出道10年首個歌迷聚會暨生日party 黃淑蔓自爆在家練歌爆喊：冇咗你哋我真係乜都冇！

「寰亞孻女」黃淑蔓（Feanna）剛踏入24歲，日前出席Fans為她籌辦的party，她表示這是出道十周年以來，第一個歌迷聚會兼生日會，她非常開心和感動。她演唱新歌《未至於》和Whitney Houston的《I Have Nothing》回謝大家，並說：「冇咗你哋我真係乜都冇！」

Feanna日前出席Fans為她籌辦的party。

這是Feanna出道十周年以來第一個歌迷聚會兼生日會。

粉絲們的佈置都好有心思。

粉絲們的佈置都好有心思。

Feanna表示：「第一次Fans meeting和生日會，所以好開心，我好多謝我啲聽眾？fans？係朋友。好用心咁搞咗一個聚會畀我哋，真係好開心可以見到咁多熟悉嘅面孔。」Feanna又透露特別選唱《I Have Nothing》原因，「我平時喺屋企練歌會唱呢首歌，每次唱都會諗起大家，因為歌詞講中咗我想同大家講嘅說話，冇咗你哋我真係乜都冇。尤其是第一句『Share my life, take me for what I am ～ 'Cause I'll never change all my colors for you～』呢啲都係我想同佢哋講嘅說話，所以有時喺屋企練呢首歌，會喊到傻咗。不過今日有少少偶像包袱，同埋少少緊張，只係有少少眼濕濕，未至於喊嘅。」

Feanna透露特別選唱《I Have Nothing》原因。

除了唱歌，Feanna與大家玩估歌名遊戲，更幾乎講出每位舉手搶答的fans名字。她表示雖然平時記性麻麻，但因為不少fans追隨了很多年，都是熟悉的面孔，加上去年做了一件事加深記憶，她說：「去年聖誕節，我決定寫聖誕咭畀fans，盡力好好記住每一個名字。」

與粉絲玩估歌名遊戲。

Feanna幾乎講出每位舉手搶答的fans名字。

Feanna幾乎講出每位舉手搶答的fans名字。

當日Feanna在服裝上亦花了小心思，她笑笑說：「我著咗《我的受保護動物》MV拍攝嘅服裝，從頭都腳都一樣，唯一唔同係我瘦咗，所以條褲有啲鬆。」 除了表演唱歌和玩遊戲，她還帶了多份私人珍藏作為抽獎禮物，與眾同樂。現場布置和應援物都令她非常驚喜，尤其是貼滿她出道以來，每首個人單曲的靚相，她說：「希望未來每一個十年都有大家！」說罷Feanna又眼紅紅。

《我的受保護動物》MV花絮

《我的受保護動物》MV花絮

Feanna帶了多份私人珍藏作為抽獎禮物。

感動落淚。

對於生日願望，Feanna祝願大家身體健康，「最大嘅生日願望，係每一年生日都有大家（Fans）同我一齊慶祝！」她表示出專輯、唱更多好歌和更多表演機會，是每一天的願望，還高興地透露正籌備今年第三首派台歌。

Feanna祝願大家身體健康。

大合照

「寰亞孻女」黃淑蔓（Feanna）愛惜小動物，關心流浪毛孩，得知「大樹下善待動物庇護站」面臨資金告急，需要大眾捐款維持日常營運與緊急救援，日前她與Fans帶著貓狗糧食，以及公司同事集資的利是錢，到「大樹下」做義工。呼籲領養代替購買、一次過捐款、每月捐款或助養計劃等，集腋成裘，幫助「大樹下」營運，改善毛孩生活。

「寰亞孻女」黃淑蔓（Feanna）日前與粉絲帶同貓狗糧食及利是錢，到「大樹下善待動物庇護站」做義工。

Feanna說：「今日好有意義，我同Fans一齊到『大樹下』做動物義工，呢度照顧超過一百隻貓狗，每日嘅食物和醫療開支都好大。透過義工Joey，我哋了解每隻狗狗嘅故事。」Feanna與Fans替狗狗梳毛和餵食，期間被熱情的狗狗「抱抱」索吻，笑言：「無諗過我嘅螢幕初吻係畀咗狗仔，佢嘅熱情同埋衝擊，殺我一個措手不及，佢真係好可愛。」

她坦言自小已想養狗，但強調領養是一生一世的責任，呼籲大眾有錢出錢、有力出力，幫助「大樹下」繼續營運，改善逾百隻毛孩的生活。

之後Feanna與Fans帶著零食去「貓舍」，當她坐在梳化上，貓貓立即湧上前討抱，其中一隻成功伏在她大腿上的貓咪，更出手打其他貓要獨霸Feanna，Feanna立即控制場面，左擁右抱。她笑言有少少「出軌」的感覺，說：「唔知返到屋企兩隻貓聞到我身上有其他貓狗味道，會唔會好嬲？剛才入到貓舍，感覺嗰度就係屬於我嘅地方，一入去坐低，啲貓貓就衝晒埋嚟，要我哋摸摸同埋拍Pat Pat，其實貓狗都好需要人陪伴。」之後她在衣服上發現一條貓鬚，說：「聽講對住執到嘅貓鬚許願好靈驗，我希望所有貓狗都可以幸福健康！」

Feanna與粉絲替狗狗梳毛餵食期間，被熱情狗狗「抱抱」索吻。

Feanna早前因為嚮往貓咪無拘無束的性格，而創作新歌《喵！》，問她會為狗狗寫歌嗎？她說：「如果我要寫一首關於狗狗嘅歌，可能要等我真係養咗狗先。其實我由細到大都好想養狗，但要做個有責任嘅主人，每日帶佢落街散步、居住嘅地方，同埋經濟狀況穩定，我先至可以再養多一隻新嘅動物，領養前三思，係一生一世嘅責任，諗清楚先至帶佢哋返屋企。」

她笑言：「無諗過我嘅螢幕初吻係畀咗狗仔。」

雖然未必每個人都可以在家裏養貓狗，Feanna建議可參加「助養計劃」，她說：「每一隻狗仔都有佢嘅身世故事、身體狀況，『大樹下』好需要大家支持和捐款，至可以繼續營運落去。有養寵物都知道醫療費用真係好龐大，希望大家有錢出錢，有力出力。」

其後轉到貓舍，她甫坐下即有貓貓湧上大腿討抱，其中一隻更出手打其他貓要獨霸Feanna，場面搞笑。