大叔為一事突向鴻福堂職員表明會員身份 網爆笑：學到嘢，下次識用！

有網友早前目擊一名大叔突向一名鴻福堂職員表明會員身份，但竟然是為了問一個與會籍毫不相關的問題，令網友當堂爆笑！寫到「呢個阿叔打敗咗99%鴻福堂會員。」

有網友早前目擊一名大叔突向一名鴻福堂職員表明會員身份，但竟然是為了問一個與會籍毫不相關的問題。Threads 圖片

表明會員身份竟是為問路

樓主早前在社交平台 Threads上載一張相片，相中有一名大叔正向一名鴻福堂職員指手劃腳，樓主記錄了當時他們的對話：

阿叔：我係鴻福堂會員（拎部手機攞個Apps出嚟）
店員：？？？
阿叔：我想問（屯門）德政圍點行？

大叔出乎意料的問題令樓主覺得超爆笑。threads 圖片

樓主爆笑：我都想整返張

樓主直言他當堂笑了出來，大叔出乎意料的問題令他覺超爆笑，不禁問：「唔知除咗問路，仲有有咩功能呢？我都想整返張」。

網民：佢想證明佢係自己人嚟

網民看帖後都話「好好笑」、「笑到震」、「笑到流眼淚」、「笑到Ｘ街，似星爺啲戲」。有網民笑指「佢想證明佢係自己人嚟」、「意思係咪唔可以得罪會員，一定要答佢」、「阿叔係咪都覺得冇消費就同店員問路唔多禮貌，所以提自己係member（會員）」。

Threads 截圖

網笑：學到嘢啦，下次識用

又有網民搞笑回應這是「會員福利」、「應該仲可以問幾多點」、「會員尊享：問路服務」、「學到嘢啦，下次識用」、「其實我係VVVip（非常非常非常重要人物）嚟，係咪帶埋我去會好啲！」；還提議「路痴都應該整返張」。有人更稱「即刻申請先，多個Item（項目）寫落CV（履歷表）」。不過就有網民稱讚「阿叔好客氣， 問路前先表明身份」

Threads 截圖

寛頻仔無奈：直接問路都冇咁躁……

帖文另引來其他網友的親身經歷：有網友指有次排順豐排了好久，終於到前面阿叔，但他竟然問識員：「稅局電話幾號」。另一位做寛頻推銷員的網友就表示經常遇到一些自認是寛頻用家，然後問一些與申請服務無關係的問題，他們「一嚟就話我用緊你哋㗎，邊度邊度點樣行，一係就話我手機都係用緊你哋，幫我睇下部手機XXXX」令網友覺得「認真講直接問路都冇咁躁……」。

一港男日前乘車至太子站時，被匆忙下車的乘客撞到，導致手機脫手飛出，直墮路軌。

一港男搭港鐵時，手機脫手飛出，直墮路軌。Threads截圖

手機直插路軌未損壞

事主在Threads分享，指當列車到達旺角站後，他便隨即折返太子站向職員求助。在等候協助期間，他靈機一觸，利用智能手錶遙控跌落路軌的手機鏡頭拍攝，意外記錄了從路軌低角度仰視列車駛過的罕見畫面。

該港男意外記錄了從路軌低角度仰視列車駛過的罕見畫面。Threads截圖

該港男意外記錄了從路軌低角度仰視列車駛過的罕見畫面。Threads截圖

港鐵職員5秒夾回

事主表示，港鐵職員處理效率甚高，在協調數班列車駛離後，即把握時間打開幕門，僅花約5秒便用工具夾回手機。經檢查後，手機運作正常，僅螢幕保護貼爆裂。事主對職員的專業協助表示感激，並計劃發電郵表揚。

一港男搭港鐵時，手機脫手飛出，直墮路軌。AI生成圖

路軌仰拍影片熱傳

事主將遙控拍攝的17秒影片上載至社交平台，影片以「死亡角度」拍下列車高速駛過的瞬間，引發網民熱議。不少人直言從未見過如此視角，「夢寐以求的畫面」、「多得你諗到remote影出嚟」。亦有網民稱讚港鐵處理迅速，「只有在香港先有這種速度」，並提醒其他乘客「企門邊開門嗰陣會雙手揸實部電話」。事主亦反思日後「企返車廂中間」，避免同類事件。

有網民提醒，「企門邊開門嗰陣會雙手揸實部電話」。AI生成圖