結業潮一浪接一浪，除了餐飲業零售業亦是重災區。日前黃大仙一間藥房宣布即將執笠，正進行全場清貨，除了店外貼滿大字報，更以揚聲器播放慘情音樂，還配上一把男聲，以淒涼哭腔大喊「好慘，執笠呀」，網民拍下短片上載至社交平台，笑稱「唔知個老細係咪讀Drama，執笠都可以執到咁戲劇化」。
threads 截圖
店外貼滿大字報宣告即將結業
有網民日前在社交平台Threads發文，指途經黃大仙新光中心附近一間藥房，見到店門外貼滿了大字報，似是宣告即將結業，並正進行全場清貨大減價，以「滴血之痛」、「五雷轟頂」、「六月飛霜」等字眼吸引顧客，還推出安宮牛黃丸買一送二、買二送五優惠，揚言要「蝕本出售」、「一件不留」。
threads 圖片
疑似老闆哭聲告之街坊「執笠」消息
除了大字報，店內更傳來揚聲器播出淒慘的背景音樂，一把疑似老闆以哭訴的聲音，告之街坊「執笠」的消息，直指「好慘，結束營業，安宮牛黃丸買一送二，係呀，安宮牛黃丸買一送二呀，買二送五」，最後更大聲呼喊「執笠呀，執笠呀」！
threads 圖片
樓主：有無人可憐下老細幫佢買下野
樓主不禁發笑：「唔知個老細係咪讀Drama，執笠都可以執到咁戲劇化，仲要最後加埋個咁悲慘既配樂，有無好心人去幫襯下佢啲安宮牛黃丸」。由於有大量網民查詢店鋪位置，樓主於是回應「間舖係黃大仙新光中心隔離，睇下有無人可憐下老細幫佢買下野」，「個位又真係偏僻啲，一般無事唔會行去個度」。
threads 圖片
網笑：有埋悲壯BGM收尾好有畫面
帖文一出，隨即引來大批網民熱議，有的表示「其實佢咁做都幾cute，慘到咁真係幾可憐」、「有埋悲壯BGM（背景音樂）收尾好有畫面」、「附近街坊幫襯吓， 蝕大本係好慘」、「裝置藝術專業，賣藥太浪費人才」、「音樂著左魔咁好入腦，以後啲舖頭 執笠用呢招一流」。
