關嘉敏接受新城《寵愛您》訪問 救愛犬與母爭執 甘願一年遷居6次

「扮嘢女神」關嘉敏（Carman）日前帶同愛犬TwoTwo，接受新城《寵愛您》節目主持羅沛淇（Pinky）訪問，暢談為收養TwoTwo不惜與家人抗爭、搬離家園的暖心經歷，而TwoTwo更曾神奇助攻她挑選理想伴侶。

關嘉敏（Carman）日前帶同愛犬TwoTwo，接受新城《寵愛您》節目主持羅沛淇（Pinky）訪問。

Carman透露TwoTwo是她偶然救下的流浪犬，當時牠被困在狹小籠中險遭虐殺，「當時我諗都唔諗就決定救佢出嚟，我屋企人都唔知，我係先斬後奏帶佢返屋企」。但由於關媽媽因曾遭狗咬傷極度怕狗，為此母女爆發激烈爭吵，最終Carman選擇搬離家園，「期間都發生好多事，我就同佢相依為命，搬咗好多唔同地方」。Carman笑稱TwoTwo性格如她「男子頭、過度活躍」，一人一犬曾因裝修糾紛一年搬遷六次，十分誇張。

Carman甘願為愛犬一年遷居6次。

節目中Carman分享TwoTwo的「特殊技能」，就是替她篩選對象；Carman透露拍攝戀愛真人騷時，TwoTwo對其中一名男嘉賓特別親近，「第一次見面就主動挨住人哋，仲主動過我。（個男仔你覺得可以考慮？）係！」Pinky即表示：「條紅繩已經牽咗！」她坦言未來伴侶必須通過愛犬考驗，「要追我先討好我隻狗，我就會即刻好心動。」被問若對象不接受愛犬會如何選擇，她堅定表示：「我會揀TwoTwo，亦會用方法去令另一伴接受TwoTwo。」對於理想伴侶條件，Carman列出「專一、健康、鍾意TwoTwo、有愛心及孝順」五大原則，並強調：「對方一定要支持我嘅工作，包括拍親熱戲。」

「TwoTwo」成最佳紅娘。

Carman大爆遇到愛犬時因減肥過度罹患焦慮症，「每日瘋狂做運動卻愈減愈肥，減到勞損，有一次喺健身室爆喊，身體又好差，又要上鏡，心理壓力好大。」收養TwoTwo後，每天規律遛狗讓她學會放慢腳步，「TwoTwo幫我製造『Me Time』，令我個人放鬆，焦慮症就慢慢好番。」

擇偶先過狗關。

提到早前的網路負評，Carman表示要感謝這些經歷，「如果唔係我嘅心臟就唔會強大，發生事之後我喊咗三日三夜，呢三日都冇做過嘢，我就覺得自己好垃圾、好廢柴，我同自己講，我嘅初心係鍾意做呢行，我對呢行有熱誠，你要發光嘅話，你去邊到都發光，所以要做一個有實力嘅人，我聽到自己鼓勵自己。」她又指現時看到負評，會懂得反省自己，然後作出調適，「反省完之後我就會改，改唔到或者生安白做，我就當笑話咁睇。」

藝人袁文傑日前到新城廣播接受羅沛琪（Pinky）主持的寵物節目《寵愛您》錄音訪問，暢談他與愛貓「卡仔」的相處點滴，並分享其對動物醫療的看法。袁文傑提到「卡仔」的名字，源自他喜愛的英超球隊阿仙奴的年輕球員薩卡（Bukayo Saka），他表示：「啱啱嗰幾年就係薩卡呢個球員成長，佢都係自家培育出嚟嘅球員，所以好有感情。」

袁文傑接受新城廣播《寵愛您》訪問。

袁文傑形容卡仔是一隻非常主動與人溝通的貓咪，與一般認為貓咪獨立的印象不同。他分享每天早上沖咖啡、播音樂時，卡仔都會伏在他旁邊，他更會對著貓咪跳舞，場面溫馨。他又憶述初次接觸卡仔的情景：「有個朋友佢有一隻異國短毛貓，她話送一隻畀你，叫我上佢屋企睇。然後我攞手機去拍，突然拍到有隻貓突個頭出嚟，就係呢下攞咗我命。」

談到過去飼養的貓咪離世時的經歷，袁文傑言談間流露出不滿與傷痛。他憶述愛貓「囝仔」離世前的過程：「我記得囝仔走咗，我預計佢差唔多，因為佢重病，但出現嗰一剎那永遠都係咁突然，佢個貓砂盤我擺咗喺到半年都冇清過。」

袁文傑與主持人羅沛琪（Pinky）

他特別提到對動物醫院處理手法的質疑：「我認為任何醫生都要係心理醫生，你有冇發覺？有時你帶貓貓狗狗去睇病，醫生講咩佢哋唔識聽，最主要係畀主人聽，其實個安慰成分係好大。最後你班醫生既然知道佢（囝仔）半邊身癱咗，你仲話要幫佢開刀，我話唔好。」
袁文傑憶述當時醫生建議再進行磁力共振檢查，但囝仔在接受全身麻醉後未能醒來。他更指出醫生當時「沒有表情」，而主診醫生在他臨走時亦未有慰問。他坦言對此感到極憤怒，並指出過程中亦有自責。他表示花費了大量精神、心血及金錢，最終只希望貓咪能夠好過一點，但認為醫院的做法剝奪了貓咪最後與主人相處的時間。

袁文傑慶幸現時有社交平台讓寵物主人互相支持：「例如有啲貓狗主人，佢哋自己可能都唔開心，自己寵物拜拜咗，放一張相出嚟，我哋留個言安慰，我覺得都係一種支持嘅力量。」

袁文傑

詳細節目內容，請重溫3月29日，下午1:00 – 1:30，新城知訊台《寵愛您》，網址：https://www.metroradio.com.hk/MetroInfo/