相信熊貓迷已經對「家姐」加加同「細佬」得得日常活動的大熊貓之旅外場展館相當熟悉，而兩姐弟日常休息生活的內場房間就鮮有曝光，今次海洋公園小編就以獨家視角，由「家姐」加加行住Catwalk帶大家去「睇樓」！
IG圖片
海洋公園在社交平台公開「家姐」加加的最新影片，由於視角獨特，好似真係跟住家姐「加加」去搵細佬「得得」咁！一路上，向來儀態優雅的「家姐」加加還不時停下腳步，體貼的回頭望一望，等小編的鏡頭跟上，盡顯大家姐風範。
在 Instagram 查看這則貼文
不過影片去到後面變咗「味道」，原來負責帶大家「睇樓」的「家姐」加加，竟然斷正細佬「得得」獨食盆盆奶，嬲到家姐「加加」第一時間撲過去，「細佬又做(胖)徒自己歎奶！獨食易肥啊」
影片曝光引來網友熱議，大家紛紛爆笑留言：「正 請問可唔可以出集內場room tour 」、「我好鍾意家姐，她今天示範咗怎樣做Cat Walk女王！」、「加加家姐catwalk 百看不厭」、「家姐呢個panda walk，pat pat扭下扭下帶我哋入內場搵細佬好療癒啊」、「加加姐：我行得係咪好elegant呢」、「犯哂規犯哂規丫。。。點解家姐嘅panda walk咁優雅架，盈媽教得好有教養丫」、「最佳攝影，角度速度好掂呀～ 加加姐好似地產 Agent 咁帶我地參加"黄竹坑豪宅" 睇樓團」
