蒲台島海灘日前驚現大量疑似私煙擱淺。一名女子於星期日(6月8日)在社交平台Threads發文，分享她近日在蒲台島行山時，發現沙灘上散落數十條香煙的情況，並上載多段短片及照片，表示「行山驚見一堆私煙擱淺」並形容「成件事好毒梟」，令人震驚。
網上圖片
沙灘散落大量包裝完好香煙
影片中可見，在沙灘岸邊散落著大量整條包裝完好的香煙，目測每條約有10包。該女子甚至當場拆開其中一包，取出兩根香煙後，隨即丟棄在地上，樓主懷疑海灘發現的香煙為「擱淺私煙」。
網上圖片
網民笑稱：海鹽味焦油
有網民留言笑稱「唔知曬返乾食唔食得？」、「依啲煙，香港好少見，懷疑係假煙，拎出嚟曬一囇，可能有啲海鹽味」、「海鹽味焦油」、「可能多咗海鹽／魚蝦蟹味喺入邊」、「日本煙真係有呢隻味（海鹽味）」。
網上圖片
有人以相中所見目測白賺2皮
有網民就想起了電影《門徒3》或《無間道》的劇情，上載「傻強掉晒啲貨落海」和「有內鬼終止交易」的劇照，笑指樓主「你知得太多啦！」；有人以相中所見「目測白賺2皮（2萬元）」、「地址呢，我幫你報警」、「其實使唔使報警？」。
網上圖片
有網民亦分享親身經歷指「前年喺大陸陽江出船釣魚，喺遠海度見到個大木箱，船長用繩拉喺船邊開箱，開咗個角仔，見到兩隻獅子企喺地球兩邊，嚇到佢剪繩飛返埋岸」。
網上圖片
海關：走私最高可被判罰款100萬元
香港海關強調，走私屬嚴重罪行。根據《進出口條例》，任何人輸入或輸出未列艙單的貨物，一經定罪，最高可被判罰款200萬元及監禁7年。此外，根據《應課稅品條例》，任何人若處理、管有、售賣或購買私煙均屬違法，最高可被判罰款100萬元及監禁兩年。市民若有懷疑私煙活動，可致電海關24小時熱線182 8080，或透過舉報罪案專用電郵帳戶（crimereport@customs.gov.hk）或網上表格（https://eform.cefs.gov.hk/form/ced002/tc/）舉報。
