網民分享「日儲20蚊」無痛儲錢法 港女回應月儲呢個數15年後成業主！

對於某些人來講，賺錢容易儲錢難，日前就有網民分享自己現實行緊「積小成多」，日儲20元，希望可以堅持下去，有港女回應，指自己由每月儲起一筆錢開始，15年後已成為業主！隨即激發起不少網民儲錢的動力。

樓主分享每日儲廿蚊，望可堅持下去。threads 截圖

樓主每日儲廿蚊望可堅持下去

有網民日前在Threads分享，表示「唔記得由幾時開始，起初每日儲廿蚊，因為銀包點都有，到後期每日儲40元，咁就(儲到)$3,660，應該可以堅持到年尾。」相中見她手持一疉20元和幾張500元鈔票，似乎儲錢計劃進展順利。帖文隨即引來網民熱烈討論，大家互相交流儲錢心得。

樓主分享每日儲廿蚊，望可堅持下去。Threads 圖片

網友曬出幾疊紅衫魚「戰績彪炳」

有網友回應時曬出自己可觀的成績，相中見到4疊厚厚的100元鈔票，他留言「我嗰陣儲完400日就入咗落銀行」，還透露每疊有100張「紅衫魚」，即是有一萬大元，而相中有四疊，加埋即有4萬元，可謂「戰績彪炳」！還有網友就表示喜歡儲50蚊紙，「儲夠一疊入落銀行，當旅行津貼」

有網友回應時曬出自己可觀的成績。Threads圖片

有網友就表示喜歡儲50蚊紙，「儲夠一疊入落銀行，當旅行津貼」。Threads圖片

儲了15年終成業主激發大家儲錢

而當中以一位網友的儲錢成績最亮麗，她分享到「我冇乜恆心日日數住儲，所以每月一出糧，就儲5,000元入去一個，只有去銀行用簿仔才能提錢的戶口。之後才用餘下的錢來過生活。儲咗15年後，我剛成為了業主」。不過樓主就回應還是「鍾意現兜兜咁儲，每日睇住佢遞增，更加有動力去儲」。不少網友都被這成的例子所激發，表示「等我試下」「呢習慣又唔錯喎，都可以學吓你先」「一個月都慳到360。一年就3600」。

日本是不少港人旅遊熱點，但經常有網友在社交平台分享港人在當地旅遊的一些「失禮」行為。日前就有網民在福岡縣福岡市西端的系島一間餐廳排隊時，稱見到有一位中年港婦竟拿出指甲銼當眾銼指甲，搞到指甲粉滿天飛，怒批行為好不要得！

網民在福岡系島一間餐廳排隊時，稱見到有一位中年港婦竟拿出指甲銼當眾銼指甲，搞到指甲粉滿天飛。threads 圖片

threads 圖片

憂港婦破壞了香港人的形像

網民稱當時他在當地的一間餐廳排隊食燒蠔，坐在隔壁的一位中年港婦，竟拎了個指甲銼出來，「起碼挫咗20分鐘，指甲粉成地都係，仲拍拍拍飛到同圍係」他表示當時婦人在食肆裏銼指甲很不妥，「其實可以返屋企先處理手甲，唔好講係日本，係香港都唔好咁啦」並擔心港婦破壞了香港人的形像「我仲想好好去日本，唔好比人岐視架。」

threads 圖片

網斥：喺香港咁做都頂唔順

貼文引起不少網民熱議，大家直斥該名婦人的行為失禮，「嘩，好核突影衰曬啲香港人，點解佢啲屋企人冇話佢嘅」、「真係好X失禮，影衰晒」、「唔好話日本，佢喺香港咁做的都頂唔順」、「其實香港都唔會咁，可以試吓細聲同佢講日本唔可以咁，會好失禮」、 「相由心生！沒修養！ 通常這種人都是面目可憎！ 」、「生刨芝士粉」、「高手，唔洗望住都磨到」、「完全唔明佢哋嘅思維 出街整會舒服啲咩」。

網上圖片

質疑事主為何不當面制止

有網民就質疑樓主為何不當面制止，「點解你唔出聲呢」、「身為香港人有責任管，如果係我會勸佢停手，再頂唔順先去第二間」、「為咗香港嘅聲譽，你應該叫佢STOP!」，不過有人都表示「成日喺香港見到有人一邊行一邊剪指甲。或者坐喺巴士剪到Tata聲，真係好恐怖」。

網上圖片