梁思浩主持新城《命運解惑師》節目 疑似錄得鬼對話

藝人梁思浩因主持靈異節目獲封「亞洲鬼王」，而「鬼王」在上周六(7月26日）播出的一集中發生了疑似靈異事件，震驚三位主持，就連聽眾亦留言聽到「毛管戙」。

梁思浩主持新城《命運解惑師》節目。

女聽眾家人疑鬼上身 自己身邊也可能有靈體跟隨
上周六（26日）播出的第21集《命運解惑師》，除了思浩和黎莉兩位主持，還有法銘師傅在場，有女聽眾透露胞弟被鬼上身，家人找過很多師傅和牧師都幫助不了，她形容「依家佢直情唔係我細佬」…..該名女聽眾分享期間，電話裡頭不停聽到有小朋友嬉戲及一把長者低聲談話的聲音，但談話的語言卻聽不明白，思浩便一臉嚴肅問該女聽眾：「你身邊有冇兩個細路仔同老人家喺到？」女聽眾好肯定回答：「冇！」

上周六（26日）發生疑似靈異事件。

大氣電波捕捉到鬼對話?
思浩聽到答案後嚇得瞪大雙眼，他續問：「你每次講到緊要嘢時，都有條線受到干擾，有個女人喺到講嘢，又有小朋友喺到講嘢，我諗好多聽眾都聽到，即係你條聲裡面，出現多咗三把聲。」女聽眾聞言亦嚇到聲音顫抖，但她堅持謂：「我已經企喺角落頭，同埋我身邊冇任何人。」由於事出突然，思浩即要求法銘師傅為女聽眾「解決」。節目播出後，思浩將節目分享到個人社交平台，引來不少網民留言，「我都聽到個背景細路仔聲，哇，我還以為個女士屋企細路仔喺旁邊」、「聽到好多次聲音干擾，當時毛管都戙起，一開頭我以為自己聽錯，原來係真的」、「我一路聽個頭好痛，收咗線就立即無頭痛」。

梁思浩與黎莉(左)、法銘師傅

節目疑似錄得鬼對話。

詭異小孩聲音空洞幽怨，男人聲似在恐嚇
事後，主持黎莉今天回應時表示：「當時淨係覺得點解周圍咁嘈，直至思浩喺節目問佢身邊有冇人，跟住就好驚!!! 小朋友用唔明白嘅語言講野，已經令我寒一寒，果把男人聲有啲惡，好似同我哋講:唔好咁多事! 嚇到我想立即擲耳筒!!」。問黎莉做節目時可有佩帶護身符？她稱：「⁠我每次做節目都會戴住平安頸鏈，同埋本身都有一條六字大明咒嘅手串。」黎莉又透露過往曾在節目上遇過靈異事件，嚇得她個心離一離，但都要保持冷靜，她說：「我相信眾生無處不在，但都要心存尊重，同埋如果係自己嘅冤親債主，就多加行善同回向（法師同思浩都不斷提我），都希望可以解孽障。」

出現詭異小孩與老人幽怨之聲。

今年3月，梁思浩加盟新城廣播與黎莉主持全新節目《命運解惑師》，每集邀請不同玄學師傅為聽眾解答疑難，節目第一季自播出以來大受歡迎，至今已經播出廿多集，第二季即將來臨，將有更多精彩節目內容，敬請密切留意。

詳細節目內容，請重溫7月26日，晚上10:00 – 11:00，新城知訊台《命運解惑師》，網址：https://www.metroradio.com.hk/MetroInfo/

由梁思浩、黃紫恩（Jojo）及黃耀英（Darren）主持，TVB Plus（82台）靈異直播一小時節目《直播靈接觸》，周一晚9點半及周二晚9點35分。黑白無常黃瀅仴、湯之欣，繼續任小編跟網民互動。

堪輿學家唐碧霞師傅擔任嘉賓。

堪輿學家唐碧霞師傅擔任嘉賓。

堪輿學家唐碧霞師傅擔任嘉賓。

昨晚（12月22日）主題為「九宮飛星」，九粒星順序為︰桃花星、病符星、是非星、文昌星、五黃災星、武曲星、破軍星、八白財星及喜慶星，各星位置每年都會出現不同位置。請來堪輿學家唐碧霞師傅逐粒星拆解，資訊量極為豐富。

唐碧霞師傅拆解明年九宮飛星宜忌。

唐師傅由第一粒「桃花星」講起，該星主人緣、貴人，明年會在整間屋的中宮位置，想催旺可放置水種富貴竹，她說︰「如果想催旺姻緣，可以喺呢個位放音樂盒。而第二粒星「病符星」位於西北方，所以出年間屋呢個位係最差，易導致受傷同有小毛病，要非常小心處理。此星屬性為土，所以忌放紅、黃、啡、紫、橙。」亦不宜放會動的物品如風扇、空氣清新機，要化解可以擺六帝錢化病化災，唐師傅補充說︰「假如床頭都係向西北，床單就唔好用紅、黃、啡、紫、橙5種顏色，可以用黑、藍灰、白，減低病星影響。

唐碧霞師傅拆解明年九宮飛星宜忌。

唐碧霞師傅拆解明年九宮飛星宜忌。

節目中接住講的「是非星」會在正西方，會招惹是非、爭執及麻煩事，亦不宜放植物同水，可以放粉紅色物品如地毯、海報化解。不過唐師傅表示有客人反而喜歡催旺此星，她笑說︰「好似從事娛樂圈同律師行業好着緊呢個位，因為是非就係佢哋嘅生意，對藝人嚟講，多人講、有是非即係多關注度。」而莘莘學子及家長非常重視的「文昌星」，來年會移往東北方，只要保持乾淨、整齊光潔名亮就可以，要催旺的話放4支水種富貴竹及擺放自己的相片便可。唐師傅提到明年要特別留意南位的太歲位，有「五黃災星」進駐，忌放紅、黃、啡、紫、橙，亦不可放置會動的事物，她解釋︰「因為太歲頭上唔可以動土，要化解都可以放六帝錢，如果大門開門向南嘅話，嚟緊農曆年唔好貼揮春，地下放一塊灰色地毯就可以。」此外，各星位置會在明年新曆2月4日立春後適用。

唐碧霞師傅拆解明年九宮飛星宜忌。