女神配對計劃｜首輪淘汰賽爭單獨與心儀女神同房過夜 網民為曾展望集體打氣

由林盛斌擔任金牌媒人兼主持的無綫熱播戀愛綜藝真人騷《Funki Finance呈獻：女神配對計劃》，昨（7月6日）晚九點播出的第五集，與前幾集一樣在節目結尾有「預告彩蛋」；而每次都必然掀起熱話的預告彩蛋，今次同樣熱爆網，皆因「國民CP」曾展望及葉蒨文將再度登場之餘，預告還給出了極大資訊量及精彩畫面。

預告一開頭是一個Camp site Top shot，之後就是所有成功進級的「求愛勇士」、以組隊形式玩「女神扯大纜」！根據賽制，經歷完第一回合的「三角枱約會」，進級的求愛勇士應有13名（共淘汰兩名），但有大量（真的是大量喲！）眼利網民發現，照片中疑似梁敏巧組別成員並不是穿上同色衣服，反而感覺像「雜牌軍」，令人不禁懷疑梁敏巧組別有人被淘汰，故要其他組別成員落場幫拖。

呢個TOP SHOT冇乜嘢嘅。

同一個鏡頭還告訴了大家，Camping回合五組「求愛勇士」繼續會以「女神選色」分組，故亦有網民就著勇士身上的顏色Tee，以及誰人欠缺大頭close up等，去判斷有可能被淘汰的人選！最終網民推選出以下四位高危被淘汰勇士，分別是林堡熙／Eddie（Sophie組）、余國華／Andy哥（梁敏巧組）、十優醫生譚品堯（梁敏巧組）、海淦清T.Max（羅毓儀組）。

呢個TOP SHOT就勁啲。

觀乎畫面，「女神扯大纜」遊戲對一眾求愛勇士絕對是「力的考驗」，預告所見，港隊手球運動員林澤謙與細John的超級麒麟臂相當吸睛，同場還加映了應該是GM的強勁臂彎、同樣有睇頭！有網民看了相關畫面後大為驚嘆，大讚林澤謙外型條件相當吸引，而事實亦是，阿澤在曝光的三位勇士壯臂之中，確實是最強而有力、亦最有Shape的一位！除了男子代表有睇頭，女神們亦不容忽視，五位女神將以泳衣Look上陣，當中李芷晴及關嘉敏的泳衣一出現即吸獲大量網民熱討。

呢張相重點係GM嘅手臂。

呢張相重點係林澤謙超強嘅麒麟臂，同埋佢嗰種活力，大家睇吓佢用力用到條頸鏈飛起咗呀！

細John都好係「力的表現」，好Man呀！

Yuki永遠係反應彈。

下集女神們著泳衣大派福利。

梁敏巧咩事咁崩潰先？

而第三點令到兩地網民對第六集極為期待的，是林盛斌在片段中宣布了一個驚人消息：「今日成績表現最好嗰五位男士，係可以同你嘅女神單獨同房過夜嘅？！」這個資訊令到小紅書一眾女神粉大為驚訝，更搞笑的，有大量「GS （GM+Sophie）CP」粉已紛紛落力為GM集氣：「下星期太刺激了」、「太期待下周了」、「GM加油，絕不能讓Sophie跟別人過夜喲」、「GS合體就是熱度」、「GM上集不能跟女神約會心都碎了」。

Sophie呢個反應夠晒真性情，同樣地「男版Sophie」阿謙嘅表情都好正。

Sophie呢個反應夠晒真性情，同樣地「男版Sophie」阿謙嘅表情都好正。

反而GM做乜咁靦腆啫，加油呀，GM！好多網民為你打氣架！

無綫綜藝節目《試真 D》逢星期一至五晚上 10 時 30 分翡翠台播映，節目由江美儀、周嘉洛、朱敏瀚、吳業坤及曾展望合作擔任主持。由於《試真D》除了夠Mean、夠真仲要夠膽色，加上五位主持各有特色又有趣，自節目播出後贏盡好評，而值得留意的是，一共15集的《試真D》，久唔久都會以全新形式「試真D」，保證睇極都有驚喜！

周嘉洛單拖入住「照騙酒店」。

周嘉洛以嚴肅又幽默的手法諷刺「酒店」完全圖文不符。

周嘉洛瞓床測試壞了3D影音。

昨晚（4月20日）播出的《試真D》，美儀姐、周嘉洛、朱敏瀚（朱仔）與曾展望（GM）於深圳分別實測住宿、湯水專門店及網紅超市「紅黑榜」食物。在三大實測行動中，以周嘉洛單人匹馬挑戰日租200多港元、但最低評分竟低至3字頭的疑似「照騙酒店」。果然嘉洛仔一殺入酒店，即發現圖文嚴重不符，眼見貨不對辦如此嚴重，嘉洛仔即發揮其一貫超感幽默感，以「金城安廢青」crossover「地產經紀油腔滑調」Style大拋「正面字眼」逐點反諷，同場加映「溫馨提示」，娛樂性極高。

江美儀、GM與朱仔到湯水專門店品嘗兩大補湯。

總括而言，嘉洛仔實測的酒店不但未如照片中漂亮、開揚、闊落，而且很多設施均形同虛設，有等於冇，但嘉洛仔竟仍能一一想出「好處」：「大家見到呢個屋嘅設計……係冇嘅，同我一樣咁平實、有內涵（裝修）」、「呢個廁所我哋採用咗乾濕永不分離嘅設計，只要喺度屙完篤屎，直接掹個花灑洗埋Pat Pat，快靚正，因為我哋知道時間就係寶貴嘅資源。大家留意到啦，個廁所係冇蓋㗎，有蓋你點可以睇到個水位呀？依家有水冇水，一目了然（廁所簡陋）」、「我哋睇睇個景色先，呢個景色幾咁開闊，無論隔籬晾衫你會睇到，開電視你會聽到（冇景觀）」、「你睇吓感唔感受到一絲嘅微風呀？真係半絲都冇㗎…無論係春夏秋冬、微風、狂風、強風都唔會有分別，呢個就係我哋專注嘅（通風差）」、「我哋再睇睇呢個3D投影機…係開唔到嘅，唔係巧合，係心思，因為我哋知道睡眠質素好重要，我哋唔會畀藍光影響你嘅睡眠質素。」最後嘉洛仔回復測試員身份，強烈勸勉大家不要入住。

美儀姐與朱仔食淡定品嘗牛鞭及牛睪丸，GM則食到想嘔兼流眼淚。

手掌咁大嘅蠍子。

江美儀食蠍子食到津津有味。

GM頂硬上食到面容扭曲，但之後話蠍子肉似蟹膏。

GM飲蠍子湯就冇問題。

GM聞牛睪丸難頂到標眼水 指蠍子食落有蟹膏味
另美儀姐又先後率領朱仔GM挑戰網上評分高達4.7分的豪華靚湯，該店特色除了用瓦煲煲湯外，還強調是煲足3小時以上的老火靚湯，客人更必須提前預訂才能享用！而製作組專誠為三位主持預訂的，分別是價值888元（人民幣．下同）的「少爺湯」及268元的「蠍子湯」。「少爺湯」材料包括原條牛鞭、牛尾、牛筋及雞腳等，有補腎壯陽及增強體質的功效，美儀姐及朱仔食後異口同聲指牛鞭質感似牛筋、牛睪丸則味道似雞子，聽落並唔趕客。不過已戒牛的GM雖未有飲湯，但只是聞到牛睪丸陣味已嚇至面容扭曲兼標眼水，十分搞笑。之後有「蟲蟲驚恐症」的GM再挑戰「手掌咁大」隻蠍子，驚到面青的他「本死」緊閉雙眼將蠍子放入口，更食到乸口乸面，雖然他品嘗完說：「有啲似蟹膏味」，但不忘加後一句：「但我本身唔『好』蟹。」笑爆全場。

美儀姐與GM到超市購買「紅黑榜」食物。

三人為了公正起見，邀請監製試食畀意見。

至於網紅超市今年3月的「紅黑榜」（紅榜讚，黑榜彈）實測結果，亦相當出人意表。可能紅榜的食物太受歡迎，他們只找到稱聲減脂期間也能吃的「芝士豬肉法包」，黑榜則有三大「Kam」食品：「姬松茸牛肉酥餅」、「芋泥鹹蛋肉鬆小貝」及「檸檬酸辣去骨鳳爪」。先說紅榜「芝士豬肉法包」，三位實測員直指「未食之前覺得佢好乾」、「麵包香嘅，但我覺得如果焗番熱會好食好多」，有讚有彈，但明顯未覺驚艷。

之後到黑榜食物，先說「姬松茸牛肉酥餅」，三人針對坊間「過甜」及「過油」兩大負評進行點評，三人一嚟先係狂讚：「好多料呀」、「望落靚仔喎」，朱仔更指：「又冇個評論講得咁差嘅。如果同個包對比，我寧願食呢一個」，「食家」美儀姐亦點頭認同：「佢係偏甜，但我覺得唔油，冇講得咁差嘅。」有彈有平反，足證唔係為踩而踩。至於「芋泥鹹蛋肉鬆小貝」及「檸檬酸辣去骨鳳爪」，GM直指「芋泥夾蛋黃好Kam」:「就好似你將燒肉同芝士蛋糕同時一齊食」、「洗潔精味喎」，並認為「黑」得有道理。