奇情谷｜吳若希爆出道被邀玩3P 「花生Girls」Kate自揭「戀愛腦」行為

由導演火火、吳若希（Jinny ）及曾展望（GM）三位谷主主持，TVB Plus（82台）全新直播一小時節目《奇情谷》昨晚（5月27日）主題為「身邊總有一個戀愛腦」，「奇情嘉賓」為KB，他分享「戀愛腦」兄弟的三段情，但論精彩程度絕不及谷主吳若希及「花生Girls」吳文懿（Kate）粉墨登場，自爆奇情愛情故事。

昨晚「奇情嘉賓」KB跟三位谷主合照。

「花生Girls」葉靖儀（左）、吳文懿（右）。

吳若希自爆十多年前，曾被邀玩3P的經過。她透露有位女友人，經常四出獵艷，她說︰「成日周圍flirt仔，好（姣斯）躉篤，仲問我有無興趣一齊『wasabi』，即係『玩3P』。」開放程度嚇到兩位男谷主驚呼，吳若希接着說︰「Wasabi咁刺激？咁刺激搞唔掂喎，自此之後同呢嗰女仔疏遠咗。嗰女仔係靚嘅，有一日我一位男仔老best竟然同我講，佢同個女仔拍緊拖。」吳若希表示當時有點愕然，因為該老best其實知道對方的過往，包括邀玩3P的舊事在內，她無奈說︰「呢個女仔情史非常多，曾經搞過人哋老公，同好多男士有一手，但我作為男仔老best，佢既然選擇同個女仔一齊，我都要祝福佢，希望佢哋真愛，嗰女仔會改。」

昨晚谷主吳若希化身「奇情嘉賓」，爆「戀愛腦」老best往事。

最後事與願違，吳若希繼續爆料︰「有一日另一位男友人忽然問我『喂，你老best係咪同個女仔散咗喇』，原來佢見到個女仔飲住酒坐另一個男人大髀，呢件事我選擇唔同老best講。」直到二人分手，吳若希才舊事重提，但老best的反應冷淡︰「佢竟然同我講『唔係呀，我信佢㗎』，佢嘅理由係個女仔有將其他男人嘅短訊畀佢睇。」令吳若希大呼無奈。

昨晚谷主吳若希化身「奇情嘉賓」，爆「戀愛腦」老best往事。

昨晚谷主吳若希化身「奇情嘉賓」，爆「戀愛腦」老best往事。

而「花生Girls」吳文懿（Kate）坐上「Comfort Zone」，談到跟第二任男友的故事。Kate直言欣賞對方才華，她說︰「佢會帶我去沙灘唱自己寫嘅歌，又會分享情史…..」火火聞言即場打斷說︰「對唔住，我係情場老手，等我話你聽，只要個男仔同一個識唔係好耐女仔，分享自己情史，100%渣男、騙徒。」接住Kate描述對方追女仔的手法，完全印證火火所講。

吳文懿坐上「Comfort Zone」自揭「戀愛腦」過往。

谷主火火一語踢爆渣男特性。

Kate又為圓男友當歌手的夢想，不時為對方課金，她說︰「學跳舞、唱歌，打扮又要錢呀。佢畀我個畫面好靚，講到如果上頒獎台，一定會講你個名。」Kate表示對男友毫不吝嗇，眼中只有對方。最癲是男友跟Kate借了1.8萬元，跟前女友到日本旅行，還理直氣壯跟Kate說︰「你知道呀咁又點吖。」

吳文懿坐上「Comfort Zone」自揭「戀愛腦」過往。

Kate勇敢站出來表白，為她贏得大量網民支持，有留言表示：「KK你係超級靚女，努力加油」、「KK值得更好」、「你是最好的」，有網友提議「GM追KK」、「供條仔個樣出來」以儆效尤。

一共十五集的無綫綜藝節目《試真D》逢星期一至五晚上 10 時 30 分翡翠台播映，節目由江美儀、周嘉洛、朱敏瀚（朱仔）、吳業坤及GM合作擔任主持。

GM對於臭屁醋嘅呢個反應真係好好笑。

朱仔係打足底去嘅。

齋聽Comment，GM已嚇到三魂唔見咗七魄。

GM真係反應彈嚟。

由於本住「試真D」精神的五位主持、自節目開播以來給出大量均真兼有話實說的良心食評，加上由江美儀帶隊的「試伏團」實測方法夠晒專業多元之餘，亦甚有「浸沉式」效果，成功引爆話題之餘，亦獲內地及香港網民熱捧為飲食版《東張西望》。

美儀姐真係一嘢就將啲臭屁醋擺近個鼻嚟聞，真係烈女不怕死。

朱仔被發現口不對心。

三人試食後反應各有不同，美儀姐係有嘢覺得好好味嘅。

佢哋食完之後要噴番香件衫，但聽講最後點噴都係臭。

今晚（4月23日）一集，三位主持將繼續捨身潛入疑似「問題食店」進行地顫式實測，包括被指控「海鮮唔新鮮」兼進食環境欠衛生的蠔店、盛傳食完全身會布滿屎味的三水名物「臭屁醋」，以及食物組合新奇又刺激的奇味壽司店！先說蠔店，三人甫抵達已見到有唔少蒼蠅、加上到處皆是未執拾的碗碟，及有垃圾堆在食桌附近，三位主持馬上放棄室外進食、改為步入店內繼續實測。

今晚一集嘅重頭戲，係佢哋地顫式實測呢間劣評餐廳。

有好多環境Shot

有好多環境Shot

步進店家後，三人即驚揭店員以同一部運輸機、同時運送廚餘／垃圾及新鮮出爐海鮮，嚇到GM連說了三次「好Kick喎」；三人又發現叫價88蚊人仔的店家招牌珍寶蠔、上碟時竟依然識得郁（即係未煮熟），嚇到出名淡定的美儀姐也頓時花容失色宣布「舉白旗」，最終由一度想「逃離食店」的朱仔捨身成仁、自告奮勇鯨吞「半生熟蠔」，到底朱仔食完會點？而除了熟食竟然「生勾勾」，朱仔在四出查探期間還發現阿姐的開蠔過程雖然認真，但其使用配套的衛生程度卻令人咋舌，其中一個步驟更叫美儀姐見到後大叫了三聲「吓！」，想知三人到底經歷了甚麼事，就要密切留意節目。

又專登睇住阿姐點處理隻蒸好嘅蠔。

但驚嚇在隻蒸完一輪嘅蠔仲係生勾勾，嚇到美儀姐舉白旗。

但朱仔為咗節目，都係決定啪入口，真心勁。

佢哋又驚揭店家運垃圾同煮好嘅食物係用埋同一部機。

佢哋又驚揭店家運垃圾同煮好嘅食物係用埋同一部機。

雖然環境咁樣，但美儀姐照貨真價實咁試食，一啲都唔錫身。

有機會令人一試上癮的極臭「臭屁醋」
另三人挑戰以「腐敗酸臭」馳名的「三水臭屁醋」過程也是令人捧腹，由於網民揚言：「食完好似喺屎坑食完飯出嚟咁」、「吃完衣服都不能要了」，朱仔出發前做足準備，除戴上口罩，還塞定兩張紙巾入鼻逼自己閉氣，十分搞笑。至於出名「浮誇」的GM，未步入食店已多次出現作嘔狀態，相當爆笑！而最公道的美儀姐則謂：「戴住口罩都聞到」、「陣味係哽架喎！」而本著求真精神，三人還到了食店的製醋現場進行實測，美儀為了幫觀眾試真D，毋懼惡臭直接將醋筆近鼻子猛索之餘、又即場點了少少放入口，極盡敬業！雖然「臭屁醋」陣味如此難頂，但三位主持依然照食如儀，結果美儀姐一度驚現心心眼表情之餘、朱仔更被爆暴風吸入食物，並狂指經「臭屁醋」煮完的食物會「變異」，並指「臭屁醋」有機會一試上癮，欲知詳情，都係要留意節目。

呢間「奇味壽司店」，好食同唔好食反應可以爭好遠，係咪好好奇呢？

GM被震撼到紅都面晒。

至於奇味壽司店都一樣精彩，三位先後品嚐了柚皮鵝肝、蔥燒黃油花膠、百香果鮑魚（果汁橡皮糖）、豬腦、山楂扣肉、芋泥及蔓越莓開心果牛肉等不同口味壽司，離奇的是，有些款式食到三人連聲讚嘆、美儀姐更一度合十雙手表示感恩；但有些款式卻食到三人懷疑人生，其中GM更因一道「XX壽司」難受到紅都面晒，到底咩壽司咁有威力呢？