難忍眼白白睇住葉蒨文情傾對手 GM酸溜苦澀慘情樣熱爆網贏盡同情

無綫熱播戀愛綜藝真人騷《Funki Finance呈獻：女神配對計劃》，昨晚（22日）播出的第三集粉紅氣泡滿滿！極度入屋的「MC CP」曾展望GM及葉蒨文Sophie，短短一餐Fine Dine不但吃出了溫馨、浪漫又熾熱的愛火花，還吃出了滿天飛的醋意；原本獲一致睇好抱硬美人歸的GM，在首輪約會中竟因過度表白及太過進擊，令葉蒨文好感度「不升反跌」，加上殺出與葉蒨文三觀一致的程咬金—林澤謙阿Him，以及GM在Fine Dine遊戲中只勝出了一個回合，未有足夠時間好好表達愛意及與Sophie交流，最終只能眼白白看著Sophie與阿Him共渡「甜品時光」，情景苦澀！

花生團睇到好肉緊，尤其江美儀。

Sophie雖然被GM嘅鍾情同偏愛打動，但佢覺得一切好似嚟得太快，令佢有啲壓力同招架唔到。

呢Part係用磁性聲講情深說話冧Sophie嘅環節。

GM一嚟就咳，搞到Sophie笑場。

GM一嚟就咳，搞到Sophie笑場。

GM緊張到伸脷。

Sophie呢個表情，似乎代表住something。

當知道原本同自己打成平手嘅阿Him，勝出咗第三個回合後，GM個表情好失落。

其實當GM得悉自己在首輪約會中落敗後，面對主持林盛斌（阿Bob）慰問，原本已一臉失落兼頹到眼定定的他，先是有口難言地吞了一大啖口水、再強顏歡笑望向阿Bob、並投出了一個饒有深意的眼神，全程欲言又止的狀態與平時口若懸河的他判若兩人。最終未有即場說出自己感受的GM，事後接受製作組訪問時坦言感到失望：「睇住自己鍾意嘅女仔揀咗第二個，對自己有啲失望。」GM的失落就連花生團亦為之動容，江美儀更忍不住一再感嘆：「GM真係慘喇，眼淚在心裏流睇吓佢。」另外亦有不少網民被GM慘情樣感動，紛紛留言表示同情：「啲表情好真心」、「GM想喊咁」、「GM慘慘豬」。

Sophie同阿Him傾得愈開心。

GM就愈失落。

嚴重表情管理失守嘅GM，抖大氣之餘，仲鼓起埋泡腮。

當阿Bob上前慰問GM時，平時口若懸河的GM竟良久說不出半句話，仲要好明顯係強顏歡笑。

阿Bob呢個手勢，有好深層嘅意義。

GM：每次自己好認真嘅時候，好似都會出事

GM昨晚一集確是火力全開追女神，惟因火力過猛反而令葉蒨文有點卻步！除因GM醋意大發勸阻葉蒨文買咖啡給其他異性，GM真摯又脆弱的「我不懂拍拖」剖白，更令葉蒨文坦言有壓力。GM剖白全文：「拍咗拖我覺得我都幾緊張女朋友…我驚我自己好鍾意一個人，點解好似成日扮到咁瀟灑呢？其實有陣時好驚自己好鍾意之後會好Hurt，所以一有啲鍾意喇，就同自己講，唔好咁鍾意，因為我覺得每次自己好認真嘅時候，好似都會出事，所以其實我平時都好少可會想公開追女仔，但我見到你之後真係有個念頭，想試吓照顧你。」又透露自公開表白後「對Sophie更堅定」：「我絕對唔會放過任何一個機會去捉住佢。」

GM好認真咁剖白自己不懂拍拖，值得留意係佢認真又猶豫嘅眼神。

葉蒨文一度感動至眼濕濕

GM的真摯剖白雖令葉蒨文感動至眼濕濕，但她事後接受製作組訪問時，坦言招架不能：「其實我招架唔到，好似好快咯，我唔知點反應…我鍾意咁深情、有一種偏愛嘅感覺，但係第二次見面咋喎，其實我哋都有好多價值觀嘢未傾過，就要我承諾一啲嘢，我就會覺得有啲壓力。」

葉蒨文聽到有少少眼泛淚光，不過佢都一樣有啲猶豫。

充滿「緣」機的「答案之書」

話雖如此，昨晚節目彩蛋位卻給出了極大的反轉驚喜，雖然Sophie對阿Him表現得相當有興趣，亦坦言對GM的急進猛烈攻勢不太消化到，但當Sophie與阿Him在「甜品時間」甜玩「答案之書」時，阿Him追問自己是否Sophie暗地保護的人時，「答案之書」竟給出「Hold on（等一等）」的答案，Sophie對此給出了一個耐人尋味的甜笑之餘，還意有所指謂：「都啱嘅」。

勝出嘅阿Him，同Sophie兩個人玩「答案之書」共渡甜蜜時光。

當阿Him問Sophie嘅保護名單係唔係自己時，「Hold on」嘅答案同埋Sophie嘅表情，好有玄機。

彩蛋有反轉：葉蒨文一個表情證曾展望仍然好有機

但為了保持神秘，製作組未有即時揭曉Sophie保護名單，反而安排在最後最後的彩蛋部分揭曉答案，認真吊癮。原來Sophie想保護的人始終是GM，加上Sophie揭出GM二字時的甜蜜笑容，「MC CP」絕對依然充滿「緣」機！Sophie：「咁我本身已經對佢有啲好感，咁跟住見到佢上次咁勇敢咁過嚟參賽，我係好想同佢有機會相處同了解多啲，所以我揀咗佢。」

原來Sophie最想保護嘅人，始終係GM！

原來Sophie最想保護嘅人，始終係GM！

配埋呢個當初Sophie見到GM參與時，嗰個激動嘅心跳樣，係咪好浪漫先？

配埋呢個當初Sophie見到GM參與時，嗰個激動嘅心跳樣，係咪好浪漫先？

一共十五集的無綫綜藝節目《試真D》逢星期一至五晚上 10 時 30 分翡翠台播映，節目由江美儀、周嘉洛、朱敏瀚（朱仔）、吳業坤及GM合作擔任主持。

GM對於臭屁醋嘅呢個反應真係好好笑。

朱仔係打足底去嘅。

齋聽Comment，GM已嚇到三魂唔見咗七魄。

GM真係反應彈嚟。

由於本住「試真D」精神的五位主持、自節目開播以來給出大量均真兼有話實說的良心食評，加上由江美儀帶隊的「試伏團」實測方法夠晒專業多元之餘，亦甚有「浸沉式」效果，成功引爆話題之餘，亦獲內地及香港網民熱捧為飲食版《東張西望》。

美儀姐真係一嘢就將啲臭屁醋擺近個鼻嚟聞，真係烈女不怕死。

朱仔被發現口不對心。

三人試食後反應各有不同，美儀姐係有嘢覺得好好味嘅。

佢哋食完之後要噴番香件衫，但聽講最後點噴都係臭。

今晚（4月23日）一集，三位主持將繼續捨身潛入疑似「問題食店」進行地顫式實測，包括被指控「海鮮唔新鮮」兼進食環境欠衛生的蠔店、盛傳食完全身會布滿屎味的三水名物「臭屁醋」，以及食物組合新奇又刺激的奇味壽司店！先說蠔店，三人甫抵達已見到有唔少蒼蠅、加上到處皆是未執拾的碗碟，及有垃圾堆在食桌附近，三位主持馬上放棄室外進食、改為步入店內繼續實測。

今晚一集嘅重頭戲，係佢哋地顫式實測呢間劣評餐廳。

有好多環境Shot

有好多環境Shot

步進店家後，三人即驚揭店員以同一部運輸機、同時運送廚餘／垃圾及新鮮出爐海鮮，嚇到GM連說了三次「好Kick喎」；三人又發現叫價88蚊人仔的店家招牌珍寶蠔、上碟時竟依然識得郁（即係未煮熟），嚇到出名淡定的美儀姐也頓時花容失色宣布「舉白旗」，最終由一度想「逃離食店」的朱仔捨身成仁、自告奮勇鯨吞「半生熟蠔」，到底朱仔食完會點？而除了熟食竟然「生勾勾」，朱仔在四出查探期間還發現阿姐的開蠔過程雖然認真，但其使用配套的衛生程度卻令人咋舌，其中一個步驟更叫美儀姐見到後大叫了三聲「吓！」，想知三人到底經歷了甚麼事，就要密切留意節目。

又專登睇住阿姐點處理隻蒸好嘅蠔。

但驚嚇在隻蒸完一輪嘅蠔仲係生勾勾，嚇到美儀姐舉白旗。

但朱仔為咗節目，都係決定啪入口，真心勁。

佢哋又驚揭店家運垃圾同煮好嘅食物係用埋同一部機。

佢哋又驚揭店家運垃圾同煮好嘅食物係用埋同一部機。

雖然環境咁樣，但美儀姐照貨真價實咁試食，一啲都唔錫身。

有機會令人一試上癮的極臭「臭屁醋」
另三人挑戰以「腐敗酸臭」馳名的「三水臭屁醋」過程也是令人捧腹，由於網民揚言：「食完好似喺屎坑食完飯出嚟咁」、「吃完衣服都不能要了」，朱仔出發前做足準備，除戴上口罩，還塞定兩張紙巾入鼻逼自己閉氣，十分搞笑。至於出名「浮誇」的GM，未步入食店已多次出現作嘔狀態，相當爆笑！而最公道的美儀姐則謂：「戴住口罩都聞到」、「陣味係哽架喎！」而本著求真精神，三人還到了食店的製醋現場進行實測，美儀為了幫觀眾試真D，毋懼惡臭直接將醋筆近鼻子猛索之餘、又即場點了少少放入口，極盡敬業！雖然「臭屁醋」陣味如此難頂，但三位主持依然照食如儀，結果美儀姐一度驚現心心眼表情之餘、朱仔更被爆暴風吸入食物，並狂指經「臭屁醋」煮完的食物會「變異」，並指「臭屁醋」有機會一試上癮，欲知詳情，都係要留意節目。

呢間「奇味壽司店」，好食同唔好食反應可以爭好遠，係咪好好奇呢？

GM被震撼到紅都面晒。

至於奇味壽司店都一樣精彩，三位先後品嚐了柚皮鵝肝、蔥燒黃油花膠、百香果鮑魚（果汁橡皮糖）、豬腦、山楂扣肉、芋泥及蔓越莓開心果牛肉等不同口味壽司，離奇的是，有些款式食到三人連聲讚嘆、美儀姐更一度合十雙手表示感恩；但有些款式卻食到三人懷疑人生，其中GM更因一道「XX壽司」難受到紅都面晒，到底咩壽司咁有威力呢？