網購已成為消費大趨勢，電話按幾個掣就有專人將貨物送上門，非常方便。不過若果家中碰巧無人，那麼送貨哥哥就只好將貨物放在門口或管理處，等屋主待領。日前一位網民分享太太在網購送貨的搞笑經歷，引來網民熱議。
示意圖。《愛回家》劇照
網上圖片
太太收到順豐哥哥傳的相片
他分享太太在外國訂了貨物，今日收到順豐通知貨物已抵港並送達家門口，由於家中無人應門，於是送貨哥哥放低貨物，並影相傳給樓主太太作證。樓主笑稱「而我老婆睇到張相真係笑咗出黎」原來送貨哥哥將貨物放在他們想都沒想過的地方！
網上圖片
太太不禁回覆說「係咪玩我」
由樓主上載的相片所見，一個包裹被攝放在鐵閘頂部與走廊天花間，擺放的位置明顯遠離地面好多，令樓主太太不禁向順豐哥哥回覆說「係咪玩我」，更主動提議「下次可以擺喺地下」、「我唔夠高拎」，樓主亦表示「擺到咁高真係好好笑」。
網上圖片
網上圖片
網民力撐包裹放咁高有原因
而更令人意外的是，此帖文竟然引到涉事的順豐哥哥親自回應「順豐哥哥對你唔住」，更揚言「冇下次」。不少網友都大讚順豐哥哥好盡責，力撐他之所以將包裹放得咁高是有原因「佢擔心擺地下會俾人偷」、「擺咁高可能至少要偷都可能冇咁容易」、「順豐哥哥幾好，放地下應該俾人偷咗」。
網上圖片
如包裹被偷去送貨員要自己賠償
亦有網民搞笑咁話「佢無玩你，只係順豐哥哥高180,185，佢醒唔起呢個世有好多160的正常人。」、「順豐哥哥應該好高下」亦有人指出對方之所以咁做，全因如包裹被人偷去，是要送貨員工自己賠償，所以才出此奇招！
網上圖片
有時騙徒很會利用人的善心，就似日前有網友出警世帖，指日前在一間本港連鎖大型藥房，差點跌入「撿錢包反被誣陷偷錢」騙局，幸好當時有所警愓沒有受騙，但帖文卻引起網友的熱議！
示意圖。AI生成圖片
樓主驚覺險跌「掉錢包陷阱」
網友發帖指日前在一間本港連鎖大型藥房遇到一件很可疑的事件。他表示當時在藥房將個購物籃放在地上然後查看展示櫃的貨品，但他留意到期間一直有名男子在附近徘徊。怎料「準備走嗰陣現籃子旁邊多咗一個露出大量現金嘅錢包」幸好當時樓主有所警愓，指感覺好似常見的「掉錢包陷阱」。
地上有一個銀包，卻似是被人刻意地展露了一大鈔票，當中有幾張500及100元港幣。FB圖片
銀包刻意展露了一大疊鈔票
於是他找來店員處理，正當店員剛要撿起錢包時，突然那名男子衝出來，並出示身份證指錢包是他的，但樓主質疑對方「反應異常冷靜熟練」令他懷疑是新型騙術，是「撿錢包反被誣陷偷錢」的騙局。由樓主PO出的相片所見，地上有一個相當殘舊的銀包，卻似是被人刻意地展露了一大鈔票，當中有幾張500及100元港幣。
示意圖。AI生成圖片
網撐：建議見錢銀一律唔好掂
帖文一出大部份網民都認同這很可能是一場騙局，認為最適當的處理方法是不要觸碰，直接通知職員或報警：「點解咁大個銀包啲$500會淨係凸個銀碼出嚟咁得意嘅？」、「身份證又唔係放喺銀包入面咁得意」、「咁奇怪？用身份證衝出嚟話銀包係佢，唔係擺埋一齊咩？」、「真係跌落地下， 啲錢都唔會突出嚟㗎， 佢真係好假」、「啲錢點會咁樣跌出嚟呀？肯定係一個局，攞起咗你就後悔」、「建議大家見錢銀一律唔好掂，一係揾店員一係報警。您一掂，對方就有藉口老屈您。永遠保持眼看手勿動，更不要心動。」、「正常跌銀包啲錢會咁樣show 出嚟嘅咩？」、「好彩你講出黎….如果唔係真係會好心執起」。
網上圖片
跌錢黨原來已有三十年歷史
亦有網民指出早在三十年前已出現過類似的詐騙手法「呢啲跌錢黨都有三十年歷史，以前有啲喺海港城近中港碼頭出沒」、「呢一招30年前已經用緊，我個同事就係因為貪心執咗個銀包，畀人呃咗隻鑽撈」、「幾年前係旺角都遇過跌錢黨，佢係我前面行行下跌咗幾張一百蚊，我開聲叫住佢話你跌咗錢，佢又係異常冷靜咁執返，唔該都冇講一句，發現佢附近有另一個男人同佢打眼色！好彩我機警冇幫佢執錢！」、「多年前喺深圳福田遇到過有人刻意喺我面前跌咗一包金，跟住另一個人執起神神秘秘話同我一齊分左佢，我拒絕咗，叫佢自己一個人要晒佢。永遠警戒自己，貪字得個貧」。
網笑：一腳就踢銀包落櫃底
有網民搞笑地表示應該「一腳就踢落櫃底，等佢爬低慢慢執」、「一腳窩利抽射解決晒所有問題」、「我以前係街到遇過呢啲，當時條友同我打對行，佢咋咋底底跌銀包，我又咋咋底底一腳幫佢踢出去馬路」。
