾）走出現實世界後，感覺到三名鐵粉心心公主（吳文懿飾）、Audrey（楊卓娜飾）及歐陽潔伊（鄧伊婷飾）似乎各有難處及奇怪點，遂嘗試深入了解三人…其中長期備受肥胖及自卑問題困擾的心心，因暴飲暴食兼亂食減肥藥昏迷送院，因而遇上李文信醫生（陳豪飾）…李文信醫生不忍心心自暴自棄，嚴厲地教訓了心心一餐，最後更給了心心愛的抱抱，場面溫馨。

探班現場

吳文懿IG圖片

場口拍攝當日，無綫娛樂新聞台有派員採訪，陳豪受訪時談到場口有「愛的抱抱」時，佻皮地回應：「我諗我嘅角色就係要畀人攬攬。」又坦言再次穿起《白色強人II》戲服回憶返晒嚟：「我今次主要係要演到醫者父母心嘅感覺，我會教訓同埋鼓勵心心，我都好期待自己可以喺劇入面發揮到咩作用。」而有幸與陳豪同場演戲的，是2022年藝訓班學員吳文懿，對於當時仍是新人的自己有幸與視帝同場演戲，吳文懿坦言一度興奮到手震，她在社交網留言：「記得當初考入藝訓班，已經casting呢個角色，作為咩都唔識、新人演員嘅我，真係好緊張！
好多謝瑋澄監製願意畀機會我，仲要同我細細個睇電視就好鍾意嘅陳豪合作！當收到劇本嗰刻，我攞住電話足足尖叫咗三分鐘（阿媽以為我撞邪XD）記得同Moses哥對戲，對手仲震過打冷震機，佢真係好好人，唔會畀壓力，好Nice咁同我傾偈，畀我好放鬆咁樣去做戲。」

吳文懿演得落力，新人嚟講算係唔錯。

對於陳豪昨晚以《白色強人II》角色李文信醫生客串劇集，網民大表驚喜：「嘩！突然有陳豪，Surprise！」、「片尾字幕寫佢嘅角色真係李文信醫生」、「心心入住咗明城北醫院喎」，亦有網民大讚陳豪抽空客串夠晒畀面！據知，由於劇情監製瑋澄曾為《白色強人II》擔任導演，因而認識陳豪；由於《虛擬情人》是瑋澄處男監製作品，遂膽粗粗邀請陳豪以彩蛋身份客串，豈料陳豪爽快答應演出，認真有情有義。據知，瑋澄還邀請了另一位曾在《白色強人II》中合作過的演員在《虛擬情人》結局周中客串，到底是誰，就要留意接下來的宣傳。

雷雄德客串都好有驚喜

雷雄德客串都好有驚喜

仲有阿Rock何晉樂。

何晉樂雷Sir亦有驚喜客串
其實除了陳豪，《虛擬情人》第二集及第三集亦有藝人驚喜客串演出，分別是第二集的何晉樂及第三集的香港運動科學學者雷雄德雷Sir；雖然是次是雷Sir首度參演劇集，但演出自然又生鬼，相當有Talent，而大感驚喜的網民，則笑言只要是與運動有關的，就會見到雷Sir。至於參加《聲夢傳奇》前曾做過街頭歌手的Rock，對於是次在劇中飾演街頭歌手同樣「回憶返晒嚟」，他接受娛樂新聞台訪問時說：「今日天氣好好，又好有回憶，所以好開心。因為揸住結他唱歌，好近距離咁接觸觀眾，對於雙方都係好深刻嘅感受。」

昨晚一集另外兩大亮點，是王敏奕教朱敏瀚如何放生電，以及楊卓娜在劇中大跳鋼管舞。（這部分將於明天新聞稿再作詳盡報道）對於敏奕以甜美姿態示範如何單眼放電，網民大感受落，笑言「畀家嫂電死咗」。

王敏奕示範「單眼放電」魅力。

娜姐為咗今次跳鋼管舞場口付出咗好多時間同努力架，詳情密切留意聽日發布嘅新聞稿喇。

TVB網絡系列《電視城內》，請來兩屆視帝陳豪擔任嘉賓，和大家細訴他的電視故事。由模特兒踩入影圈再轉戰公仔箱，陳豪愈做愈出色，全因外表斯文溫柔、骨子裏鬼馬搞怪的反差萌，令觀眾有意想不到驚喜。作為演員，能有這種特質，也許是一份恩典，陳豪絕對是備受眷顧的一位。

陳豪於訪問中分享很多不為人知的秘密。

陳豪最初拍電影多演古惑仔。（AI生成圖片）

陳豪首套劇集是《妙手仁心II》。

陳豪爆蔡少芬比他更貪玩。

陳豪沒有回應是否3,000萬年薪。

陳豪於電影圈時期浮浮沉沉，拍了大量江湖片演古惑仔，後來電影市道不景，他決定試試電視台，並跟自己許下承諾：「如果電視都唔得，就唔要再留喺娛樂圈。」2000年，陳豪穿着西裝、頂着金毛入電視城見曾勵珍，他知道是時候轉跑道。珍姐見他說話斯文溫柔，外表和骨子裏反差極大，反而令人覺得「呢個人唔知點咁嘅？」那年他正式加入TVB，轉眼26年。

有日好似突然被光束照射，陳豪從此戒夜蒲。

陳豪否認與陳鴻烈是父子關係。

陳豪否認與陳鴻烈是父子關係。

初拍古裝狂NG
陳豪第一部劇是《妙手仁心II》，起初試造型是警察，但首日拍攝卻變醫生，他笑言：「好彩Daddy係醫生，加上自己斯斯文文，依家睇番見到一個動作，唔知係咪扮型，總有一邊手會插住褲袋！」之後陳豪拍第一套古裝劇《洛神》，對「番書仔」來說是巨大挑戰，他坦言當時每句對白NG 30至40次，非常感謝同劇演員幫忙。拍《洛神》時，陳豪遇上比自己更貪玩的蔡少芬，兩人不用埋位時玩個不亦樂乎，結果被監製梅小青責罵，但罵完後發現他有喜劇元素，從此劉家豪拍喜劇全部找陳豪。

陳豪於《點解阿Sir係阿Sir》盡顯搞笑天分。

陳豪打開Locker，粉絲寄給他的信多到跌出來，更有不少禮物。

陳豪每天都會跟陳茵媺咀嘴和講I Love You。

陳豪拍喜劇《點解阿Sir係阿Sir》盡顯搞笑天分，獲外界一致好評，他坦言當時有壓力：「你哋成日將我同星爺（周星馳）比，但我唔係星爺，我唔係嗰樣嘢嚟，我係陳豪，我係另外一套嗰樣嘢，我都盡能力將自己嘅喜感、一啲癲嘅嘢放咗落去。」

對於網上有資料顯示陳豪是已故藝人陳鴻烈的兒子，加上兩人樣子有幾分相似，故不少網民指他們是兩父子，陳豪笑言：「好多人都以為烈哥係我老竇，唔係呀，我老竇唔係烈哥呀！」另有傳他年薪3,000萬元，鬼馬的陳豪笑言：「我唔會話你知！」

陳豪帶大家參觀古裝街。

似被上天呼喚戒夜蒲
陳豪自爆年輕時喜愛夜蒲，直到有一天，突然像有束光射到他身上，跟他說「夠喇」，從此他厭倦夜蒲生活，從此努力建立自己新的人生。

陳豪即場Rap。

陳豪與阿佘於《公主嫁到》鬥Rap。

陳豪陳茵媺每日咀嘴講I Love You維繫感情

「愛妻號」陳豪與太太陳茵媺結婚13年恩愛如昔，維繫感情之道是很少吵架，兩人都會以保護關係為大前提。時至今日，兩公婆每日都會錫對方至少一次、講I Love You，又會不時過二人世界及送花等：「就算覺得好假都一定要囉！夫妻關係一定要好，屋企至會好，小朋友先會開心成長。」

除了專訪，《電視城內》每集都會帶大家暢遊電視城。今集陳豪帶大家參觀自己的Locker和古裝街。當陳豪打開Locker，驚見擠滿了粉絲寄給他的信和禮物，數量多到誇張。陳豪又到古裝街懷緬與好拍檔佘詩曼拍《公主嫁到》鬥Rap的情景，更「技癢」下即場創作一段Rap！想睇陳豪Rap啲乜？就要重溫《電視城內》喇。