陳慧琳紅館show尾場組合Dry合體掀回憶殺 蔡一傑病癒回歸合體草蜢炸爆舞台

由渣打優先理財及財富方案冠名贊助、Star Talent Limited主辦的《陳慧琳Season 2萬人結界演唱會》昨晚（7月27日）於紅館演出尾場，十場演唱會圓滿結束。陳慧琳Kelly滿面不捨，看着台下熱情的歌迷多次灑淚。尾場驚喜連連，先是經典組合Dry再次合體，馮德倫驚喜現身與舊拍檔雷頌德，連同Kelly合唱《紀念日》。緊接再有草蜢擔任嘉賓，與Kelly又唱又跳，今次更是蔡一傑病癒後首度回歸舞台，狀態大勇，全晚歡呼聲響徹紅館。

《陳慧琳Season 2萬人結界演唱會》尾場圓滿完成！

經典組合Dry再次合體！

草蜢擔任嘉賓

蔡一傑病癒後首度回歸舞台，狀態大勇！

上周日因颱風襲港，Kelly演唱會被迫延至昨晚補場。觀眾因禍得福，與Kelly共度今次演唱會尾場。轉眼來到最後一場，Kelly特別感觸，當在台上多謝幕後團隊時，已忍不住眼泛淚光。到兩邊天橋升起，她看着台下熱情的歌迷，終忍不住落淚說：「唔知我哋下次幾時先再見，係咪十年後，你哋都仲會嚟睇我嗎？」歌迷齊聲高呼：「會呀！」Kelly笑說：「你哋睇，咁我繼續唱啦！」

陳慧琳尾場淚灑紅館！

昨晚在Kelly與雷頌德、豹哥單立文、Joey Tang合唱《紀念日》的環節時，原主唱之一馮德倫驚喜現身，歌迷歡呼聲震撼紅館，不單是組合Dry重現舞台，更是《紀念日》三位主唱難得重聚的一次。雷頌德望着Kelly說：「證明呢個世界有平行時空，隔咗咁多年我同Stephen鬚都白埋，但中間嗰個依然冇變。」

馮德倫驚喜現身

雷頌德、馮德倫

上一次《紀念日》齊腳是2013年，轉眼已相隔十二年。Stephen表示不知演唱會因颱風延期，並笑說：「我前晚係諗住問阿Mark出唔出嚟飲咖啡，結果佢淨係叫我嚟做嘢，冇覆我飲唔飲咖啡。」台下歌迷高呼叫他們多些合體，Mark說：「我退咗休。不如講下我哋點解散，我哋嗰時好多嘢做，但冇賺過錢，因為冇商演。賺得最多係Fans送嘅公仔。」豹哥聞言笑說：「你哋叫Dry梗係冇錢啦！」Kelly說：「網民話你哋年紀大咗，可以叫Dry Martini。」Stephen笑說：「咁我咪要叫Stephen Yoshi，會型啲。」Kelly立即指住Stephen心口：「人哋露點㗎！冇露就唔係Yoshi。」在旁的Mark一臉茫然問：「Yoshi咩嚟，我唔識。我真係退出咗。」Steven笑說：「你返去玩馬啦！我仲係好trendy。」場面搞笑。

組合Dry

組合Dry

組合Dry

組合Dry

Kelly與馮德倫及雷頌德一同派心。

尾場終極嘉賓是已有近一年沒合體的草蜢，他們狀態大勇，與Kelly合唱《熱力節拍wou bom ba》、《打開天空》，氣氛高漲。今次更是傑仔在腦腫瘤手術後首次回歸舞台，也是草蜢與Kelly相隔十年再同台。

草蜢狀態大勇。

與Kelly相隔十年再同台。

Kelly與草蜢昨晚齊穿上白色舞台服，相當合襯。Kelly笑說：「我哋似唔似結婚呀？我好想有三個老公。」傑仔很感謝Kelly，在他手術後公佈消息，Kelly是第一個發訊息給他，擔心他之餘，又為他在頭上開這麼大條疤感到心痛，並祝福他快點康復，亦不斷鼓勵他，更讚他光頭都好型仔。傑仔說：「Kelly喺圈中人緣好好，由她出道開始一直睇住佢大，好努力工作，不論拍戲、做演唱會都做得好好，但有一樣係更好。佢個人由以前到而家都冇變過，都係真誠對人，好善心。佢係好錫朋友又錫歌迷嘅beautiful lady。」草蜢更帶來剛做好三天的新歌《老的辣》，首度公開獻唱，並宣佈明年四月於紅館開騷。

蔡一傑

草蜢宣佈明年四月於紅館開騷。

尾場Kelly不捨，fans一樣不捨，完騷後大叫encore，成功召喚Kelly再上台，Kelly說：「全部都唔走喎！好齊心喎！我剩返半條人命都搵我出嚟！我搵咗首好耐冇唱嘅歌。」然後唱出2000年推出的《假天真》，全場觀眾在副歌部分一起大合唱，Kelly最後再唱《飛天舞會》一曲後，與歌迷最後道別，並約定大家8月16日廣州站見。

Kelly約定大家8月16日廣州站見。

馮德倫（Stephen）創立的動漫IP「Bucket man」推出短短一年已動作多多，這個充滿活力的原創動漫IP成為Stephen藝術表達的重要延伸。最近，「Bucket man」變身「Bucket man zero」，Stephen更為全新項目主唱新曲《屢戰屢敗又怎樣》，並找來著名攝影師夏永康（Wing Shya）親自操刀執導新歌MV，MV本月5日首播。

馮德倫為全新項目主唱新曲《屢戰屢敗又怎樣》。

Stephen昨日（3月7日）就在網上上載一條搞笑短片，老友陳奕迅（Eason）驚喜現身，短片創作如Stephen《老馮日記》的處境劇拍攝手法，以幽默搞鬼的方式呈現，講述 Eason正專注投入地試唱他的新歌，老馮想出詭計在旁偷偷錄音，希望將Eason的靚聲跟自己的歌曲混合，二人搞笑對手與精彩的演出，連太太舒淇也加入留言力撐：「老馮日記2幾時拍呢？」Stephen回應：「等緊你檔期。」隨即掀起老馮回憶殺的熱論，無數網民對兩位主角的精湛演技讚不絕口，有人更笑稱Eason根本是被歌唱事業耽誤的影帝，非常好玩！

影片截圖

影片截圖

影片截圖

影片截圖

影片截圖

Stephen與Eason的互動充滿火花，圈中好友徐濠縈、張繼聰、周柏豪等也紛紛留言以示支持，舊拍檔雷頌德也留下笑笑emoji，Stephen見狀即趁機追交歌︰「唔好齋笑，快啲寫歌。」Mark Lui搞笑回覆說︰「我要寫快過你唱。」此話一出即令Stephen投晒降︰「我投降！」

見網民力推再拍《老馮日記》，Stephen亦在threads透露已構思多年唯未實行的原因：「其實好感激大家對老馮日記嘅厚愛，再拍我真係諗咗好多年，橋都諗咗好多。唯一未諗到就係應該用乜渠道發。都知道當下嘅年輕人可能已經冇耐性睇咁長嘅一集。用短視頻係可以work 嘅，但係又點樣營利呢？真係請教吓大家。認真問題（但係我啲回覆未必認真）。」短短時間已吸數百人熱烈討論，Stephen親身跟網民互動，認真研究，即被讚是「最緊貼潮流的導演」。

馮德倫

今次Stephen推新歌可謂出盡人情牌，提到找Eason拍片的原因，Stephen笑說：「呢個構思係好突發嘅，係有《老馮日記》嘅感覺，其實有一晚我約咗Eason去我屋企食飯，我就話畀佢聽有呢隻歌，佢就口噏噏喺度唱，我心諗唱得咁好聽嘅！個靈感係嚟自呢度，咁偷錄嗰啲就係加落去玩嘅，令成件事幽默啲，我好感謝佢肯陪我玩，非常感激佢。」

馮德倫

馮德倫

《屢戰屢敗又怎樣》新歌找來Wing Shya操刀當MV導演，Stephen在MV中彈結他，超近鏡大頭，大賣男神氣質，他笑說：「今次嘅感受係同以前出道時做嘅好唔同，當時會好感恩有機會去做，而家自己去做，冇咁多制肘去做，有自由去處理，而搵到Wing去導演MV，一諗起就知道風格上好正啦！」「Bucket man」代表著堅韌不拔和無限潛力的精神，Stephen望新歌能帶出正能量：「其實而家社會呢個階段都幾辛苦，歌詞同畫面可以表達到而家時下人嘅辛苦同經歷，加上係好勵志、好正面嘅嘢，我好喜歡咁做。」

拍攝花絮

拍攝花絮

拍攝花絮

拍攝花絮

Stephen創立的動漫IP「Bucket man」去年3月面世，憑藉其獨特的「紅膠桶」形象與香港本土文化元素，展現出強大的跨界影響力，「Bucket man」IP於去年10月獲DesignerCon香港頒發「Rising IP 大獎」，表揚其在創意與科技結合上的潛力，而IP更打入卡牌界，推出滙豐One+ x「Bucket man」獨家限量卡牌；Stephen近月分別找來全球網絡爆紅人物一全球第二大網紅「無語哥」Khaby Lame跟頂級知名網紅兼資深收藏家、拍賣1億3史上最貴比卡超卡的 Logan Paul，二人為「Bucket man」加持，Khaby 在片中打破沉默為其發聲，同時，Logan亦關注並分享了 對Bucket man的看法，將IP 推向全球視野。未來「Bucket man」將延續更多項目，本月21及22日將於國際潮流文化盛事ComplexCon舉行大型展覽，同時將會進行先導預告片首播，讓大家知道「Bucket man」動漫IP的最終任務，同時「Bucket man zero」將於現場預售，而Stephen更預告即將與Edison的潮流品牌合作。

馮德倫

馮德倫