雲集多個頂尖美妝品牌的DFS迪斐世香港銅鑼灣希慎廣場店推出全新盛夏活動，並邀請到近期於謝霆鋒演唱會亮相後人氣急升、有天才女結他手之稱的樂壇新偶像17歲Dale親臨擔任特別嘉賓大拍廣告硬照。Dale一抹在台上的搖滾帥氣形象，以一身驚喜純白仙氣造型示人，散發陣陣清純甜美的氣質，盡顯少女年輕活力，仙氣度爆燈!
曾任謝霆鋒演唱會結他手一夜爆紅的Dale，日前以特別嘉賓身份拍攝美妝廣告照。
展現仙氣。
要兼顧學業、練習結他和演出的Dale拍攝時容光煥發，絲毫未流露疲態，被問到平時可有 護膚秘訣?原來Dale從小開始就建立保養肌膚的習慣，最著重皮膚保濕和一定會搽防曬，她更透露自己亦是DFS的常客:「現在出騷拍廣告同出活動多咗，都會好注重外表同開始打扮，希望以最靚形象示人。今日嚟到希慎廣場 DFS可以一次過滿足我買護膚品及化妝品嘅願望，輕鬆做個時間管理達人，仲可以幫媽咪入貨一齊扮靚!我自己比較喜歡化淡妝，自然胭脂膏同潤唇膏都係我每次化妝嘅必備恩物。」她亦希望未來可嘗試更多不同風格的妝容和造型，呈現更多面向給觀眾。Dale更即場享受面部按摩服務，獲Dale大讚超放鬆又舒服，笑言幫她緊緻臉部線條，輕鬆塑造V面!
點擊看圖輯
曾任謝霆鋒演唱會結他手一夜爆紅的Dale，日前以特別嘉賓身份拍攝美妝廣告照。
自爆兩物係化妝必備恩物。
Dale以獨立歌手身份出單曲。
除了結他手的身分，Dale近日更以獨立歌手身份強勢進軍樂壇，為大家帶來新鮮滾熱辣推 出的單曲《Speeding On My Own》，曲詞編監唱一手包辦，勢成為新生代最有才華音樂人! Dale 亦提到首次拍MV感覺十分新鮮又興奮:「其實今次嘅攝製團隊只有4人，雖然係小本製作，但係花咗好多心思度橋同諗點樣實行。MV導演係我嘅小學同學，其餘都係我啲朋友仔，好多謝佢哋毫不猶豫應承同我一齊癲，過程中大家一齊玩都好開心!」而完美主義者的Dale更大爆今次拍MV於拍攝外景途中竟中暑，但仍頂硬上完成拍攝，表現十分專業:「MV入面有一段我要跑一條大路，但嗰日實在太熱，我跑跑吓嘅時候突然好頭暈，原來我 係中暑!最後要喺路邊唞咗半個鐘先可以繼續，過程真係好辛苦，但係我都好享受!」人氣爆升的她更於拍攝途中偶遇粉絲，Dale更笑說該名粉絲更一邊單手踩單車，一邊與她合照，場面搞笑;被問到未來何時再有演出，Dale就大賣關子說很快會在舞台上與大家見面，敬請期待。
拍MV熱到中暑。
強勢進軍樂壇。
曾打造謝霆鋒、容祖兒等無數經典，兼一手捧紅Twins成當紅女團的音樂人伍樂城，今年再戰本地樂壇，從其音樂學校選出六位年齡介乎13至16歲的女生，組成全新女團Honey Punch，先後派上兩首作品《蝶式》及《滑到入心》瞄準今年樂壇新人獎。入行30年的伍樂城接受雷霆881商業一台《星光背後》專訪，憶述由學習古典音樂走進流行樂壇變身金牌監製的辛酸外，亦披露當年與初入行的阿Sa、阿嬌合作點滴，伍樂城指：「Twins嘅schedule係痴線！」
伍樂城
於牛頭角下邨一家五口成長的伍樂城，九歲開始學鋼琴，他1990年遠赴美國著名學府伯克利（Berklee College of Music）修讀音樂製作及電影配樂，他坦承五年才完成大學，跟經濟負擔有莫大關連，「因為每一個課程都係錢，譬如一個學期可以讀六科，但我唔夠錢只可以讀兩、三科，就好慢。」為了交學費，伍樂城求學期間兼職過不少工作，「五年我都無返過香港，Waiter、唐人街卡拉OK打碟都做過，最影響我係做Berklee音樂廳嘅帶位，因為所有有名嘅Musician嚟Boston開騷，都會嚟我哋學校，呢份工無得坐係好攰嘅，但乜嘢騷都會睇，譬如音樂劇、Heavy Metal、Jazz，甚至最勁嘅Celine Dion，係令我領略何謂先入為主，好多嘢我以為無乜特別，但表演期間原來玩得好正！」
謝霆鋒唱《無聲彷有聲》表達對愛不後悔。
伍樂城95年回港加入許願星工廠先做《山水有相逢》電影配樂，因而遇上人生兩大伯樂黃偉年及趙增熹，亦因趙增熹96年監製梁漢文的專輯，讓伍樂城寫了首支大熱作《衣櫃裡的男人》，繼而再獲英皇賞識，先後為謝霆鋒監製《無聲彷有聲》、《愛後餘生》、《非走不可》等經典。談及霆鋒給人少說話及火爆的印像，伍樂城說：「我同佢合作無嘢喎，同佢溝通係最簡單直接！最記得《非走不可》，因為佢一邊錄我一邊諗到歌名，最初公司覺得唔吉利唔想用，係霆鋒撐呢個歌名。」亦因霆鋒的成功，英皇亦將未出道的Twins交到伍樂城手上，一批伍氏校園情懷作，順利幫Twins走上當紅偶像階梯，伍樂城說：「好多謝佢哋公司畀我哋好大自由度，無乜理我同填詞人點設計。」由Twins未出道到成名後多張專輯，伍樂城見證二人的辛苦，「佢哋好早已經忙到死，一年等於人哋五、六年，未出道仲好啲，佢哋嘅Schedule係痴線嘅，突然間就話要出，唔係一首歌喎，係一隻碟，好彩係兩個，嚟到一個瞓一陣先，一個叫嘢食錄歌先，所以連我根本都無得瞓，但亦訓練到我無乜問題解決唔到。」
見證Twins痴線時間表。
伍樂城跟四大天王也先後合作過，他承認其中一次夢幻經驗，是監製及灌錄劉德華及梁朝偉合唱的《無間道》，令他登上金像獎頒獎台，摘下2003年金像獎最佳電影原創歌曲。談及獲得為這經典電影創作主題曲的機會，伍樂城自揭要擊敗眾多競爭對手，「我哋寫歌都係靠投稿，我要再次好多謝陳德建先生，當時佢處理晒劉德華先生嘅電影，好記得當時我食緊飯，求其問佢要唔要歌，佢話有套電影，故事係：『兵就係賊，賊就係兵！』就係咁多，我就即刻諗到Intro，仲即時喺餐廳攞張紙巾寫喺上面，其實我寫好多歌都係同人食緊飯，《風箏與風》都係咁寫出嚟。最後好好笑，陳德建話恭喜我，佢哋最後揀咗兩首，其中一首係我，咁仲慘，我嗰陣幾日都瞓唔著，End Up中咗，係好開心。」
今日(12月6日)，下午二時至三時於雷霆881商業一台播放的《星光背後》，主持人梁泰來邀得伍樂城任嘉賓。
