近日有網民在社交平台Threads分享乘搭的士遇到濫收車資的經歷。該網民表示，因趕時間前往診所，早已準備好約37.3元的車資，方便迅速付款下車。惟司機兩度堅持收取40元，最終他為了趕時間只好付了該數目，事後深感不忿發文大呻。
資料圖片
的哥堅持收40元車資樓主無奈「屈服」
樓主表示事發當天，由於預計車資約30多元，「為咗司機唔使找錢，我就拎定啲散銀神沙喺手」準備一到目的地就能迅速付錢下車。當的士駛到診所時，咪錶顯示車資為37.3元，司機卻直接報價40元，於是樓主向司機表示自己有足夠零錢付車資，但對方卻重複說「40元」，拒絕找零錢。最後他無奈接受。事後樓主氣憤地發帖在文中表示「你搵食辛苦，家陣我又好輕鬆？黑社會咁款，畀返$2.7我呀」
資料圖片
網怒：佢四捨五入嘅範圍咁闊嘅！
網民紛紛為樓主抱打不平，並指不應因趕時間而「屈服」，他們批評該名的士司機濫收車資，「你照畀就係你戇X」、「你應該畀$37.3，然後落車」、「關趕時間乜事？放低錢，開門，落車，冇嘢需要解釋同爭拗，就係咁簡單」、「唔通佢講100（元）你都畀咩？你搭咗幾多錢就畀幾多錢落車」、「呢啲可以報警，濫收車資」、「咁就過份咗，佢四捨五入嘅範圍咁闊嘅」。
濫收車資等11項均屬違例會被記分
根據現行的士違例記分制，濫收車資、故意拒載、沒有採用最直接而切實可行的路綫駛往目的地等11項嚴重影響服務質素的罪行均會被記分，分為10分、5分及3分三級。若司機在兩年內累計達指定分數，會受到相應處罰，包括違例記分提示、強制修習服務改進課程，甚至取消駕駛資格。
示意圖。《愛回家》劇照
示意圖。《降魔的》劇照
累計8至14分者會收到違例記分提示；達10分或以上者須自費完成服務改進課程。若未遵從要求，屬犯罪行為，最高可被罰款5,000元及監禁1個月。完成課程並通過考試後，可減除3分。累計15分或以上者，首次會被停牌3個月，再犯則每次停牌6個月。
