「決戰一分鐘女神」梁嘉琬出嫁！ 麥明詩產後現身成焦點

前有線電視藝人、憑TVB節目《決戰一分鐘》爆紅的「女神」梁嘉琬（Whitney）近日正式出嫁，與80後創業家顏耀輝（Fred）拉埋天窗，婚禮星光熠熠，賓客陣容鼎盛！

一對新人的婚禮，前財爺曾俊華都出席

當日除了前財政司司長曾俊華夫婦親自到賀，現場還見到不少圈中熟面孔，包括洪永城與太太梁諾妍、「十優港姐」麥明詩（Louisa）夫婦、2020年港姐五強兼「友誼小姐」鄺美璇與其姊鄺美淇等，熱鬧非常。

曾俊華唔止上台講嘢，仲同一對新人合照

產後才一個多月的麥明詩，以一身棗紅色tube dress現身，配搭黑色西裝外套，雖然腹部微微凸出，顯然未修身，但氣色飽滿、笑容甜美。老公Keith亦在IG Story上晒甜蜜婚宴合照，見二人於場外翻看新人相簿、與新婚夫婦合照等，非常俾面。

產後才一個多月的麥明詩，以一身棗紅色tube dress現身

身材圓潤

不過氣息唔錯

笑容滿臉

十優港姐麥明詩（Louisa）自從去年3月升呢做媽媽後 ，不時在社交平台分享湊仔經，由湊B日常到育兒心得，都樂意同網民交流，絕對是新一代「貼地媽咪」。

麥明詩IG圖片

麥明詩IG圖片

最近就有網民翻出麥明詩去年12月分享獨自帶BB搭飛機的舊post， 並在下面留言求救，而麥明詩好快便親自回覆，還列出一份超詳細的「長途機湊B攻略」。

網上圖片

有新手媽媽網民在該篇舊post下留言，指自己就快帶6個月大的BB坐13個鐘飛機，心情非常緊張：「第一次，心好驚... 我好怕bb會爆喊，雖然佢平時少喊，但好驚佢因環境唔同而突然爆喊。」

麥明詩IG圖片

麥明詩IG圖片

麥明詩IG圖片

估唔到麥明詩親自現身解答，還分享自己的實戰經驗，她首先教路點樣處理餵奶時機：「起飛餵奶，先用少啲嘅熱水開，留啲空間睇下真係喂嘅時候加熱水定（蒸餾）常溫水。因爲有時你以為起得飛，開定支奶，點知原來架機兜嚟兜去都未take off，跟住支奶又 凍曬。」

麥明詩IG圖片

麥明詩又透露自己過安檢的經驗：「我之前過安檢，熱水壺熱水、支裝水都照俾我過。」她又建議要帶定後備糧食：「帶定啲吱吱裝嘅baby food，in case bb 好快飲曬啲奶 都有嘢俾佢啜住平衡耳壓。」

麥明詩IG圖片

最後，麥明詩還提醒媽媽網民記得要準備大量消毒用品：「帶勁多消毒濕紙巾，始終十幾個鐘，佢又 好奇，點都要俾佢掂吓搞吓周邊啲嘢，所以我會先抹晒成個area。」

麥明詩IG圖片

麥明詩的詳細又實用答案一出，即刻引來大批網民留言大讚：「要bookmark定，等第時自己帶BB飛嘅時候可以跟住做」、「真係好詳細，多謝分享！」、「十優果然係十優，連答問題都咁有條理。」、「可以開班授徒，教吓其他新手父母點樣帶BB去旅行。」