廣東話黑色話劇《唔講得》亞洲巡演第一站日前於馬來西亞吉隆坡表演藝術中心舉行，首站巡演由香港駐雅加達經濟貿易辦事處支持，進一步推動香港與馬來西亞的文化藝術交流。並得該處處長鄭青文擔任主禮嘉賓，在開幕禮致辭時表示：「進念•二十面體的演出推動了跨城市、跨領域和跨文化的多方面交流，演出融合舞台劇與藝術科技，展現戲劇美學與多媒體創新。」鄭青文續指，駐雅加達經貿辦會繼續支持香港表演藝術團體及本地文化創意產業走向國際舞台，拓展更廣闊的發展空間，並歡迎馬來西亞的觀眾蒞臨香江，再一次觀賞九月份在香港重演的《唔講得》。
葉童、馮寶寶
《唔講得》亞洲巡演第一站吉隆坡 - 黃德斌
現居馬來西亞，久未在香港露面的殿堂級藝人馮寶寶也特意用五個小時車程到吉隆坡，和她多年好友即本劇監製陳善之，以及導演胡恩威和一眾演員茶聚，暢談當年合作的舊事；她並欣賞該劇的演出。
點擊看圖輯
《唔講得》亞洲巡演第一站吉隆坡 - 黃德斌、楊永德
在《唔講得》亞洲首演 -吉隆坡站開幕禮上，由香港駐雅加達經濟貿易辦事處處長主禮獻辭
陳善之、馮寶寶
黃德斌、馮寶寶、葉童
《唔講得》亞洲巡演第一站吉隆坡 - 黃德斌、楊永德
《唔講得》吉隆坡首場公演全場爆滿，當地媒體亦對劇內演員表現讃不絕口，包括女主角葉童展現出她多年累積的深厚表演底蘊與強大的舞台掌控力，她以極具穿透力的演技，精准傳達角色在情感與理性間拉扯的複雜狀態；男主角黃德斌以精準的肢體表達和富於變化的語氣，絲絲入扣地展現了角色內心的壓抑、憤怒與脆弱，其演技的爆發力令人震撼。他與葉童之間的默契昇華了這對夫妻的情感羈絆，觀眾也因此在他們的每一次眼神交匯、每一次細微動作中，對角色產生了深深的共鳴與憐憫。導演胡恩威此次刻意打破傳統劇場的觀演距離，結合多媒體投影、現場音效與光影調度，讓觀眾彷彿身處角色的心理空間。
《唔講得》亞洲巡演第一站吉隆坡 - 翁煒桐、葉童
《唔講得》亞洲巡演第一站吉隆坡 - 葉童、黃德斌
在《唔講得》亞洲首演 -吉隆坡站開幕禮上，由香港駐雅加達經濟貿易辦事處處長主禮獻辭
《唔講得》亞洲巡演第一站吉隆坡 - 導演胡恩威
吉隆坡的劇場空間比香港更貼近觀眾，這也成為演員們最直觀的新體驗與挑戰。這種「零距離」演出形式，不僅模糊了舞台與現實的界線，也讓情緒的感染滲透得更加直接。除了葉童與黃德斌，兩位同樣來自香港的演員楊永德與翁煒桐也在演出中展現出高度的實力與節奏感，四人之間的表演火花，令整個舞台如同一場精密編排的情緒交響，令人屏息以待。演員們精湛的演繹，與舞台的燈光、佈景、音樂、音效以及精准的造型相得益彰，天衣無縫的配合瞬間將觀眾捲入劇中那充滿真實矛盾的情感漩渦，讓觀眾對每一個角色都產生了強烈的共情。
《唔講得》三場演出門票早在數周前已售罄，足見馬來西亞的觀眾對這部舞台劇的期待與劇作本身的吸引力。
由衛駿輝、黃德斌、梁非同、羅妍、陳景銣、黃安晴、蘇楚欣和馬溢霞擔綱演出，「進念．二十面體」製作、陳善之監製、胡恩威執導、改編自陳敢權原著劇本，並由音樂總監楊健平改編及作曲的全新摩登粵劇《頂頭鎚》，於香港文化中心大劇院一連五場演出經已圓滿完成，吸引不少城中名人入場支持。
馬溢霞、梁非同、羅妍、黃德斌、 衛駿輝、陳景銣、黃安晴、蘇楚欣
《頂頭鎚》原著劇本作者陳敢權、原著作曲高世章、《頂頭鎚》台前幕後
由海報拍攝、演員圍讀、綵排，再到連續四天一連五場演出，「進念．二十面體」主席劉千石也陪伴着台前幕後工作人員，為大家打氣，因此在完成最後一場演出後，大夥兒對石哥感到依依不捨，齊齊找他拍照留念。
導演胡恩威、《頂頭鎚》一眾演員、現場樂隊、監製陳善之、「進念．二十面體」主席劉千石
監製陳善之說：「多謝大家嚟支持我哋，多謝台上所有演員嘅傾情演出，所有藝術創作同創新都需要膽量同勇氣，進念．二十面體一直好堅持呢份膽量同勇氣。好開心同多謝呢幾日喺台上嘅演員同所有工作人員，佢哋都對我哋抱有呢份信任同膽量，同我哋行出呢一步，希望日後進念又好，又或者係健平呢班咁有創意嘅年青人都好，繼續去創新，令我哋香港嘅廣東粵劇可以繼續發揚光大，得到更多年青觀眾嘅支持。我想特別多謝大華銀行（香港）及大華銀行『藝．坊』成為水墨藝術伙伴，贊助水墨畫，所以大家可以見到咁靚嘅場境。仲有一位我好尊敬好尊敬嘅長輩李蔡美靈女士，佢今晚都有嚟到文化中心現場，佢嘅支持令我哋可以請300 位學生同200 位長者嚟欣賞《頂頭鎚》。」
導演胡恩威、黃德斌、監製陳善之
導演胡恩威表示：「多謝大家，呢個戲都好神奇，我十幾年前睇呢個劇，當時係由陳敢權導演、高世章作曲嘅音樂劇，非常之精彩，嗰陣我睇完就覺得不如將佢改成粵劇，我問陳老師可唔可以俾個劇本我改，佢話可以，我就先搵健平負責音樂，再搵阿Joe搵演員埋班，呢個班底好特別，係跨世代同跨界別。最後我要再次多謝陳老師同高世章，因為冇佢哋嘅音樂劇，就冇今晚呢套粵劇，呢個故仔對香港人嚟講，真係幾特別。」
導演胡恩威、羅妍、監製陳善之
衛駿輝說：「對我嚟講《頂頭鎚》係一個新嘗試，亦都好開心同團隊緊密合作咗兩個幾月，係一個好好嘅過程，我亦好享受呢個成果，大家合作一齊做一件咁創新嘅事，我好開心觀眾好鍾意個劇，由4歲小朋友到80歲嘅婆婆都有嚟睇，劇裡面有舞台劇同粵劇嘅元素，有啲初初接觸粵劇嘅朋友都覺得幾好睇，亦唔悶，我期待再次同進念合作，再次頂頭鎚。」
黃德斌、監製陳善之、衛駿輝
黃德斌則表示：「上次《唔講得》同今次《頂頭鎚》反應都咁好，多謝Joe搵我。觀眾入場前冇諗過係一個咁多嘢睇嘅劇目，佢哋可能會以為一個好傳統嘅粵劇，我見到佢哋好開心，有啲觀眾因為感動而流淚。成個團隊嘅合作可以俾到觀眾一個新嘅感受，大家都非常滿足，我亦好開心可以同進念團隊合作，佢哋俾咗一個喺我做咗咁多年演員之後嘅新體驗，再次多謝監製陳善之先生同導演胡恩威先生，同埋所有演員同工作人員，佢哋對我提點好多，例如點樣去演繹粵劇，我覺得自己嘅表現未夠完美，但我至少嘗試過，希望日後有更多新嘅嘗試，亦希望《頂頭鎚》能夠巡演，最後要多謝呢幾晚喺後台門口等我嘅粉絲。」
衛駿輝、黃德斌
黃德斌和粉絲
梁非同道：「真係非常之榮幸得到Joe哥同胡導演邀請我參加今次摩登粵劇《頂頭鎚》，亦都圓滿完成咗今次嘅演出，我個角色有好多層次，我自己喺當中學習咗好多。今次個劇嘅口碑非常之好，呢個粵劇中嘅音樂，同我哋嘅演繹有好多新嘅元素，同埋劇情好催淚，希望《頂頭鎚》可以Re-run再Re-run，到時大家要多多支持。」
衛駿輝、梁非同
梁非同、羅妍、衛駿輝
羅妍說：「好開心可以參加《頂頭鎚》，今次同埋咁多跨界嘅演員合作令我獲益好多，成個製作好有意思，因為我哋平時做戲係冇咁多舞台效果，或者係一啲曲式上面嘅變化，今次對自己嘅表現滿意，亦都好開心去同大家合作。」陳景銣表示：「不知不覺已經尾場，而家嘅心情仲係非常之興奮，有意猶未盡嘅感覺，希望可以快啲有第二次重演。」
羅妍、馬溢霞
羅妍、黃德斌
黃安晴續道：「完咗《頂頭鎚》嘅演出，我最大嘅得着係喺其他演員身上搵到佢哋對戲曲嘅熱誠同態度，好似輝輝老師同德斌哥哥，之前可能未同呢兩位前輩合作過，但今次見到佢哋對成個製作嘅態度，仲有認真投入嘅程度，我哋作為後輩都有好多得着，成個製作都好開心，見到咁多有才華嘅演員，我希望下次演出嘅時候，可以有更多進步空間。」
梁非同、監製陳善之、黃安晴
蘇楚欣稱：「啱啱完咗show，真係好唔捨得，喺排戲嘅過程同大家變成friend，同埋對粵劇有多咗了解，睇其他演員唱同做嗰陣，令我鍾意咗粵劇，粵劇原來唔係我想像中咁刻板，有時會覺得把聲會唔會唱到好辛苦；我一路聽佢哋唱又覺得粵劇真係幾好聽，同埋啲文字好深奧，今次將粵劇同話劇混合埋一齊真係幾有趣，仲有我今次要扮男人，真係從來未試過，我當初都好驚，但係好彩髮型同埋服裝幫到我。多謝今次Joe 哥同導演俾我嘗試呢個角色，希望將來有更加多嘅合作。」馬溢霞補充道：「多謝Joe哥同導演，粵劇加上話劇真的很有趣，看到觀眾投入和拍掌喝采，對我們演員來說真的是很大的鼓舞。」
衛駿輝、梁非同
陳寶珠、《頂頭鎚》台前幕後
