港女首日返工被「摸Patpat又摸手」遭家人反對報警覺苦惱：是否不應報?

日前一名港女在社交平台Threads發出求助帖文表示，首日上班即遭男同事以「追求」為由觸碰其身體，直指對方「摸我Patpat，又摸我隻手」，她隨即前往尖沙咀警署報案，惟家人事後質疑「冇必要」報警，令她陷入自我懷疑，整夜未眠，反覆思量「其實我係咪真係唔應該報警？」帖文一出，隨即引來熱烈迴響！

示意圖

疑遭非禮後收男同事道歉短訊

事主未有透露工作性質，只是表示涉事男子是她同事，大家是首次見面。被非禮後，她感到很無助及徬徨「第一日返工，第一次遇到呢啲事，當刻真係唔知點樣做好。」帖文中她亦公開了她和男同事間的whatsapp對方截圖，截圖顯示疑似非禮事件發生後，男同事主動聯絡她，他說：「hi，啱啱嚇親你，對唔住，向你鄭重道歉...」。女事主回覆：「其實我唔鍾意人哋摸我pat pat又摸我隻手，好奇怪。」明確地表明自己並不能接受男同事的行為。

男同事主動聯絡女事主向她道歉。網上圖片

指想追求女事主所以有此行為

對方隨即回應到：「知道...因為你係我鍾意既type，想追你，如果你有男朋友既話...我就放棄了。」女事主則再重申，不能接受身體被觸摸：「你想追我唔應該同我有身體接觸，pat pat係私密部位。」男同事則回覆：「知道，沒下次，對不起。」

女事主表明不接受身體觸摸。網上圖片

女事主不接受前往警署報案

但其後女事主仍感到不感，便前往尖沙咀警署報案，落完口供後，警員「影低」女事主與男同事的通訊紀錄，以便跟進。

屋企人覺得鬧下佢冇必要報警

但是事主提到報案後向家人提起事件，「屋企人就話我冇必要報警」，令她「自我懷疑...成晚冇瞓過」令她甚至懷疑是否做錯決定「其實我係咪真係唔應該報警」。女事主解釋家人表示其實警告或罵涉事者已經足夠「因為身邊好多長輩都覺得冇必要報警，叫我警告佢鬧下佢，搞到我懷疑自己係咪真係唔應該報（警）。」

男事主再次道歉。網上圖片

其他同事亦覺得冇報警必要

即使她有向其他同事講述自己疑遭非禮，但同事們只是覺得很憤怒，但覺得女事主無需為此報警「我同咗其他同事講佢哋都好嬲，話要ＸＸ嗰條友，之後佢哋知道我報咗警就話：咁又唔使報警嘅。」

女事主擔心報警後，會遭男同事報復。示意圖

表示會辭職擔心被報復

她表示有點擔心報警後，會遭男同事報復「咁呢其實我都有少少驚佢報復，因為聽講佢份人好似唔係好正常，佢喺樓上做侍應會拎把刀落去廚房磨刀...」 並表示會辭去份工作「已經唔諗住再去嗰度返（工）。」

網撐：一定要報！ 一睇就知係慣犯！

帖文一出，大批網民都留言支持女事主報警「一定一定要報警！！！！！」「應該要報警！正常返工係唔會有任何身體接觸，今日摸下只係試你底線，下次唔知會做啲乜......」「報警做得對！第一日返工就拍pat pat，你唔出聲嘅第二日唔知做乜嘢喎，仲要叫你『妹妹』，我諗佢連你個名都唔知，完全係蝦你唔敢出聲。」「一定要報！ 一睇就知係慣犯！一來保障自己，二來可以當係幫咗其他女仔！講唔使報警嘅，係針唔吉肉唔知痛，當事情發生係佢地身上，睇下會唔會咁！」

鼓勵事主：你好勇敢，做得好好！

網民更大讚事主做得對「你做得好啱！呢啲好可能係慣犯，唔可以就咁算數，你小心啲好好保護自己。」「你好勇敢，做得好好！」「報警係啱，唔好自我懷疑！」

一名台灣女生近日來港旅遊，被維多利亞港夜景深深吸引，隨即拍片分享至社交平台Threads，並留言感嘆：「以為韓國、日本就很美了，直到我去了香港。」

8秒短片足夠反映香港美

上傳短片雖只有短短8秒，但可以看到影片已捕捉了維港日落時分之美——橙黃天色映照著璀璨的摩天大樓燈光，尖沙咀海旁亦擠滿駐足欣賞的遊客。

Threads影片截圖

​​網民激辯：香港夜景是否「世一」？​​

帖文迅速引發熱議，不少網民認同香港夜景確屬世界級：「無可否認香港夜景的確係世一」、「我住咗十幾年依然覺得好靚」、「如果香港夜景都唔靚，真係唔知邊個城市靚」。

Threads影片截圖

然而，亦有自稱香港人的網民大潑冷水，留言「狂踩」：「本人係香港人，其實冇乜特別美」、「去過兩次，確定此生不會再去」、「你嘅審美眼光真另類」，更有人比較其他城市：「你更應該睇吓上海、成都、重慶、北京。」

Threads影片截圖

​​港人反擊批評者心態扭曲

相關負評隨即觸發激烈反駁，大批網民直斥批評者心態扭曲：「點解冇人欣賞香港，但當人哋讚吓就死踩？人格分裂？」、「啲『香港人』真係好X煩，遊客讚夜景都要潑冷水」、「陰陽怪氣講埋晒其他嘢，收X啦！」、「部份香港人永遠拒絕接受稱讚，一定要將香港講到好爛先安樂。」更有網民總結：「維港夜景係靚，但某啲香港人嘅心態先係最唔靚。」

資料圖片。巴士的報記者攝