郭思領香港球迷遠征韓國 組「東亞盃應援團」力撐港足

今個暑假郭思（Suey）帶團殺去韓國睇波！事關「2025年東亞足球錦標賽」七月於南韓舉行，香港隊將硬撼南韓隊，這位女球迷對睇波、踢波上晒癮，今次更搞埋「0 e:ffect x hkchisinlo 東亞盃 2025 香港隊應援團」，準備帶班香港球迷遠征韓國！

郭思做領隊，準備帶香港球迷遠征韓國！

提到今次舉辦旅行的契機，Suey立即雙眼發光，「六月十號香港對印度『亞洲杯外圍賽』嗰場賽事，坐爆咗啟德場館，真係好震撼！咁多香港人為香港隊打氣，嗰種感覺好難忘。我都想試下去作客打氣係咩感覺！」她又自爆原來今次成團，是「偷橋」偷返來，「公司有個『蛋記星級旅行團』，我就諗不如將去韓國睇波呢個idea聯繫落去，點知真係搞得成！」

6月10號香港對印度「亞洲杯外圍賽」，香港球迷坐爆啟德場館，令郭思非常震撼。

所以她想試試去作客打氣是怎樣的感覺。

Suey更找來本地足球平台「波台黐線佬」合作，「因為知道佢哋喺香港有搞好多推動香港足球文化活動、gather球迷，亦都有做作客去睇波嘅活動，所以我就問佢哋一啲意見，最後同公司一齊傾，就撮合咗呢件事情。」

郭思還找來本地足球平台「波台黐線佬」合作。

今次行程重點當然是入場撐港隊，Suey話會跟大隊一齊打氣，「第一次作客睇波，都係入鄉隨俗啦。」除了睇波，她都坦承有私心，乘機shopping一番，「如果行程有時間嘅就會去放鬆吓，因為好耐都冇好好地咁樣去一個旅行。同埋因為上一次去韓國旅行，唔記得咗去行街，淨係掛住食嘢！哈哈！所以今次希望多啲時間去行吓街、買吓嘢。」

郭思亦坦承有私心，除了為港隊打氣，她會乘機shopping一番。

昨晚（6月10日）啟德主場館上演「2027亞洲盃外圍賽」港隊大戰印度，除咗場內激戰，嘉賓表演亦一樣精彩。許靖韻（Angela）、女團VIVA及於ViuTV節目《足球女將》獲得MVP的郭思（Suey）輪流登場，Angela更被球迷「嫌棄」歌單太慘情，場面搞笑。

許靖韻（Angela）唱《K歌之王》遭球迷「投訴」太慘！

VIVA自嘲開騷要等五年。

打頭陣的Angela選唱《K歌之王》，音樂前奏一響起，即被場邊球迷「嫌棄」：「可唔可以唔好唱隻咁慘嘅歌呀？」不過Angela依然成功引到球迷們跟她大合唱，十分搞笑。表演完後，Angela大讚場館，「綵排時已經覺得好震撼，睇波時仲熱血，大家一齊嗌加油真係好正！可以係香港最大嘅場館入面演出係好amazing 嘅一件事。」問到會否想在啟德開騷，她笑着說：「要繼續俾心機做多啲歌先得！」

郭思最威見過C朗真人！

出道短短一年的女團VIVA當然興奮到爆，「冇諗過可以踏上啟德主舞台，觀眾多到嚇親！」講到開show大計，VIVA齊齊表示：「等我哋儲多啲歌先啦，可能要等多五年。」除了演出，提到睇足球賽事，原來四人都是「球壇初哥」，「第一次現場睇波咋，之前淨係去戲院睇。」不過VALC都有睇世界盃決賽：「試過凌晨三、四點起身睇阿根廷對法國。」

歌手黃明德（Dark）、黎展峯（Andy）、樂隊Logout@sulis及藝人朱天亦有入場支持。

許靖韻（Angela）、女團VIVA及於ViuTV節目《足球女將》獲得MVP的郭思（Suey）輪流登場！

而中場表演的Suey亦指這次演出十分難忘，「第一次喺啟德就打爆五萬人，我覺得係一件可以寫入CV嘅事情，哈哈。」身為足球狂迷的她自言「乜波都睇」，「英超、西甲，前排歐聯、歐霸我都有睇。」更自爆追星威水史，「有一次西班牙旅行係淨係睇波團，最印象深刻就係嗰次嘅睇波團見到美斯入四球，係皇馬對巴塞嘅賽事，當時C朗已經離開咗皇馬，所以佢冇落場踢，但咁啱發現C朗就坐喺我後面包廂，所以我同佢嘅距離係好近好近，勁開心。」除此之外，歌手黃明德（Dark）、黎展峯（Andy）、樂隊Logout@sulis及藝人朱天亦有入場支持。