現今騙徒手法層出不同，連見多識廣的「金牌主持」林盛斌（Bob）都不慎中招，雖然沒有金錢上的損失，但浪費了無數時間和心血，令他都不禁表示：「呢件事，其實係要報東張嘅！」
林盛斌
林盛斌在IG晒出一張咭片，並詳述被騙經過，「話說早兩個禮拜之前，我經理人Kaman收到個查詢，對方李先生send咗張卡片過嚟，話係旺角一間老人院嘅負責人，對上仲有個院長，佢自己係第二把交椅，負責行政，佢話佢哋想搵我做代言人拍廣告，做吓宣傳，仲想我哋棋人做埋廣告公司去幫佢喺唔同媒體落廣告，然後Kaman同佢溝通咗好幾次，感覺都正常嘅，跟住大家傾到代言人價錢同埋詳細嘅工作內容，專登約埋個電話會議，我同對方直接溝通落實，咁Kaman仲好俾心機咁做咗一份合作建議書，分析埋俾佢知唔同媒體廣告嘅報價同效用，亦都寫到好清楚喺代言人期間我會做啲乜乜乜，最後大家決定去馬，好開心，job confirmed！」
林盛斌指自己經理是一個好上心、好有交代、好有交帶的人，「佢為咗確保所有嘢妥善處理同埋順利執行，佢約咗客戶、我、廣告導演上星期五下晝三點開會，因為Kaman想喺拍廣告同影宣傳相之前大家見一見面，順便睇睇佢哋老人院實質環境，兼傾一傾個拍攝內容，等大家可以好好準備同規劃之後嘅工作。」
林盛斌IG圖片
然而到了見面當日，林盛斌他們去到老人院，李先生謊稱記錯相約的日子，要他們等半少時等他回來，「好啦，高潮嚟啦……..入到去，我哋同接待處個職員講話我哋約咗李生開會，然後個職員就黑人問號：『李生？邊個李生？我哋呢度冇呢個人。』吓！跟住有位女仕行咗出嚟，佢叫林主任，佢同我哋講，原來過去呢段日子，呢個所謂嘅『李先生』，已經用過唔同嘅名字、身份、卡片同資料，利用佢哋老人院嘅名義去訂唔同嘅物件同貨品，甚至搵啲裝修公司話老人院要維修quote價，又試過book咗一個按摩師上到去話幫啲老人家按摩，林主任話呢張卡片嘅內容有啲係真，有啲係假，同埋其實之前佢哋已經報咗警，備咗案，喺呢個時候，Kaman不斷打電話俾呢個李先生，對方已經冇再聽電話，冇任何回覆。」林盛斌一行人聞言即「進入了懷疑人生的狀態」！
林盛斌IG圖片
林盛斌自嘲：「真係千年道行一朝喪，出嚟撈咗20年，第一次遇上呢啲點估都估唔到嘅劇情，喺度奉勸咁多位幕前同行，包括經理人同助手，原來呢個世界上真係會發生呢啲咁荒謬嘅事！我估一定會有人話：『下次收到卡片，都上網查吓間公司同埋電話係咪真，又或者打去人哋個總機度，check吓有冇呢個人囉！』講真，事後孔明就梗係容易啦，我都諗到啦，但係當每日都會收到唔同渠道嘅工作查詢，又真係好難個個都咁樣做，同埋如果真係打去，對方又係真嘅，又會搞到件事好怪同好尷尬。」
林盛斌IG圖片
最後，林盛斌表示：「雖然我唔知道呢啲算係騙案定係惡作劇，亦都唔知道點樣可以叫大家小心避免呢啲事，總之，就係要執生啦，唉，黐鬼線！呢單嘢，真係好癲！」
由林盛斌率領2025香港小姐亞軍施宇琪及季軍袁文靜主持的《中國建設銀行（亞洲）呈獻：攻你上大學》 昨晚（3月10日）播出的考生陣容是《正義女神》演員陳煒（煒哥）、周嘉洛、馬貫東、蔣祖曼、鄭衍峰、黎澤恩（Ronny）、倪嘉雯、林智樂、王嘉慧與黃建東。
《正義女神》演員們上《攻你讀大學》接受挑戰。
《正義女神》演員們上《攻你讀大學》接受挑戰。
《正義女神》演員們上《攻你讀大學》接受挑戰。
《正義女神》演員們上《攻你讀大學》接受挑戰。
《正義女神》演員們上《攻你讀大學》接受挑戰。
《正義女神》演員們上《攻你讀大學》接受挑戰。
《正義女神》演員們上《攻你讀大學》接受挑戰。
《正義女神》演員們上《攻你讀大學》接受挑戰。
《正義女神》演員們上《攻你讀大學》接受挑戰。
《正義女神》演員們上《攻你讀大學》接受挑戰。
《正義女神》演員們上《攻你讀大學》接受挑戰。
Ronny跪求出音樂題
眾星於比賽前先來搞笑熱身！煒哥與周嘉洛分別在上周以《璀璨之城》與《飛常日誌II》主演身份現身《攻你上大學》，今次兩人「重臨」節目，煒哥笑言上次讀到中二，今次希望讀到中六，即被林盛斌取笑冇大志：「大學啦，煒哥！」不過周嘉洛更冇大志，上次讀到中三的他，笑言今次目標是小三，引得全場大笑。身為樂隊Mr.結他手的Ronny坦言沒讀大學，跪求林盛斌出音樂題助他過關。
陳煒有冇機會讀到大學呢？
周嘉洛笑言目標讀到小三，引得林盛斌大笑。
至於首次上《攻你上大學》的王嘉慧其實來頭不少，入讀倫敦大學學院心理學的她，返港後再讀了兩年中大法律碩士課程，名副其實才貌雙全。當其中一條題目涉及法律範疇時，王嘉慧搞笑立Flag謂：「我讀Law㗎，呢題都唔識我真係返屋企！」結果成功答中，認真一額汗。至於大學修讀生物學的倪嘉雯，答題時經常揈筆兼左搖右擺，遭林盛斌模仿兼取笑：「你真係好似小學雞！」倪嘉雯聞言撒嬌高呼：「唔好呀！」可愛爆燈。
王嘉慧高呼唔識答呢條題目就要返屋企。
倪嘉雯被取笑似小學雞。
今晚（3月11日）一集，文靜老師繼續大派「山埃」貼士不特止，更在拍檔施宇琪問完問題後要求對方「畀啲貼士」，終令林盛斌「崩潰」謂：「文靜老師你啲貼士成日害死人，你又唔知！」文靜老師不懂反應，惟有頭耷耷及以笑遮醜。
眾星專心思考問題。
眾星專心思考問題。
眾星專心思考問題。
文靜老師叫施宇琪畀貼士，即被林盛斌鬧爆。
文靜老師叫施宇琪畀貼士，即被林盛斌鬧爆。
另外，每集必睇的片尾彩蛋「真「4學生相開心Share」環節繼續有驚喜！一向走可愛文青路線的倪嘉雯，小時候是短頭髮，雖然相中的她戴了黑色帽，但望落似梳了冬菇頭，堅似動漫人物「小丸子」。至於予人「女霸總」感覺的蔣祖曼，學生時期亦是一頭短髮，靚女之餘還帶點英氣。「Law霸」王嘉慧小時候已是美人胚子，與現時樣子分別不大，都係靚女一名。
三位靚女的童年照曝光。
三位靚女的童年照曝光。
三位靚女的童年照曝光。
「中學級」好玩／刁鑽題目推介：
於香港，勒索罪的法律基礎是源自哪一條法例？
A. 盜竊罪條例
B. 侵害人身罪條例
C. 簡易程序治罪條例
D. 刑事罪行條例
假設二人申請註冊結婚後，二人搬離父母住處，自行居住。請問他們的婚後家庭結構屬於以下哪一類型？
A. 核心家庭
B. 延伸家庭
C. 缺親家庭
D. 單親家庭
