網民鬧爆賽果唔公道 張崇德拍片點評︰情緒綁架評判？

TVB歌唱選秀節目《中年好聲音3》打到尾聲，七強誕生，戰況白熱化，網民卻不滿意！唔少人為慘遭淘汰嘅王鄭浚仁抱不平，更有人直指趙浚承獲得98分「高得離譜」！而資深音樂人張崇德就拍片直斥賽果不公。

張崇德於其YouTube頻道拍片，直接用六大標準「音準、拍子、聲線、氣息、技巧、感情、舞台表現」評分，務求減少人為主觀影響。他直言：「你要感動，OK；但唔代表感動咗你就係唱得好！」批評當晚只睇感情唔睇技巧的評分邏輯。

直接用六大標準「音準、拍子、聲線、氣息、技巧、感情、舞台表現」評分

他狠批有評判只因為參賽者唱得感人就畀高分，完全唔理音準拍子，甚至懷疑評審係「情緒主導」，搞到分數亂晒籠：「你喊唔代表我都覺得感動」。

最大爭議之一，正是王鄭浚仁唱《I Will Always Love You》難度極高，開口已感動人心，張崇德一讚再讚：「穩定、有感情、有技巧！」但最後竟然僅得88分，仲低過扮少女唱《戀愛預告》的陳芷盈一分。

王鄭浚仁唱《I Will Always Love You》難度極高

最後竟然僅得88分

質疑評審：「技巧太好會係缺點咩？音域太闊都係問題咩？」

佢直言心痛：「我見住個分數由90幾跌到得個8字頭，我個心真係離晒一離！」更質疑評審：「技巧太好會係缺點咩？音域太闊都係問題咩？」

去到MVP趙浚承，唱《Forever Love》感動全場，仲播埋與太太的甜蜜片段。張崇德睇到眉頭一皺，狠批：「八位參賽者，點解得你有呢啲畫面？咁樣係公平咩？係咪用呢啲情緒綁架評判？」

狠批：「八位參賽者，點解得你有呢啲畫面？」

佢更舉例話當年伍仲衡唱歌求婚，唱得走音都無人理，「因為情景感動嘛」，所以對趙浚承而言，其實係「唔公平嘅幫助」，甚至會惹人反感。但他讚趙浚承副歌情緒上是到位的，但技巧、音色處理就稍遜，「最終出嚟係98分，我係非常之唔認同呢個分數嘅。」

讚趙浚承副歌情緒上是到位的，但技巧、音色處理就稍遜

至於李金凱，唱得感情真摯，唱到肥媽喊晒，但張崇德就指出：「隻歌唔係特別發揮得多，點解佢唱就唔會話歌唔夠難？但其他參賽者揀輕鬆啲就要被扣分？」

佢再一次強調最重要係評分「一致性」，唔可以因為私心鍾意某位參賽者就畀晒分，「呢啲先至係觀眾會唔服氣嘅原因！」

歌手張崇德日前到新城廣播接受李有毅（Ben）和兒子（Benson）李國煒主持的《Ben同Benson『Chur』到行》錄音訪問，張崇德分享了他與太太劉美娟從相識到步入婚姻的經過，這段過程被他形容為「在人不可能，但在神凡事可能」的奇妙安排。

張崇德接受李有毅與兒子李國煒節目訪問。

左起：李有毅、張崇德、李國煒

張崇德與劉美娟最初是在一個福音節目中認識，當時彼此的印記僅是知道對方是個好人，關係停留在普通朋友的階段，並未擦出愛火。張崇德在訪問中直言自己性格執著，過往的戀情都被告知很難相處，加上他非常享受個人空間與自由，曾一度決定不再拍拖結婚，「我自己一個人真係好開心，冇謂『搵嚟搞』。」

然而，人生的轉捩點發生在2000年某日，張崇德描述當時聽到「上帝的呼喚」，毫無預兆地出現「你要結婚跟劉美娟」的念頭，但他形容當時是極度抗拒，甚至感到莫名其妙，他表示：「我當時話唔好玩……完全冇嗰種感覺，所以覺得好奇怪。」這個念頭困擾了他一段時間，直至2000年12月31日迎來新轉機。

在新年派對上，張崇德將劉美娟拉到一邊，進行了一次他預料會「連朋友都冇得做」的對話，他對劉美娟說：「最近我有個好煩嘅念頭，我想話你知，我要同你一齊。」他笑稱當時已準備好會被對方認為是神經病。

李國煒13歲時與張崇基(左)、張崇德(右)合照。 (圖片由李有毅提供).

而劉美娟的反應完全出乎他的意料，張崇德回憶道：「佢好鎮定，冇鬧我……仲話『其實呢段時間我都有呢個感覺』！」原來劉美娟也在同一時期收到了同樣的「訊息」，張崇德形容當時的心情：「咁就搞掂，唔使再講落去。」

正式開始交往後，他們發現彼此在性格、價值觀、甚至喜好上都驚人地契合，更令人驚訝的是，在他們第一次正式約會，即2001年1月1日，張崇德在車上對劉美娟說的第一句話是：「喂，不如結婚？」 對此，劉美娟雖然覺得「快了一點」，但也接受了「求婚」，於是他們在同年11月正式步入禮堂，至今已攜手走過24個年頭。

張崇德