女神配對計劃｜林俊其韓劇直球式壁咚全方位攻陷羅毓儀 T.Max坦誠「相約日本」告白勁感動

由林盛斌擔任金牌媒人兼主持的無綫熱播戀愛綜藝真人騷《Funki Finance呈獻：女神配對計劃》，本周日（7月13日）晚九點播出第六集，本集除了有女神羅毓儀Yuki組的「三角枱約會」最終回，還會宣布首輪遊戲將淘汰哪兩名求愛勇者，另外當然還有萬眾期待的後生仔女開心去camping玩dating環節。

Kris都未埋到身，Yuki已經開始怕定醜先。

大家睇吓Yuki個頭同埋膊頭（即係成身啦）係紅到可以煲滾一壼水，嚴格嚟講。

又要驚又要偷望，但又驚畀人發現。

咁甜得唔得架？

呢啲仲唔係韓劇畫面？

羅敏儀花式迴避Kris進逼勁爆笑
在「三角枱約會」最終回，原本對林俊其Kris充滿戒心及疑心的羅毓儀Yuki，最後竟然因為一個「壁咚」遊戲全面失守，連環放送沉船Cutie樣，全程不敢睜眼兼瘋狂避開男方視線的她，最搞笑是不但忍不住偶爾眼仔碌碌偷望（但每次時長不過一秒），又由臉珠紅到落耳珠，十分誇張！

Yuki面對「Kris式壁咚」，反應與面對醫美太子爺Kenneth及好友T.Max明顯大不同，Kris都還未「埋位」，Yuki已大叫：「救命我想走！」更一開始已迴避Kris問題：「咩呀？」、「我聽唔明，你講多次」；跟住Kris索性單刀直入問：「你話xxx，咁係咪即係承認對我有心動過？」原本已不知點算好的Yuki，聞言唧一聲笑出聲之餘，更笑到要掩嘴兼耷低頭，到底Kris重提了Yuki甚麼說話，令Yuki如此不知所措？而對於Kris的層遞式進逼，Yuki亦只能一再投降大叫：「吖！救命呀！」

點忍呀！

Yuki呢個眼神，訊息量好高！

同Kris壁咚完，Yuki刺激到要匿埋冷靜？

羅毓儀眼神很誠實
嚇到三魂唔見七魄的Yuki，帶點心虛地以「唔係呀」虛弱反擊，說畢忍不住貪望Kris反應，但隨即又很快移開視線，並繼續強調：「我冇心動過，冇呀冇呀！」但憑藉望向Kris的水汪汪黑眼睛，少女心事十分明顯，最後為了幫自己打圓場，Yuki索性乾笑兼眼泛淚光謂：「救命呀，我走先，要匿埋」，反應媲美韓劇可愛小女主。眼見Yuki咁Pure咁True，現場花生團甚至主持兼金牌經理人林盛斌（阿Bob）均大為雀躍，黃嘉雯：「佢（Yuki）唔想望佢喎，係咪即係有感覺呢？」江美儀肉緊大叫：「紅都面晒！」

而在音樂題遭Yuki直指對其感到失望的T.Max，在「壁咚」題中出盡板斧企圖挽回一城，他先以「猛虎射球」般的氣勢將Yuki逼埋牆，再使出早已預備好的秘密武器「排球少年扭蛋公仔」，向Yuki誠心誠意說出「愛的告白」：「我記得當初我喺日本時應承你，我要將呢一個畀你，但依家少咗一隻，我真係希望有機會可以同你一齊去日本，一齊扭番淨低嗰隻…你係真係令到我想重新相信愛情嘅人。」由於T.Max勁真誠，花生團兼Yuki唉吔媽咪江美儀聽到一再歡呼So Sweet，並謂「阿女真的感動了」。

T.Max準備嘅扭蛋驚喜都好冧架。

T.Max準備嘅扭蛋驚喜都好冧架。

佢嘅表白都好真誠、好多支持者架。

Yuki會逐一點評三位求愛勇者壁咚嘅表現。

係咪好想知邊個令Yuki冧到咁呢？

Yuki急口念式「炮轟」林俊其：好衰呀
雖然Kris冧到Yuki氹氹轉，但面對T.Max的真誠強攻，在最後這個「壁咚」回答亦很難說會坐定粒六勝出。而當Yuki逐一點評三名組員壁咚表現時，竟連環急口念式向Kris拋出了至少十句「好衰呀」，想知Yuki點解咁講，以及這位少女最終能否勇敢面對內心真正的聲音？

今集花生團江美儀、黎諾懿及黃嘉雯，會合力選出兩名被淘汰者，據知美儀姐及黃嘉雯、與諾懿在人選方面出現嚴重分歧，到底又為了甚麼？密切留意本周日最新一集的《女神配對計劃》。

點解花生團好似有人歡喜有人愁咁嘅？

點解花生團好似有人歡喜有人愁咁嘅？

壁咚後遺症可以係咩呢？

五位女神喺淘汰環節嘅表現好肉緊。

諾懿同美儀姐喺淘汰人選上有分歧。

由「金牌媒人」林盛斌（Bob）主持的《女神配對計劃》大受歡迎，三對成功配對CP：曾展望（GM）＋葉蒨文（Sophie）、羅毓儀（Yuki）＋林俊其（Kris）、梁敏巧（Maggie）＋劉啟進（Matt），連同配對「飲恨」失敗的關嘉敏（Carman）+黃家俊（Matthew）、李芷晴（Stephanie）+林焌堯（Jacob）引爆不少城中熱話，節目於上周日舉行的《萬千星輝頒獎典禮》更榮獲「大灣區最喜愛TVB綜藝及資訊節目」，成績斐然！

「天旋地轉說愛你」五位男士的「驚青樣」。

Jacob在Stephanie鼓勵下選擇迎戰。

Stephanie感動即送Jacob一個「咩都得」的願望。

Matt「公主抱」Maggie面不改容。

Matthew「公主抱」Carman。

Jacob「公主抱」Stephanie最後少少腳軟，全場爆笑！

GM好Strong。

GM、Sophie甜蜜對望。

Kris好似有少少吃力！

而由《女神配對》原班CP/準CP參與拍攝的《女神玩轉嘉年華》，本周六晚八點翡翠台播出第二集，五組CP/準CP繼續於中環海濱香港冬日嘉年華中大玩各式各樣啜核競技，分別為「心有靈犀考默契」、「一心一意傳豆腐」、「天旋地轉說愛你」。三大遊戲之中，以「天旋地轉」最為「殘忍」，考驗一眾男參賽者的膽量、體力及忍痛能力之餘，還同時考驗眾人記性！由於五男要挑戰的機動遊戲「Vertical Limit」離心力甚大，五名男選手一律嘈到拆天，兼且驚現大量「毁容級走樣潛力圖」，現場頓變「奪命狂呼」現場。

五男之中，嗌得最慘烈的非GM莫屬；由於GM叫聲實在太慘烈，Sophie見狀即心痛地狂問：「喂！又加速嘅？佢第二Round喇！」相當錫住男友仔。原來GM反應之所以特別大，全因有「幕後黑手」看不過眼GM一個行為，而吩咐現場工作人員為GM加料，GM及後更要為相關行為道歉。到底GM做了甚麼招來如此「橫禍」？密切留意節目。而向來備受關注的GS CP，今集還會上演「甜蜜快穩準」傳豆腐絕技，萬勿錯過。

玩考機動遊戲時，百厭的GM不時取笑其他男士。

0Bob Max密謀大計。

Sophie與GM二人玩傳豆腐遊戲時超默契表現！

雖然途中有「小鬧交」。

身高差關係。

Bob當場示範，玩得好好添！

Jacob全程小心翼翼、好Gentleman。

最後Jacob許咗咩願，更令全場起哄！

Matt玩傳豆腐好似好緊張。

Carmen傳豆腐面都紅晒。

李芷晴被Jacob感動主動送對方願望：咩都得！
另一對值得關注CP，是準CP Stephanie與Jacob。向來是《女神》「怕醜擔當」的Jacob，為了女神Step，竟願意面對恐懼挑戰「Vertical Limit」，期間由於真的太驚，更史無前例地在螢光幕面前「失控大嗌」，被GM取笑：「我聽過Jacob講嘢最大聲一次。」Step聞言即痛心護航：「你哋唔好笑佢啦！x2」玩完機動遊戲揈到面青青的Jacob，抱起Step走石春路時腳步浮浮，完成任務一刻更因雙手乏力令Step險變「滾地葫蘆」。眼見Jacob為了自己一再「我超越我」，Step最後甜蜜賜予Jacob一個願望，更許下豪言：「咩都得！」而Jacob亦甚有禮數地選擇「甜蜜抱抱」而沒有飛擒大咬，相當有風度。

除了遊戲環節，今集繼續有「心動時刻」小劇場，由Yuki＋Kris、Maggie＋Matt分別上演「鍾意啊？」及「乜咁啱嘅」；Kris在小劇場中，為了氹Yuki開心，更會化身「Balloon Dragon」向女友送抱，氣氛勁爆甜蜜；而二人於玩遊戲期間，雖然表現略為遜色，但卻遭「女神」團隊起哄大叫「結婚」，想知二人做了甚麼引來全場起哄，密切留意今晚播出的《女神玩轉嘉年華》。