女神配對計劃｜林俊其求愛五招冧到羅毓儀變腰果眼 劉進啟梁敏巧邊公主抱邊食百力滋

由林盛斌（Bob）擔任金牌媒人兼主持的無綫熱播戀愛綜藝真人騷《Funki Finance呈獻：女神配對計劃》，明（8月3日）晚九點半播出第九集。

Kris今集勁給力！

Yuki個樣冧到唔識形容。

GM又乘機口花花，但畀Sophie一嘢識穿。

現場突然爆發「除衫潮」，笑咗。

《女神配對計劃》除了「國民CP」葉蒨文Sophie與曾展望GM（簡稱GS）夠晒Sweet，另外兩對CP羅毓儀Yuki+林俊其Kris，及梁敏巧Maggie＋劉啟進Matt亦同樣發展神速，Yuki與Kris更被拍到當街拖手仔，雖然只是gentlemen式拖手，但隨著二人承認互有好感，這對CP在節目中的甜蜜互動自然成為焦點。這對之前予人感覺Yuki較主動的「I人 CP」，今集將會出現峰迴路轉逆轉，一直強調自己是I人的Kris，突然主動level up向Yuki進行「猛烈求愛五式」—送暖身黑糖薑茶、為凍到震騰騰披上愛心外套、送親手手繪公仔的水杯、「（蠟筆）小生眼神」請求女方讓他同床，以及霸總式親親，花款多多之餘亦相當之冧。

呢壼黑糖薑茶重甜咯。

呢壼黑糖薑茶重甜咯。

睇花生友啲反應，就清楚呢件事有幾冧啦，到底佢哋最後點樣演繹「接吻」呢？！

睇花生友啲反應，就清楚呢件事有幾冧啦，到底佢哋最後點樣演繹「接吻」呢？！

Kris同Yuki望落真係幾襯。

Kris的五大強攻之中，以「除外套」一招最有「迴響」，事緣Kris在眾目睽睽下為Yuki披上外套，即時全場起哄之餘，口多多的GM還馬上問Sophie：「你凍唔凍？」被氹得勁開心的Sophie不忘狙擊GM：「你有得除咩？嚟吖嚟吖！」認真大細路。之後現場忽然爆發除衫潮，有穿外套的黃家俊Matthew及陳昇、分別為自己女神關嘉敏Carman及李芷晴（Stephanie）披上外套，十分熱鬧。至於「黑糖薑茶」，則展現了Kris心思細膩的暖男面，原來Kris入Camp前已知道Yuki身體不適，故一早準備定黑糖薑茶送給女方，還為送薑茶的Perfect Timing煩惱不已，果真一等一暖男，難怪被寵在手掌心的Yuki全程雙眼笑成腰果形狀！

個感覺好初戀，嗰種開心好純綷。

Kris連環「小生眼神」。

搞到Yuki不知所措。

手繪女神漫畫公仔杯都出埋，贏晒啦。

花生友勁興奮 Kris「霸總式親親」嚇到Yuki定格
而在玩遊戲時，Kris亦一反常態超積極兼主動！在與Yuki合作玩遊戲時，為了表達「接吻」這條題目，站在後面的Kris竟火速將Yuki的頭轉向自己…事後Yuki定晒格兼面紅紅，想知二人最後有否真錫，密切留意節目。之後進擊的Kris與Yuki同房後，繼續強攻出招。首先他向Yuki送上自己親自繪畫的Yuki卡通樣水杯，裏面還寫上了「A Smile Starts Here」，再次將Yuki深深冧倒。之後二人討論床位問題，原本被安排瞓梳化的Kris，為爭取與女神同床機會，全程以「小生眼神」攻擊Yuki之餘，又扮慘話冇被冚好可憐；幾經𦧲地，Yuki終於屈服，並大叫了一聲「咦」以釋放內心的害羞。性格同樣有點害羞的Yuki還搞笑地解畫：「其實張床又唔係好細，佢就算瞓咗都有空間嘅。」

Matt今次已經係第N次體力勞動，致敬！

佢哋變咗打卡熱點呢吓好笑。

佢哋變咗打卡熱點呢吓好笑。

啲花生友其實好好睇。

佢哋變咗打卡熱點呢吓好笑。

Maggie大爆Matt「胸肌好大」
至於愈來愈受歡迎的「最夾CP」梁敏巧Maggie＋Matt（M&M CP），今集都有感人搶焦位！首先，二人因為玩輸遊戲，被罰邊公主抱邊食百力滋；由於畫面實在勁刺激又粉紅，現場其他女神及求愛勇者全數化身花生友，各自拎出手機瘋狂拍片兼影相，場面爆笑。由於是次已是Matt第N次體力勞動，結果正式升呢節目「肌肉擔當」。Maggie事後與閨密談及被Matt再次公主抱時，亦笑言：「我feel到佢個胸肌好大咯。」另因為超細心又老實人氣持續上升的Matt，Camping時還向Maggie送上來自日本的手信—「窩心黑朱古力」！原來因為Maggie曾向Matt透露喜歡吃黑朱古力，Matt即於日本旅行期間花盡心思搜羅最好的黑朱古力送給Maggie，令Maggie未食已甜在心頭：「原來佢記得我講過嘅嘢，覺得佢真係好有心。」

一盒黑朱古力，顯出咗Matt嘅細心。

Maggie大爆Matt「胸肌好大」。

Yuki由頭到尾都係一個冧樣。

由「金牌媒人」林盛斌（Bob）主持的《女神配對計劃》大受歡迎，三對成功配對CP：曾展望（GM）＋葉蒨文（Sophie）、羅毓儀（Yuki）＋林俊其（Kris）、梁敏巧（Maggie）＋劉啟進（Matt），連同配對「飲恨」失敗的關嘉敏（Carman）+黃家俊（Matthew）、李芷晴（Stephanie）+林焌堯（Jacob）引爆不少城中熱話，節目於上周日舉行的《萬千星輝頒獎典禮》更榮獲「大灣區最喜愛TVB綜藝及資訊節目」，成績斐然！

「天旋地轉說愛你」五位男士的「驚青樣」。

Jacob在Stephanie鼓勵下選擇迎戰。

Stephanie感動即送Jacob一個「咩都得」的願望。

Matt「公主抱」Maggie面不改容。

Matthew「公主抱」Carman。

Jacob「公主抱」Stephanie最後少少腳軟，全場爆笑！

GM好Strong。

GM、Sophie甜蜜對望。

Kris好似有少少吃力！

而由《女神配對》原班CP/準CP參與拍攝的《女神玩轉嘉年華》，本周六晚八點翡翠台播出第二集，五組CP/準CP繼續於中環海濱香港冬日嘉年華中大玩各式各樣啜核競技，分別為「心有靈犀考默契」、「一心一意傳豆腐」、「天旋地轉說愛你」。三大遊戲之中，以「天旋地轉」最為「殘忍」，考驗一眾男參賽者的膽量、體力及忍痛能力之餘，還同時考驗眾人記性！由於五男要挑戰的機動遊戲「Vertical Limit」離心力甚大，五名男選手一律嘈到拆天，兼且驚現大量「毁容級走樣潛力圖」，現場頓變「奪命狂呼」現場。

五男之中，嗌得最慘烈的非GM莫屬；由於GM叫聲實在太慘烈，Sophie見狀即心痛地狂問：「喂！又加速嘅？佢第二Round喇！」相當錫住男友仔。原來GM反應之所以特別大，全因有「幕後黑手」看不過眼GM一個行為，而吩咐現場工作人員為GM加料，GM及後更要為相關行為道歉。到底GM做了甚麼招來如此「橫禍」？密切留意節目。而向來備受關注的GS CP，今集還會上演「甜蜜快穩準」傳豆腐絕技，萬勿錯過。

玩考機動遊戲時，百厭的GM不時取笑其他男士。

0Bob Max密謀大計。

Sophie與GM二人玩傳豆腐遊戲時超默契表現！

雖然途中有「小鬧交」。

身高差關係。

Bob當場示範，玩得好好添！

Jacob全程小心翼翼、好Gentleman。

最後Jacob許咗咩願，更令全場起哄！

Matt玩傳豆腐好似好緊張。

Carmen傳豆腐面都紅晒。

李芷晴被Jacob感動主動送對方願望：咩都得！
另一對值得關注CP，是準CP Stephanie與Jacob。向來是《女神》「怕醜擔當」的Jacob，為了女神Step，竟願意面對恐懼挑戰「Vertical Limit」，期間由於真的太驚，更史無前例地在螢光幕面前「失控大嗌」，被GM取笑：「我聽過Jacob講嘢最大聲一次。」Step聞言即痛心護航：「你哋唔好笑佢啦！x2」玩完機動遊戲揈到面青青的Jacob，抱起Step走石春路時腳步浮浮，完成任務一刻更因雙手乏力令Step險變「滾地葫蘆」。眼見Jacob為了自己一再「我超越我」，Step最後甜蜜賜予Jacob一個願望，更許下豪言：「咩都得！」而Jacob亦甚有禮數地選擇「甜蜜抱抱」而沒有飛擒大咬，相當有風度。

除了遊戲環節，今集繼續有「心動時刻」小劇場，由Yuki＋Kris、Maggie＋Matt分別上演「鍾意啊？」及「乜咁啱嘅」；Kris在小劇場中，為了氹Yuki開心，更會化身「Balloon Dragon」向女友送抱，氣氛勁爆甜蜜；而二人於玩遊戲期間，雖然表現略為遜色，但卻遭「女神」團隊起哄大叫「結婚」，想知二人做了甚麼引來全場起哄，密切留意今晚播出的《女神玩轉嘉年華》。