網上瘋傳一段影片，片中一架行駛中的地鐵車門竟然夾實了一袋外賣，車廂內更傳來一陣笑聲，上載影片至Threads的網民表示，遇到一名女子想衝門，「夾住咗袋外賣，成車人笑到ＸＸ」他更笑問下車時，到底要不要把外賣交給月台職員好呢?
外賣酸菜魚被夾車門中間半空吊
有網民從帖文中的相片認出袋外賣是酸菜魚，並猜想那名大媽衝門時，企圖以外賣擋門，豈料卻被車門夾實，自此要和袋外賣「分道揚鑣」；而片尾更聽到車廂內傳內笑聲。有網民放大畫面，表示見到女事主衝門一刻手上仍攜有其他外賣，奈何未能衝入車廂，眼白白見住袋酸菜魚被車門夾走.......由相中所見，袋外賣被夾在車門中間，半空吊。
網笑：外賣港鐵遊
帖文引來網民熱烈回應，「依種叫『糧草先行』」、「薛丁格的外賣，介乎於跌與未跌」、「我未上車喎」、「外賣港鐵遊」、「唔知呢個運費幾多」、「整壞架車係咪應該叫佢哋賠？」，「一直唔係呢邊開門就好笑」、「如之後一路轉對面（車門）先開的話，我一定大大聲咁笑，仲叫抵死」
網民憂到站開門後外賣會倒瀉
有網民更認出片中影到的是旺角站「睇地鐵站隻色同架車方向，睇嚟要由旺角夾到金鐘」，亦有不少網民擔心到站後開門時沒人接着袋外賣「如果開門時瀉到一地都係點算？有冇人襯佢打開門時幫手接住放地下？！」、「如果冇人抽住（外賣）先，開門嗰下會成米高跌落嚟彈到全世界都係……」「嘩下！一開門咪成袋嘢跌落地時，啲湯汁咪搞到架車同月台之間路軌都係！」
有網民更認出片中影到的是旺角站。資料圖片
