香港網絡近日流傳一段巴士車廂影片，引發熱議。事緣一名巴士車長要求攜帶榴槤的乘客下車，並高呼「榴槤味會影響我揸車」，隨即觸發車上乘客激烈討論。
車長不滿榴槤味 乘客反應兩極
片段攝於巴士下層，當時車輛正停站上落客。據發帖網民描述，車長明確表示「帶榴槤嘅乘客要落車」，並解釋氣味會影響駕駛。一名操普通話的乘客隨即質問：「誰帶榴槤的要下車？」
Threads影片截圖
Threads影片截圖
車廂內隨即爆發爭論，有女乘客力撐車長：「司機唔聞得，影響佢揸車，危險呀！」一名男乘客則反駁：「榴槤都唔係臭㗎，我聞到好香！」此話一出，多名乘客即「疊聲」反擊：「有啲人唔食得唔聞得㗎！」、「咁人哋（車長）係唔聞得嘛！」最終，一名女乘客一句「咁佢暈，佢揸車你驚唔驚先？」令男乘客無言以對，只好悻悻然回應：「咁得啦。」
示意圖。設計圖片
網民激辯：法例無禁 但應顧及他人
事件在社交平台發酵後，意見兩極。有網民質疑車長做法，指現行法例並無明文禁止攜帶榴槤乘搭巴士：「法例冇話唔得就即係得」、「咁九巴要有條例規定先得喎」。
示意圖
然而，更多網民支持車長決定，認為駕駛安全應放首位：「最近搭巴士，啲阿姐拎住榴槤，臭到我想暈」、「司機如果唔舒服，揸車真係好危險」。不少人更大讚聲援車長的女乘客「一矢中的」：「阿姐講得又有道理，影響司機揸車，你驚唔驚先？」
榴槤愛好者籲密封處理
即使喜歡榴槤的網民亦認同，攜帶上車應妥善包裝：「我鍾意食，但巴士焗住真係會臭到想嘔」、「密封好佢為己為人啦！」
示意圖
根據《公共巴士條例》，車長有權拒絕攜帶「危險性或厭惡性物品」的乘客上車，亦不應讓任何物品分散司機注意力。今次事件雖無明文規定，但已引發公眾對公共交通工具上飲食禮儀的關注。
