閨蜜男友餐廳求婚邀朋友到場幫手 事後竟要求夾錢 港女嬲爆：唔順氣！

可以促成好友的大好姻緣，並見證她被心上人求婚，實是一件美事！但是日前有網友指獲閨蜜男友邀請到餐廳幫手求婚，怎料事後竟然要求她夾食飯錢，令她覺得很「唔順氣」！

閨蜜男友其實一早已準備鮮花與戒指。示意圖

獲閨蜜男友邀請到餐廳假裝聚餐

網民日前在Threads發文分享，指閨蜜男友策劃求婚行動，並邀請一班朋友前往餐廳假裝聚餐，其實一早已準備鮮花與戒指。朋友們當然二話不說，無論多忙都應邀出席幫忙佈局。而最終都順利完成求婚。

示意圖

意外收閨蜜whastsapp要求夾飯錢

點知第二日她竟收到閨蜜的whastsapp，叫她要夾飯求婚餐飯的錢，每人約800元。樓主寫到「我知係佢男朋友叫嘅」，她表示如果不夾錢怕之後大家見面時好尷尬，但夾錢她又覺得「唔順氣」，覺得不知如何是好，問網友可以怎辦？

網友提議咁答：$800包埋人情啦

網友們留言都表示替樓主覺得激氣，有網友建議她應咁回應「唔該下次再求婚冇budget就唔好揀咁貴嘅餐廳啦，你求婚唔係我呀，我老麥都得㗎，$800包埋人情啦」並提早講明結婚當晚不出席「腳痛啊，你哋呢次結得開心啲，下次再結唔好搞我，俾咗$800要有牌儲錢呀」

網民日前在Threads發文分享，指閨蜜男友策劃求婚行動，並邀請一班朋友前往餐廳假裝聚餐。設計圖片

網民分析：道理喺自己到不怕面阻阻

有網友幫樓主分析，指「道理喺自己到」不用怕「面阻阻」，她說首先「要夾錢應該事先講明，而唔係事後」，其次更指出「只係你覺得你朋友唔係咁嘅人啫」並質疑有甚麼可能，另一半這麼寒酸要朋友幫手求婚，但事後又叫人夾錢，而身為「未婚妻/夫仲會幫手叫人俾錢，而唔係阻止呢d 核突事件」最後如真「夾咗唔順氣，你第時會怨自己」

示意圖

網友分享：M記開生日會問人收返一家三口錢

更有網友分享類似經歷「你呢單嘢咁似我係隔離見到人哋話個女個同學仔M記開生日會，開完問人收返一家三口錢嘅」並補充「已經買咗禮物加利是$1000」

有港女發文詢問網民，應否為年過60歲的父母購買自願醫保。她指父母現時僅依賴公營醫療，雖有高膽固醇、初期白內障等小毛病，但仍擔心現在投保「會唔會太遲」，隨即引發網民辯論。

有港女發文詢問網民，應否為年過60歲的父母購買自願醫。資料圖片

反對者指保費高昂條款多

不少網民直言，以樓主父母的年齡及健康狀況，投保可能「唔抵買」，因保費相對昂貴，且可能附帶多項「不保事項」。有自稱業界人士的網民更坦言：「呢個年紀、呢個病歷，唔係你肯唔肯買，係人哋肯唔肯賣俾你」，提醒長者若有心臟病或糖尿病等長期病患，保險公司極可能拒保。

樓主父母年過60。AI生成圖

支持者籲「有心唔怕遲」

然而，更多網民認為「有心唔怕遲」，並分享親身經歷。有過來人表示，為家人投保三年後即不幸患癌，成功索償二百多萬，感嘆「最重要係，你唔會忍心見到佢哋排公立」。另一網民指父親投保十多年，其後在私家醫院花費50萬，保險賠償九成，強調「有能力選擇私或公係已經好好」。

樓主稱「你唔會忍心見到佢哋排公立」。AI生成圖

過來人教路：誠實申報病歷

有網民建議必須誠實申報所有病歷，避免日後索償爭議。在計劃選擇上，可考慮「最高自付費」方案以降低保費，主要應對癌症等嚴重疾病風險。亦有人提議可搭配意外保或具危疾保障的年金產品，為長者提供多重保障。

樓主父母身體有小毛病。AI生成圖

網民總結：量力而為

討論最終未有定案，但有網民以風險管理作結，指為父母買醫保如同博弈，「都係講賠率」，做錯決定代價沉重，但選對策略或能在關鍵時刻換來安心。網民普遍認同，每個家庭狀況不同，應按實際經濟能力與健康情況，諮詢專業意見後再作決定。