衛蘭相隔六年再於成都再開唱 許志安驚喜現身久違合唱《情人甲》

衛蘭「OUT OF FRAME」世界巡迴演唱會成都站於2025年9月20日盛大舉行，相隔六年再於成都開演唱會，Janice為此站準備三份禮物；換上兩套新歌衫，包括開場的酒紅色華麗晚裝和牛仔Bling Bling套裝；第二份禮物在「盲盒」環節，上一站送給南寧歌迷《寒命》成功洗版，成都站Janice首唱華納時期的歌曲《呼吸之間》和《天敵》，令歌迷非常驚喜。

衛蘭日前在成都開騷。

以全新的酒紅色華麗晚裝開場。

衛蘭

衛蘭

而第三份禮物就是驚喜嘉賓，Janice每一站都希望邀請在過去二十年來，在她音樂路上相遇相知，別具意義的歌手擔任嘉賓，繼古巨基、楊千嬅、側田、衛詩、李治廷、應昌佑、關心妍、Mike曾比特和丁噹後，成都站有許志安驚喜現身，重現十二年前經典合唱歌《情人甲》。

許志安驚喜現身。

許志安、衛蘭

當年安仔和Janice合唱《情人甲》，成為年度合曲外，MV更分別拍攝三個版本成為一時佳話。
安仔出場時，台下觀眾紛紛驚喜尖叫，Janice說：「我真係好喜歡安仔嘅歌聲，唱廣東嘅歌手當中，安仔係我最喜歡男歌手之一。」安仔說：「Janice上個月找我做嘉賓，其實我好開心，一口便答應，因為好想再和Janice合唱。」之後，安仔再獨唱經典金曲《爛泥》，全場觀眾聽得如痴如醉，在後台的Janice亦把握時間欣賞安仔的演出。

許志安、衛蘭

許志安

衛蘭、許志安

完騷後，Janice感觸表示：「很開心，估唔到六年後可以再來成都開個人演唱會，感覺同上次一樣，成都嘅觀眾都好熱情，聽到佢哋嘅大大歡呼聲，真係覺得很感動，好多歌佢哋都喺台下大合唱。」

衛蘭

衛蘭

Janice表示每一場演唱會都希望可以加入一些新的元素，「成都站我換咗兩套新歌衫和新歌單，每個站嘅盲盒歌曲都希望送給歌迷驚喜，之後就會去馬來西亞開騷，大家估下我盲盒會唱邊首歌？」

衛蘭

衛蘭

全場大合照

正為世界巡迴演唱會周圍飛的衛蘭（Janice），早前抽空拍攝馬百良秋梨潤喉蜜廣告，賣口乖表示是品牌忠實Fans：「好開心，因為係個好經典嘅牌子，我唱歌之前，一定要飲潤喉蜜，尤其演唱會嗰陣必須要帶喺身。」Janice笑指多年來保養聲線全靠馬百良，同時亦堅持優質睡眠習慣：「瞓得好、休息夠好緊要，我每日都要開聲，做啲聲帶放鬆同練習。」

衛蘭

Janice指除了馬百良是她的「巡迴必備」，還有視為幸運物的熊熊公仔：「今次成個巡迴都帶住佢，有次喺酒店房發現唔見咗，我即刻好焦慮，打畀經理人講『唔見咗熊仔，係咪畀人偷咗？』嗰時好驚呀，好彩搵得返。因為做巡迴會好掛住屋企，所以我去邊都帶住佢，每晚同佢瞓、陪我。」

衛蘭

衛蘭

Janice又謂這次拍廣告，亦有令她非常安心的拍攝：「見到Sunny（劉翁）好開心，佢帶出我最好嘅一面。我知佢宜家有做導演呀，有機會可以搵我拍愛情片，要浪漫嗰啲，哈。」品牌更邀得YouTube Channel香城映画的趙羅尼擔任廣告導演，Janice大讚對方非常專業：「我好鍾意呢個景，好有情懷。」

衛蘭與劉翁

完成廣告後，Janice繼續巡迴演出直到最後一站的香港：「我始終都想香港係最後一站，因為香港係我屋企，留返最好嘅嘢畀呢度。我會為香港站做啲特別嘢，宜家錄緊新歌，係廣東歌嚟嘅，希望仲可以有英文歌、國語歌，仲會準備新編曲、新衫、新嘅美術設計。」問到邀請黎明（Leon）擔任香港站嘉賓的進展如何？她笑謂：「我都好想，我會搵佢嘅，希望Leon見到呢個報導會應承我。」未來Janice以出碟為目標，她說：「我係一個歌手，真係好耐冇出過碟，好想再出碟，然後用呢啲歌再巡迴、唱大啲嘅場地，去唔同地方唱畀大家聽。」

拍攝花絮

拍攝花絮

拍攝花絮

自去年開始，以獨立歌手身份重新出發的Janice，直言「好多嘢要靠自己」，令她學懂要主動點。事無大小都是自己決定，Janice說：「近年都周圍飛，我覺得有機會就要試，邊度有門打開就去啦。」她坦言有時難免感到迷茫，幸好有信仰支持：「自己有好多嘢諗，會覺得我決定嘅嘢係咪適合、係咪最好？我成日都覺得好似仲未夠好，但係冇嘅，做好過唔做，停喺度都唔知做咩，所以都係做啦。當攞個經驗，大家知道想要咩，下次再做好啲。我相信上帝會有安排，跟隨佢就有平衡。」

衛蘭

巡唱以外，Janice又與鍾舒漫、王君馨等好姊妹們自設Podcast Channel「Better Together Hong Kong」分享生活點滴：「我哋自己出錢做㗎，大家都攞個心出嚟，希望更多人認識我哋嘅信仰，因為都係信仰拉埋我哋，分享多啲希望畀人。」

衛蘭