韓馬利自爆每日帶「七、八萬」出街嚇親網民 真相曝光網民笑爆：Mary姐玩嘢！

70歲TVB金牌綠葉韓馬利（Mary姐）近年活躍於內地社交平台小紅書，憑幽默風格和人生哲理吸引近6.9萬粉絲追蹤。日前她拍片自爆驚人習慣：「我平時出街起碼帶七、八萬，不帶夠錢，全身唔自在㗎嘛！」正當網民震驚之際，她突然亮出兩隻麻雀牌——「七萬」和「八萬」，搞笑反轉令全網笑瘋！

TVB金牌綠葉韓馬利

近年活躍於內地社交平台小紅書

憑幽默風格和人生哲理吸引近6.9萬粉絲追蹤

影片中，韓馬利一臉認真表示要展示「七、八萬有幾厚」，結果從口袋掏出兩張麻雀牌，瞬間戳破自己設下的懸念。網友紛紛留言：「以為Mary姐真係帶幾疊金牛出街」、「果然係老戲骨，演技騙到晒我哋」、「下次話帶十三么我都信」。

影片截圖

影片截圖

影片截圖

影片截圖

韓馬利的小紅書帳號以分享正能量見稱，今次「麻雀哏」再次展現其鬼馬一面。她曾透露保持年輕秘訣是「日日笑住過」，更教粉絲用樂觀態度面對逆境：「人生就像打麻雀，有時輸有時贏，最緊要享受過程。」

有「御用阿媽」之稱的韓馬利（Mary姐），一路走來經歷過大病同離婚，人生不算順風順水。去年圈中好友許紹雄離世，佢亦有親身到場送別。

韓馬利份參演過不少經典劇集，包括《名媛望族》中飾演大太太

近年韓馬利同第三任老公杜燕歌齊齊離開無綫，兩公婆索性搬去廣東中山住大屋，過住半退休生活，生活低調又寫意。

杜燕歌是Mary姐第三任老公

不過最近韓馬利於社交平台分享新片，就透露原本打算同老公一齊出遠門，但杜燕歌突然身體不適，要留於屋企休息。雖然唔舒服，但他仍堅持幫老婆執好行李，仲笑住話：「本來想同你一齊去，但唔爭氣。」

老公不舒服仍堅持幫Mary姐執行李

合力執

韓馬利就暖心回應：「你病呀嘛，最緊要養好身體，返香港仲要開工。」兩人互動自然又sweet，完全睇得出幾十年感情依然好穩。

老公執好多嘢

二人恩愛非常

片中仲意外曝光佢哋喺中山嘅大屋——大廳超闊落，有長走廊同掛畫裝飾，客廳簡約又大氣，整體感覺乾淨企理，生活質素應該不錯。