曾展望GM高光時刻獨取42萬「奇情谷」Stickers 親回同居傳聞︰我都想

由導演火火、吳若希（Jinny ）及曾展望（GM）三位谷主主持，TVB Plus（82台）全新直播一小時節目《奇情谷》，逢周一晚9點半及周二晚9點35分播映，每集嘉賓的故事都會震碎各位三觀，對固有認知重新定義，走入一個誇張但真實的世界。昨晚（9日）主題「法中奇情」請來法律界KOL范德偉（David）擔任嘉賓，分享特殊個案，淺談黑與白背後奇情故事。

昨晚嘉賓法律界KOL范德偉。

不過昨晚的節目焦點，主要落在剛參加完戀愛綜藝真人騷《Funki Finance呈獻：女神配對計劃》的GM身上，當他準備匯報《奇情谷》內容時，吳若希已急不及待追問︰「係咪匯報你同葉蒨文（Sophie）嘅進展啫？」谷主火火接住加入戰團，大讚GM在戀愛綜藝真人騷表現︰「佢真係型到呢。」還重提多年前GM跟Sophie合作的節目《不能只有我看到的便利店追女神食譜》，他說︰「個塊『Chance 蛋餅』嘅幽默同愛心、細心同誠意，真係無得頂。」吳若希接力唱「雙簧」，她表示查過GM跟歌手葉蒨文丈夫林子祥，是同一日生日，足證二人緣份。處於下風的GM無力反擊，只無奈說︰「多謝大家支持，其實所有招數都係跟『情場浪子』火哥學，追女仔嚟講『一膽、二力、三功夫』。」火火呼籲網民在留言區為GM打氣。GM之所以成為焦點，事緣前晚首播的《女神配對計劃》中，他公開向Sophie示愛，二人真摰互動的短片在官網播出11小時，便錄得80萬views，昨日社交媒體都瘋狂報道二人的新聞。

昨晚GM成為焦點，大批網民送上他的頭像stickers作支持。

昨晚GM成為焦點，大批網民送上他的頭像stickers作支持。

兩位谷主火火、吳若希為節目搞氣氛。

兩位谷主火火、吳若希為節目搞氣氛。

兩位谷主火火、吳若希為節目搞氣氛。

昨晚不少網友在《奇情谷》留言區為GM送上祝福︰「荀盤GM」、「你就威」、「加油」、「快啲追到Sophie，我哋想睇你快啲結婚生仔」。到節目完結共收到42萬個GM頭像stickers，破盡節目紀錄。今日他在IG開post自言受寵若驚，並感謝大家的支持及創意「直情連個仔嘅名都幫我改埋，例如，曾天行(在人生道路上航行 充滿展望與未來) 有心程度係誇張，我已經贏哂大家滿滿的愛 ，好感動」，同時不忘為Sophie減壓，他表示「自己參加得節目就食得咸魚抵得渴，但對女仔嚟講可能會有啲不知所措，好似已經幫佢篤定咗我，我想佢可以放鬆地作出自己開心嘅選擇……」

GM共贏得42萬個stickers，破盡《奇情谷》紀錄。（IG截圖）

GM共贏得42萬個stickers，破盡《奇情谷》紀錄。（IG截圖）

此外，有多位網友在留言區指GM跟Sophie早在半年已在荃灣某apartment共築愛巢，對於「同居傳聞」GM否認說︰「我都想係，不過我未有咁嘅福份，多謝大家。」

「花生Girls」葉靖儀(Michelle )及吳文懿(Kate)

「花生Girls」葉靖儀(Michelle )及吳文懿(Kate)

一共十五集的無綫綜藝節目《試真 D》逢星期一至五晚上 10 時 30 分翡翠台播映，節目由江美儀、周嘉洛、朱敏瀚（朱仔）、吳業坤及曾展望GM合作擔任主持。

GM只係聽到個蟲字，反應已經誇張過人。

好多蟲呀真係。

水曱甴。

今晚（4月22日）一集，未出發已揚言有「蟲蟲恐懼症」的GM，終於要面對現實，在廣州挑戰「全蟲蟲宴」、朱仔將會二度挑戰「臭脾老闆娘」，另三人還會齊齊體驗價錢抵到爆、有中醫即場把脈的「養生火鍋」，今晚更會首度出現滿分「小眾點評」食店！

GM嚇到變BB。

江美儀勁淡定。

呢個係透緊大氣嘅朱仔。

GM啲極級反應，笑到美儀姐肚痛。

有啲蟲蟲、仲要搣完先食得，好可怕。

三間食店之中，絕對以「全蟲蟲宴」體驗最特別，而GM單是聽到「金龜子」、「桂花蟬」及「黑螞蟻」等蟲名，已嚇到面容扭曲；而當身處「蟲蟲宴」現場、被各式各樣的蟲蟲「『蟲蟲』包圍」後，GM即刻綻放「嚇破膽表情包」，驚到五官變形兼不時露出作嘔樣之餘，更嚇到爛gag湧現，其中一句「凍檸茶有得少甜，呢度有冇得少蟲架？」更笑到美儀姐卡卡聲。在眾多蟲蟲之中，令GM嚇到毁容的分別有「肥嘟嘟南瓜蟲」及「極恐怖水曱甴」，當面對完整的水曱甴原隻上時，GM嚇到連續大叫八聲「嘩」之餘，更忍不住將碟蟲有咁遠搬咁遠：「唔好圍住我，我唔係好得」、「嘩！認真，我好唔鍾意掂呢類嘢，嘩！」然後仲一味齋Talking拖延時間，結果遭江美儀喝斥：「你講咁多！郁手啦！」、「冷靜啲，後生仔」、「點呀你」，爆笑度超標！

至於朱仔，其實勇敢度只係高過GM少少、除了不時要抖大氣才敢放蟲入口、當他吃完店家激推的南瓜蟲後，竟忍不住爆笑：「如果呢個係最好味…我想走。」雖然兩位男丁全程表現慘到形容唔到，但其中有一味蟲，竟然食到GM「細眼變大眼」之餘，三位主持更同時讚不絕口，仲話可以Encore，到底咩蟲咁好味？

GM真係好好笑。

但有隻蟲，連佢都話好味。

有啲蟲係可怕到，連美儀姐都唔係幾頂得住。

朱仔二度挑戰聞名「臭脾老闆娘」
另一間食到三位「嘩嘩聲」的，是雖然只是88蚊人仔人均的一人火鍋店，但唔單止靚裝兼有中醫專場幫你把脈同度身訂造養生湯底、仲有極多新鮮食材，食到三位主持舔舔脷，仲激罕地齊齊畀五分，絕對值得留意！還有一個亮點，是駐場中醫師相當玩得，因為美儀姐把脈時搞笑指想生小朋友，中醫即幽默回應她「需要滋潤」兼「建議談戀愛」，三位主持隨即異口同聲大叫「中醫配對計劃」，認真笑爆嘴。至於二度挑戰「臭脾老闆娘」的朱仔，這次更有緣直擊現場食客被訓話，不過經美儀姐再三追問，卻發現老闆夫婦惡人背後、其實勁有專業操守，到底又點解呢？

朱仔二度挑戰臭脾老闆娘，食咗唔少「花生」。

美儀姐把把吓脈都玩到配對咁，贏晒啦。

食材好新鮮。

江美儀好味到雙眼發晒光。

想知點解咁高分，梗係要留意節目啦。

至於昨晚（21日）一集，美儀姐則與朱仔及GM玩轉深圳，除一次過食勻「地獄」VS「天堂」級數餐廳，還比拚了無人機VS外賣員送外賣優點缺點，當中以獲超過3,000個好評、只得13個負評的4.9分高級「名畫美食店」最有Gimmick，除碟碟餸都砌到鬼咁靚，有「魚生美女」又有「海膽梅花」，另外店家招牌菜「蟹高湯海苔蒸蛋」、「蟹腿蒸肉餅」、「黑椒牛舌」及「雪蟹蒸籠」望落亦相當新鮮美味，三位主持自然食到咿嘩鬼叫：「啲海水味仲喺度啊！」三人還額外針對坊間「負評」逐一平反，美儀姐更大讚食店服務質素高、環境氣氛好及美食多選擇，絕對物超所值，更笑言是次探店經驗極勵志：「個天知你捱咗咁多餐，點都畀啲好嘢你食吓，真係感動嘅。呢餐4.9分絕對係實至名歸嘅。」

至於叫價59.9蚊人仔的90分鐘任食一人火鍋，三人主力針對坊間盛傳的「牛肉過紅」、「牛柏葉冇色」、「水果不甜」，及「魷魚有臭味」等逐一測試，凡事認真的美儀姐更乜都拎近個鼻度聞，極度專業。經過一輪「望聞問切」，三人指餐廳設備齊全勁貼心，三人指魷魚雖冇臭味但有酸味；牛肉確實很紅之餘、食落口還「鬆、散、腍、霉」；而眼利的美儀姐還額外發現了「更年期水果」，十分爆笑。雖然「伏味」處處，但三人認為火鍋店配套齊全、沙巴魚亦魚有魚味、花茶亦相當不俗，故仍有可取之處，並感嘆：「五十幾蚊，原諒佢啦！」