關注一下過去24小時娛圈事Top 5熱話。
孫慧雪細仔2歲泳池生日派對撞正10風球 暖心蛋糕店趕製靚靚蛋糕打風前送達
43歲的孫慧雪於2016年與「富二代」羅天彥（Edwin Lo）結婚，婚後先後誕下兩子，一家四口生活幸福美滿！雪雪的細仔「肉肉哥」近日2歲生日，原本要舉行泳池派對，但卻撞正10風球，只能無奈取消，幸好蛋糕趕及打風前送達，一家人在家簡單慶祝也很開心。
▼詳情點擊圖片查看或按連結
無綫前主播梁凱寧生日公布婚訊 與大學同學結束愛情長跑
前無綫新聞部主播梁凱寧（Maggie）自2019年離開無綫後，轉投香港開電視主持節目《開嚟見我》，後來重返校園修讀言語治療課程，現已成為言語治療師。今日（7月22日）適逢梁凱寧的33歲生日，她在IG發文向外界宣布喜訊，與相戀多年的大學男友訂婚。
▼詳情點擊圖片查看或按連結
真相猜．情．尋｜拆解「李小龍猝死之謎」 重要證人麥海雄醫生披露搶救過程中三大疑點
由方東昇、黃曉瑩、李嘉嘉擔任主持的全新新聞資訊節目《真相猜．情．尋》，頭炮拆解「李小龍猝死之謎」，昨晚（7月21日）播出第一集，公開多份從未曝光的法庭內部文件、證人名單及完整供詞，並找來重要證人麥海雄醫生披露當年搶救過程中多個「不同尋常」。
▼詳情點擊圖片查看或按連結
吳若希自爆晨早8點出門 唔為返工送仔女而係為做一件事
藝人吳若希（Jinny）與老公何兆鴻（Alex）婚後育有一女一子，雖然Jinny已為人妻人母，但她依然活躍於幕前，近日她就自爆晨早8點就出門口，但並不是要工作或送仔女上學，到底為什麼呢？
▼詳情點擊圖片查看或按連結
Coffee林芊妤去旅行心情大靚 行Catwalk晒孕婦Look：做一個自信嘅孕婦
35歲的林芊妤（Coffee）早前宣布懷第二胎，但驗血報告出現問題，「13號染色體異常」（帕陶氏症）有「擲界」情況，最終抽羊水檢查確認第二胎一切正常，健康成長中！Coffee放下心頭大石，加上進入穩定期，囝囝翟德彥（伯伯）又開始放暑假，一家三口就出發去遊行。
▼詳情點擊圖片查看或按連結
由曹永廉（阿廉）、蕭正楠（阿蕭）、吳若希、車婉婉任主持兼「婚姻求生教練」的TVB全新綜藝節目《K Cash找數王呈獻：夫妻肺片》今晚（6月9日）播映的第四集迎來全新一組「星級人夫人妻」友，女子組有「黐身型人妻」何依婷、「人間清醒人妻」支嚳儀（支支）及「爽朗型人妻」莊思敏；男子組則有「我老婆係大佬型人夫」周吉佩（吉吉）及「佛系型人夫」譚輝智。眾人就「另一半最鍾意自己什麼」與「分手後能否與前度做朋友」兩大話題展開熱烈討論，驚揭吉吉的求生存欲最強，現場笑料百出！
焦點圖片
「女子組」何依婷、支嚳儀、莊思敏
「男子組」周吉佩、譚輝智
「黐身型人妻」何依婷
「人間清醒人妻」支嚳儀
「爽朗型人妻」莊思敏
「我老婆係大佬型人夫」周吉佩
「佛系型人夫」譚輝智
「恩愛實測」環節中，兩位「中年好人夫」吉吉與輝智雙雙「炒車」！吉吉自認平時「最就得老婆」，致電老婆求證時，周太起初相當畀面，大讚老公「善良、任勞任怨又唔發脾氣」，正當吉吉沾沾自喜要求老婆「講多次」，周太突然搞笑大叫：「佢讚得多就會囂㗎喇，你啲賤人！」全場隨即爆笑起哄，吉吉唯有笑着表示要趕快收線。至於輝智自信爆棚，聲稱靠「外表」吸引老婆，在場的譚太即時瘋狂擰頭，主持阿廉與阿蕭隨即起哄叫阿嫂「老老實實答喎」、「你鍾意佢啲咩」，譚太甜笑說：「夠悶咯！」被戳爆的輝智即時指著自己塊面「扮嬲」反問老婆：「你有冇望呀？」
四位主持問「另一半最愛你啲乜嘢」。
輝智自認靠外表吸引老婆，但老婆話唔係。
輝智自認靠外表吸引老婆，但老婆話唔係。
輝智自認靠外表吸引老婆，但老婆話唔係。
周太話老公唔讚得，吉吉即刻嗌收線。
「霸氣」莊思敏係鱷魚頭老襯底 對住老公變小鳥依人
「女子組」方面則狂放閃光彈！莊思敏自評性格夠「爽快」，卻被吳若希取笑是「鱷魚頭老襯底No.1」。當莊思敏致電老公時，電話另一端傳來極溫柔的「老婆呀？」一向給人豪邁、強勢的莊思敏瞬間化身小女人露出冧樣，甜笑問：「你鍾意我啲咩？」老公隨即發動情話攻勢：「好多嘢喎」、「可愛、性格好、錫我」，聽得莊思敏非常滿意，在旁的吳若希羨慕得大叫「好Sweet呀」！自認「情商高」兼理性的支支，因老公忙於工作，遂致電兒子代答，豈料囝囝先是沉默，隨後連環拒絕：「我唔知呀、「喂呀」、「拜拜！」遭囝囝無情拒絕的支支極度無奈，並搞笑扮嬲掟手寫板。
莊思敏對住老公秒變小鳥依人。
支支囝囝唔願答問題，支支扮嬲掟手寫板。
支支囝囝唔願答問題，支支扮嬲掟手寫板。
何依婷老公答唔答中呢？
吉吉曾做前度婚禮司儀 莊思敏突破盲點問「成長片段有冇你呀？」
來到「夫妻互片」環節，探討「分手後能否與前度做朋友」的話題，當中以吉吉的「分手史」最震撼！吉吉一開波講已驚到「窒晒偈」：「有唔同…有…人有唔同嘅反應」，全場瘋狂指著他來取笑！吉吉自爆與前度分手十多年、且自己已婚後，突然收到對方致電告知當初「突然消失」的分手原因。現場所有人瘋狂追問原因，吉吉說：「佢解釋就係突然間唔鍾意咯」、「佢話好Guilty，想講番清楚件事，唔想終老有遺憾。」更爆的是吉吉老婆亦認識對方，吉吉更擔任前度的婚禮司儀，莊思敏隨即突破盲點問：「成長片段有冇你呀？」嚇得吉吉尷尬稱「唔係好記得咯」，並承認現在仍與前度有聯絡，最近收到對方短訊：「因為佢問我借錢！」引來全場嘩然！到底吉吉最終有冇借錢畀前度呢？
一講前度，吉吉即刻「窒晒偈」。
吉吉驚爆前度借錢，全場嘩一聲！
譚輝智被「摸杯」動作出賣 遭取笑「緊張的手手」
其餘嘉賓亦各持不同感情觀，輝智表示自己只拍過三、四次拖，與所有前度斷絕來往，但他回答時因不斷摸杯，被眼利的吳若希發現，取笑他是「緊張的手手」。隨後輝智透露間中會收到前度在他的社交平台點讚，眾人隨即啄住不放質問「點解你會咁清楚佢Like你」，錄影廠瞬間變成「八師會審」現場。
輝智拍拖經驗少。
輝智緊張到狂摸杯兼震晒。
輝智緊張到狂摸杯兼震晒。
支嚳儀拋金句：前度令你了解人性，現任令你了解人生！
至於「瀟灑派」的支支則金句王上身：「前度令你了解人性，現任令你了解人生！」並揚言對所有傷害過她的人都會徹底斷絕來往（Clean Cut），更豪言：「如果唔係我老公都變我前度啦！」。相反「大方派」的莊思敏則表明不阻止老公與前度聯絡，只要她知情便可。而「善忘派」何依婷則坦言與前度完全零聯絡：「因為我個人比較善忘」、「分咗手就唔記得呢個人」、「大家都唔好記得大家！」
支支拋「人妻金句」。
之後眾人討論「前度禮物與照片的處置方式」，求生欲爆燈的吉吉表示：「我以前好似冇乜收過禮物，冷頸巾嗰啲咯，嗰啲梗係揼啦！問題係咩呢？咁我老婆織咗啲畀我喇嘛…」但他承認會將舊相Keep在盒內放櫃，亦有幫老婆保留前度的相片，認為是人生經歷的一部分。吉吉話音剛落，何依婷突然情緒激動，罕有以嗌破喉嚨的聲線自爆驚人家事：「我有一日喺屋企執屋，發現我老公床下底有個盒，就係嗰啲相！」她透露當時有問老公：「你啲相你想唔想留低？」究竟何依婷老公點答？求生欲有幾強？欲知詳情，一定要密切留意今晚播映的《夫妻肺片》。
前度親手織嘅頸巾，吉吉掉都掉唔切。
依婷自爆發現老公收埋前度嘅相。
依婷自爆發現老公收埋前度嘅相。
