陳柏宇X馮允謙X黃妍X何啟華X梁業組限定組合RAP唱跳 《甚麼是喜劇》舉行快樂盛宴

由資深音樂人Edward Chan（陳浩然）率領普羅管弦樂團，集結陳柏宇（Jason）、馮允謙（Jay Fung）、黃妍（Cath）、何啟華（阿Dee）與梁業（fatboy）五位各具特色的歌手，融合喜劇、舞蹈與獨特舞台裝置等元素，打造出的跨界快樂盛宴 — 《甚麼是喜劇》音樂會，率先預告將會度身訂造不同組合及形式的聯乘表演！音樂會將於7月19至20日假香港文化中心大劇院舉行，希望博得入場觀眾一笑！

《甚麼是喜劇》音樂會將於7月19至20日假香港文化中心大劇院舉行。

喜劇陪伴不少香港人成長，光影中一幕幕出人意表的「誤會」及一句句反高潮的對白，營造一個又一個令人發笑的反差感。那些牽動觀眾嘴角上揚，間中回想亦忍不住「笑出聲」的經典畫面，甚至會讓人笑中有淚。

資深音樂人Edward Chan

提到喜劇，「周星馳」自然是當中的關鍵字，陳柏宇、黃妍、何啟華及梁業最喜愛的喜劇，都不約而同是星爺的經典作品。陳柏宇說：「我哋都係睇周星馳大㗎嘛，我最鍾意係《賭俠》！而家諗返轉頭，唔係話因為邊句對白或邊個笑位特別好，而係因為呢啲喜劇代表住一個年代。今次音樂會，我會唱啲未唱過嘅歌，係咩就...哈哈。」黃妍最愛《家有囍事1992》的「無定向喪心病狂間歇性全身機能失調症」，她笑著說：「嗰幕真係好好笑，哥哥（張國榮）好靚仔，啲對白又好好笑，起碼睇咗10次，新年都會睇。」

陳柏宇

陳柏宇

黃妍

黃妍

阿Dee說：「我最鍾意嘅喜劇係《回魂夜》，我覺得喜劇好天馬行空，但係佢又搵到個好合理嘅解釋，去解釋佢天馬行空嘅世界。好多偉大嘅喜劇家都講過，『我嘅悲劇咪就係你嘅喜劇囉』。每個年代都有屬於佢嘅笑匠，我自己就好欣賞梁業。」梁業即大讚阿Dee是好優秀的男人：「佢喺鏡頭前任人點欺凌都唔反駁㗎，或者佢想反駁都冇人理佢，呢個咪佢講嗰個『悲劇』囉！我自己最鍾意《唐伯虎點秋香》隊穿腸嗰幕，真係數唔到睇咗幾多次。喜歡喜劇冇話要咩原因，就係想氹人開心，好無厘頭都得㗎。」

何啟華

何啟華

梁業

梁業

在外國長大的Jay Fung最愛《命運自選台》：「Adam Richard Sandler真係好好笑，嗰種小人物好日常，好笑背後仲好有意思。」他透露，將會在音樂會上為觀眾呈現不一樣的自己：「係突破性嘅演出，哈哈！今次除咗同Jason（陳柏宇）、黃妍合作，仲有阿Dee同Fatboy（梁業），我覺得佢哋好搞笑，希望唔會唱唱吓笑到收唔到聲。」

馮允謙

最經典的喜劇都不是硬塞式引人發笑的模式，更是一種「笑住生活」的態度。《甚麼是喜劇》音樂會分為四大篇章，一眾音樂人將以重新編製的曲風撞擊歌詞內容，展現由喜劇引發的情緒，穿梭於音樂、笑聲與人情之間。無論是管弦樂團的氣勢、流行音樂的情感、舞台演出的天馬行空，或是城市生活中的幽默感，都讓觀眾可以在生活的不同時刻，為自己拍拍膊頭，笑住走下去的回憶點。

《甚麼是喜劇》音樂會

《甚麼是喜劇》音樂會尚餘小量門票，購票從速，齊齊聽住歌笑一晚！

《Music and Laughs 甚麼是喜劇》音樂會：

日期：2025年7月19-20日（星期六、日）
時間：晚上8時
地點：香港文化中心大劇院
票價：$1,088/$888/$688/$388
購票：現於城市售票網發售（https://www.urbtix.hk/event-detail/13540/）
節目詳情：@hk_pop_culture_festival
主辦：康樂及文化事務署

《甚麼是喜劇》音樂會

「唱作王子」馮允謙（Jay）全新英文歌《Break Your Heart》MV已上架，除了字面上「心碎難過」的意思，還可以從食字角度「讓心靈take個break」變成發放正能量的意思。而Jay今次全新英文歌《Break Your Heart》歌詞和MV都希望帶出療癒心靈、舒壓和放下的訊息。

觀看相關影片按連結：https://youtu.be/SIakXyzZN7Q

Jay說：「今次新歌嘅音樂班底有我同T Ma作曲，作詞有我哋再加埋我細佬Tim Fung，編曲有T Ma，我同T Ma一齊監製。呢首歌去年一月寫，關於Healing（療癒），我哋生活遇到壓力、唔開心，我好想寫一首歌去療癒大家，聽到呢首歌可以relax (放鬆）、唔開心嘅事let go（放下）」。

拍攝花絮

拍攝花絮

今次拍攝MV出動市值逾百萬港幣的Land Rover Defender，這架車主取名「雲石」的越野車，讓Jay憶起在加拿大生活的日子，他說：「嗰陣時放假會自己揸車出去啲埠仔camping、去其他地方玩，呢種road-trip令人好relaxing、好療癒，聽住音樂揸車，令我心情好舒服，所以我好鍾意揸車周圍去，好多美好回憶。」

拍攝花絮

拍攝花絮

根據MV劇情，Jay在森林拋錨即場換車呔，這是他人生首次換車軚，笑說：「我未試過突然爆呔，好彩！如果真係發生，我會call拖車或者搵人幫手。」導演安排了一位真正師傅從旁指導Jay換車呔，由上螺絲到搬車呔，他一手一腳，聽從師傅指示，鏡頭前有板有眼，鏡頭後充滿笑聲，拍攝順利。

拍攝花絮

拍攝花絮

除了在森林取景，Jay還有釣魚、行山和欣賞香港夜景，他說：「MV講我尋找自己，方法係行山、流浪，遇到迷失或唔開心，搵方法去let go。我曾經成日去行山，早幾年會同家人、朋友、另一半去行山，近年工作比較忙，改為做運動，例如跑步、做GYM、散步⋯時間易啲配合工作 。不過今日拍MV嚟到呢度，感覺好舒服，真係要考慮再抽返多啲時間行山，令自己更加平靜！」

拍攝花絮

拍攝花絮

Jay即將於周末在西九文化區安盛竹翠公園，舉行「BLUE MOON WANDERLUST 馮允謙演唱會2026」，他爭取拍MV時化妝和交通時間，狂背歌詞，還帶結他隨時隨地練歌。他笑說：「年紀越大，記歌詞越弱，一定要溫得好熟，要keep住唱先至記得！」演唱會未開始，Jay已想好騷後放大假，但工作檔期滿滿，未必如願。他說：「衝完一定要休息，因為排一個演唱會好大壓力，我同公司要求放一個月假，但佢哋話有工作，最初改為三個星期、兩個星期⋯工作緊要，希望有一個星期啦！（放假去邊度玩？）我諗返加拿大休息，去年真係飛咗好多地方工作，所以想返去見屋企人！」

拍攝花絮

拍攝花絮

拍攝花絮