BIG FOUR相隔13年推新歌《赤子們》 張衞健自爆「大鬧」古裝街百厭事蹟

由張衞健（Dicky）、許志安、蘇永康（阿公）和梁漢文（Edmond）組成的BIG FOUR將於今年8月9至11日舉行一連三場紅館演唱會，相隔13年，BIG FOUR推出新歌《赤子們》並拍攝MV，邀得金像獎最佳剪接李謙明擔任MV導演。四子於鏡頭前後盡顯默契連爆笑料，Dicky更爆出當年於清水灣電視城「大鬧」古裝街的百厭事蹟！

BIG FOUR推出新歌《赤子們》。

四子在鏡頭前後盡顯默契連爆笑料。

新歌由朱琳填詞、雷頌德作曲、編曲，並與楊鎭邦共同監製。Dicky透露新歌月初在電台首播時，不少樂迷大讚好聽，還追問幾時有MV，《赤子們》MV終於推出！

觀看相關影片按連結：https://youtu.be/-x0xzt49wW8

MV其中一幕，四子以包揼方式分成兩隊大玩足球機，Dicky和安仔大戰阿公與Edmond。他們玩得非常投入氣氛高漲，Dicky還激動得舉起足球機的一邊，笑言是「三十六計，搬為上計」。比賽過後，足球機零件散落一地，場面搞笑。阿公與Edmond最終以15比8獲勝，阿公更獲封「神射手」。他指着Edmond假裝生氣說：「呢個衰公最初Part到我時嗌『哎吔』，即係諗住Part到許志安就贏30比8？」Edmond笑言：「點都好，最唔想Part到你囉，但估唔到你係呢場波嘅『神射手』，入得最多係你。」

MV拍攝花絮

MV拍攝花絮

接着，BIG FOUR抽籤決定拍攝對嘴唱歌部份的先後次序，阿公抽中紅色籤成首位拍攝，意味着最早收工，但拍攝期間，鏡頭後的三位兄弟不斷大聲朗讀歌詞，令他哭笑不得。

蘇永康

許志安

梁漢文

張衞健

BIG FOUR在鏡頭後同樣玩得開心，安仔等埋位時除去西裝外套抖涼，阿公立即拿起攝錄機拍攝他強壯的手臂，又與Dicky和安仔偷伯準備中的Edmond，現場笑聲不斷。此外，安仔的歌迷還精心準備應援食物給台前幕後，非常有心。

MV拍攝花絮

四位兄弟聚頭勾起不少當年難忘回憶，Dicky更大爆90年代在清水灣電視城「大鬧」古裝街一事，Edmond聞言緊張問道：「呢單嘢講唔講得㗎？」Dicky說：「講得，佢哋啲高層都知，你唔知我俾高層捉咗入去咩？我哋夜晚去古裝街玩，十個人分成兩邊，匿埋再追射...」安仔補充說：「周潤發、趙雅芝拍《上海灘》，周潤發衝入教堂嗰個位。（阿公大叫：程程！）就係撞爛晒嗰度啲玻璃。」

MV拍攝花絮

Dicky描述當時的情況，「有人當咗自己係隊長，揸住支槍去到玻璃嗰度『轟』一聲，真係亨爆咗塊玻璃，再隊支槍出去話『一齊嚟！』我唔敢，呢個人係四個當中其中一個。」他續說：「隔咗兩日，有人話珍姐（曾勵珍）想見你。珍姐話『你哋玩到冇嘢好玩？係咪好掛住返嚟古裝街開工？有冇搞錯，教堂塊玻璃俾你哋打爛，要你賠添呀，呢度唔係俾你玩。』我話知道。」安仔笑說：「成條古裝街地下都係BB彈。」Dicky再分享：「我哋試過『走鬼』，因為有保安聽到聲。」Edmond說：「佢揸架保安車入嚟，開個大燈照住我哋話『你哋好出嚟啦喂』，跟住張衞健匿埋喺車底，太多好笑嘢。」

張衞健

張衞健

梁漢文

蘇永康

許志安

相識多年共同經歷了很多，問到四位最不想BIG FOUR做什麼活動時，安仔直言謝絕與三位兄弟一齊影貼紙相，他說：「有啲尷尬，四個男人走入去個框框影相。」話口未完，阿公卻指BIG FOUR曾於日本影貼紙相，他回憶說：「90年代有次我哋四個去日本，嗰時有啲影相機，我哋四個迫入去影過一次，但張相就冇咗啦。」Dicky和Edmond點頭表示有印象，Edmond隨即分享影貼紙相的趣事：說：「嗰時喺香港世貿有一層全部都影貼紙相，我好明顯被迫㗎啦。嗰時快快手影完，又唔識睇啲日文，Upload咗自己幅相上去，又唔知點搞，嚇到我即刻走。」全場爆笑！

MV拍攝花絮

無綫全新清談+音樂節目《馬百良秋梨潤喉蜜呈獻：今晚有歌廳》，由周國豐、支嚳儀、黃劍文、顏米羔擔任主持，一共十三集逢周日晚10點翡翠台播映。

黃劍文、支嚳儀、顏米羔獻唱BIG FOUR四子經典金曲。

支嚳儀

《今晚有歌廳》由《中年好聲音》系列的黃劍文、顏米羔、支嚳儀及專業評審周國豐擔任主持，開啟金曲x故事互動音樂會模式，重現香港昔日「夜夜笙歌」的黃金時代，再接上集，今晚（13日）的嘉賓依然是BIG FOUR四子—張衞健（Dicky）、許志安、梁漢文及蘇永康。

顏米羔

為配合本集嘉賓，三位主持則會輪流獻唱／合唱與四子相關的經典金曲，分別是《足球小將》、《傷了三個心》、《那誰》及《身體健康》等；今年是BIG FOUR出道16週年，四子感情深厚，而今集四子回憶起未紅時光、以及現階段的願望，更驚喜預告演唱會有全新突破。先是蘇永康分享了一個「一件褸四個人分」的有趣故事，蘇永康：「嗰陣時大家都搵到好多錢，許志安唔知點解有錢買咗件相當唔錯嘅西裝褸，嗰件褸分別着喺我身上、佢（Dicky）身上、譚耀文身上面。」當事人許志安表示：「試過有件衫返到嚟係改窄哂，借咗俾佢（Dicky）之後係着唔返！」Dicky笑言：「我都第四手啦，有乜所謂啫！」

BIG FOUR唱出新歌《赤子們》。

BIG FOUR在圈中出名老友鬼鬼，相識超過30年，感情相當深厚，四子未試過嗌交，分享了一段當年Dicky如何「拍爆玻璃門」，令梁漢文發嬲的趣事。梁漢文回憶當時他剛賺到錢買新屋，正當他在新裝修的廁所裡「解放」時，Dicky竟衝到廁所門口，隔著玻璃門對他大叫兼拍玻璃，結果廁所的玻璃門碎咗，當時梁漢文極憤怒：「走！走啊！」出名轉數快的Dicky，當時即刻話：「我走得，但係你着返條褲先。」令全場爆笑，幸好二人依然保持友誼。最後四子更齊齊獻聲，唱出相隔13年推出的新歌《赤子們》，唱出兄弟情。想知道更多BIG FOUR有趣小故事，以及的四子兄弟情，記住密切留意今集《今晚有歌廳》！

許志安回憶最難捱日子「一件褸四個人分」。

Dicky揭「拍爆玻璃門」百厭史激嬲梁漢文。