《中年好聲音》三甲黃博張與辰劉洋紅館再聚張與辰自爆MV「遮掂遮」最親密劉洋被肥媽踢爆「煮嘢雞手鴨腳」

娛圈事

《中年好聲音》三甲黃博張與辰劉洋紅館再聚張與辰自爆MV「遮掂遮」最親密劉洋被肥媽踢爆「煮嘢雞手鴨腳」

2025年06月30日 20:39 最後更新：20:39

為慶祝香港回歸祖國28周年，香港各界慶典委員會6月30日假紅磡香港體育館舉行大型文藝晚會《星耀紫荊慶回歸》，場面盛大，星光熠熠。除了多位特區政府官員及中央駐港機構代表出席主禮外，更有多位實力派歌手傾力演出。《中年好聲音3》三甲黃博、張與辰及劉洋更與肥媽（Maria Cordero）同台獻唱《有愛常存》，氣勢磅礡之餘亦充滿韻味。演出後，三人於後台接受訪問，大談演出感受及近況，更爆出不少幕後趣事！

張與辰透露今次是他與劉洋第二次在紅館演出，但原來一開始他竟不知演出地點：「經理畀飛我嗰陣，我問係咩飛，佢話係6月30號回歸show嘅飛，我問係咪『一廠』，佢話『一廠』唔係紅館，我先反應過來原來係紅館，真係好搞笑！」

點擊看圖輯

本網記者攝

更多相片

本網記者攝

張與辰近日推出新歌《深海》，MV女主角正是「潛水女神」何泳芍（Honey）。他坦言自己偏好運動型女生：「我自己唔太叻運動，希望對方可以教我，尤其係潛水！」更自爆首次潛水考試「甩咗」，未來打算向Honey請教。不過MV中兩人毫無身體接觸，最親密僅是「遮掂到遮」，他笑言：「成首歌講『唔敢踏出第一步』，所以最遠距離就係咁！」並大讚Honey健康膚色令人羡慕。