ANSONBEAN驚爆暫別娛圈 自爆心理健康亮紅燈：需要失蹤一段時間

24歲新生代歌手兼演員陳毅燊（ANSONBEAN）憑藉2020年參加ViuTV選秀節目《全民造星III》奪得季軍入行，之後歌影視三棲發展，前途一片光明。不過，他今個月突然刪除社交網帳戶，並宣布暫別娛樂圈，消息震驚粉絲及圈中人！

ANSONBEAN出身自舞蹈世家

選秀節目《全民造星III》奪得季軍入行

宣布暫別娛樂圈，消息震驚粉絲及圈中人

ANSONBEAN在退出前透過社交平台發文，坦言因心理健康及精神狀態問題，決定「失蹤」一段時間：「我因為心理健康同精神狀態，需要失蹤一段時間，知道咁樣係有啲不負責任，但係亦都希望大家明白。大家唔需要擔心，亦都希望大家繼續加油，繼續努力做自己想做嘅事。」但他亦留下伏筆，承諾將來會以更好狀態回歸：「希望喺一個更好嘅狀態可以同大家再見，我亦都會記住大家。」

坦言因心理健康及精神狀態問題，決定「失蹤」一段時間

ANSONBEAN背景相當「猛料」，出身自舞蹈世家，媽媽林佩佩是資深舞蹈導師，30年前已開設舞蹈學校，旗下更有演藝製作公司，圈中人脈甚廣。而ANSONBEAN本身亦才華洋溢，入行前曾赴英國修讀戲劇課程兩年，家住九肚山豪宅，家境優渥。

今年初，ANSONBEAN在ViuTV劇集《老是常出現》中飾演老人院院長Martin，戲份甚重，更有爆肌場口，表現令人眼前一亮。正當事業起飛之際，他突然宣布暫退，令不少觀眾大感意外。

消息傳出後，不少網民留言支持ANSONBEAN，認為心理健康比事業更重要，紛紛鼓勵他好好休息：「加油！等你回來！」、「照顧好自己先！」亦有粉絲擔心其狀況，希望他早日康復回歸幕前。目前ANSONBEAN未有透露休息時間長短，但相信以他的實力及觀眾緣，未來回歸必定再創高峰！

ViuTV原創劇《foodpanda 呈獻：存酒人》逢星期一至五晚上9時30分播出。劇集講述「市井酒吧」因快將結業，所以將多支無人領取的存酒歸還給客人。過程中，意外地發現每支存酒的背後，都有著獨一無二的故事。而在酒吧進行倒數的階段，眾人為這裡帶來令人難以忘懷的燦爛時光。

ANSONBEAN和柯煒林飾演熱愛摔角的「九龍兄弟」。

ANSONBEAN飾演柯煒林的弟弟。

昨晚（12月26日）播出的一集，柯煒林（Will）大派福利騷肌，令大家在Boxing day大飽眼福！今次劇集中，Will與陳毅燊（ANSONBEAN）再度合作飾演一對打摔角的兄弟九哥和龍仔，二人不時於空檔期間操練各種動作，為拍攝作好準備。兩兄弟同一日煞科，Will笑言ANSONBEAN好像自己親生弟弟一樣：「比我細佬更加似我細佬，佢係一個好細佬嘅物體」。而ANSONBEAN透露於拍攝時受傷，「做練習嘅時候做過。今次一跳嘅時候，我就未習慣。一坐落去嗰下個膝頭哥就扭到，嗰刻以為自己斷咗韌帶，所以都幾驚，但好彩無事。一個教訓—就係唔好咁衝動。」在旁的Will立即哥哥上身著緊指：「所以我成日同佢講真係要小心啲。唔好所有嘢未Ready晒嘅時候衝，呢個係緊要，因為都要睇所有嘢㗎嘛」。ANSONBEAN承諾表示不會再掉以輕心，同哥哥Will一樣做好謹慎準備。

柯煒林笑言ANSONBEAN是「細佬material」。

柯煒林大派福利騷肌！