奇情谷｜Babyface携女友Nina曬恩愛 公開獨沽一味追女招

《奇情谷》昨晚（8月19日）TVB Plus（82台）播出終極一集，4位谷主導演火火、吳若希（Jinny）、曾展望（GM）及賴慰玲濟濟一堂。昨晚主題為「普信男的春天」，終極奇情嘉賓Babyface（黃駿濠）。

4位谷主火火、Jinny、GM及賴慰玲濟濟一堂。

Babyface作為條件普通，卻充滿自信的男人，曾經公開向「東張女神」梁敏巧示愛，又為對方參加《女神配對計劃》，最終出局收場。不過Babyface近日成功追到KOL妮娜（Nina），二人還高調亮相動漫節曬恩愛。

昨晚「奇情嘉賓」Babyface及女友Nina。

昨晚「奇情嘉賓」Babyface及女友Nina。

昨晚「奇情嘉賓」Babyface及女友Nina。

二人早前出席公開活動。

Babyface出場作自我介紹時，依然信心滿滿︰「我係一個以自信心聞名，又喜歡追女仔嘅男性。」被問到那來的自信時，他說︰「我會欣賞自己一啲優點，能夠喺群體、社會立足。例如識煮嘢食……」卻被火火質疑︰「你有女朋友鍾意食你煮嘅嘢，唔代表煮得好食，因為佢鍾意你。」意想不到的是GM力撐Babyface說︰「佢有自己風格，又有人識欣賞，我都欣賞你㗎。」

Babyface在螢幕前仍信心滿滿自白。

Babyface在螢幕前仍信心滿滿自白。

GM與Babyface淵源始於一起參加《女神》節目，接住Babyface表示會投女孩子所好，帶她們到不同地方示愛，卻再被Jinny攻擊，反問說︰「點解你會覺得呢樣係你優點，你係有好多經驗追女仔嘅？好多？咁係咪成功先。」話口未完賴慰玲亦出口說︰「例如帶佢哋去乜嘢地方？」被三位谷主連番追擊，仍未動搖Babyface的自信，他自言身經百戰會樂觀處理任何問題，令在場各谷主不得不認同。

Babyface借GM示範追女仔手段。

Babyface借GM示範追女仔手段。

Babyface借GM示範追女仔手段。

Jinny跟賴慰玲昨晚肆無忌憚地狂笑。

Jinny跟賴慰玲昨晚肆無忌憚地狂笑。

Jinny跟賴慰玲昨晚肆無忌憚地狂笑。

Babyface被問到愛戀經歷自言為「A3」，共拍過3次拖，追求過30多位女士，共成功過3次。數到最浪漫一次是一位跑步認識的女孩子，他形容對方時說︰「短頭髮、運動型，到時機成熟就約佢去沙灘，安排燭光晚餐表白。」想不到又被火火踢爆，指Babyface追第三任時亦用同樣手法。節目尾聲請來Babyface現任女友Nina登場，她自揭是被對方的「沙灘約會」感動，遭同場谷主踢爆，異口同聲說︰「佢來來去去都係呢招，咁有無出動蠟燭？」Babyface搶住解釋因為天氣關係未有預備。在請走一對嘉賓後，4位谷主跟兩位chat room girls Michelle及Kate離別依依，細說共事40集的感受。

Babyface跟Nina分享交往經過及解答網民問題。

Babyface跟Nina分享交往經過及解答網民問題。

Babyface跟Nina分享交往經過及解答網民問題。

Babyface跟Nina臨走不忘曬恩愛。

兩位chat room girls Michelle（左）、Kate（右）離別依依。

此外，昨晚直播吸引到真．葉蒨文在chat room留言「兩位配對計劃男嘉賓坐埋一齊」，葉蒨文為《女神》計劃其中一員，她跟GM的拍拖傳聞近日甚囂塵上，亦被網民拍到出雙入對的照片於網上分享。

葉蒨文於chat room留言

一共十五集的無綫綜藝節目《試真D》逢星期一至五晚上 10 時 30 分翡翠台播映，節目由江美儀、周嘉洛、朱敏瀚（朱仔）、吳業坤及GM合作擔任主持。

GM對於臭屁醋嘅呢個反應真係好好笑。

朱仔係打足底去嘅。

齋聽Comment，GM已嚇到三魂唔見咗七魄。

GM真係反應彈嚟。

由於本住「試真D」精神的五位主持、自節目開播以來給出大量均真兼有話實說的良心食評，加上由江美儀帶隊的「試伏團」實測方法夠晒專業多元之餘，亦甚有「浸沉式」效果，成功引爆話題之餘，亦獲內地及香港網民熱捧為飲食版《東張西望》。

美儀姐真係一嘢就將啲臭屁醋擺近個鼻嚟聞，真係烈女不怕死。

朱仔被發現口不對心。

三人試食後反應各有不同，美儀姐係有嘢覺得好好味嘅。

佢哋食完之後要噴番香件衫，但聽講最後點噴都係臭。

今晚（4月23日）一集，三位主持將繼續捨身潛入疑似「問題食店」進行地顫式實測，包括被指控「海鮮唔新鮮」兼進食環境欠衛生的蠔店、盛傳食完全身會布滿屎味的三水名物「臭屁醋」，以及食物組合新奇又刺激的奇味壽司店！先說蠔店，三人甫抵達已見到有唔少蒼蠅、加上到處皆是未執拾的碗碟，及有垃圾堆在食桌附近，三位主持馬上放棄室外進食、改為步入店內繼續實測。

今晚一集嘅重頭戲，係佢哋地顫式實測呢間劣評餐廳。

有好多環境Shot

有好多環境Shot

步進店家後，三人即驚揭店員以同一部運輸機、同時運送廚餘／垃圾及新鮮出爐海鮮，嚇到GM連說了三次「好Kick喎」；三人又發現叫價88蚊人仔的店家招牌珍寶蠔、上碟時竟依然識得郁（即係未煮熟），嚇到出名淡定的美儀姐也頓時花容失色宣布「舉白旗」，最終由一度想「逃離食店」的朱仔捨身成仁、自告奮勇鯨吞「半生熟蠔」，到底朱仔食完會點？而除了熟食竟然「生勾勾」，朱仔在四出查探期間還發現阿姐的開蠔過程雖然認真，但其使用配套的衛生程度卻令人咋舌，其中一個步驟更叫美儀姐見到後大叫了三聲「吓！」，想知三人到底經歷了甚麼事，就要密切留意節目。

又專登睇住阿姐點處理隻蒸好嘅蠔。

但驚嚇在隻蒸完一輪嘅蠔仲係生勾勾，嚇到美儀姐舉白旗。

但朱仔為咗節目，都係決定啪入口，真心勁。

佢哋又驚揭店家運垃圾同煮好嘅食物係用埋同一部機。

佢哋又驚揭店家運垃圾同煮好嘅食物係用埋同一部機。

雖然環境咁樣，但美儀姐照貨真價實咁試食，一啲都唔錫身。

有機會令人一試上癮的極臭「臭屁醋」
另三人挑戰以「腐敗酸臭」馳名的「三水臭屁醋」過程也是令人捧腹，由於網民揚言：「食完好似喺屎坑食完飯出嚟咁」、「吃完衣服都不能要了」，朱仔出發前做足準備，除戴上口罩，還塞定兩張紙巾入鼻逼自己閉氣，十分搞笑。至於出名「浮誇」的GM，未步入食店已多次出現作嘔狀態，相當爆笑！而最公道的美儀姐則謂：「戴住口罩都聞到」、「陣味係哽架喎！」而本著求真精神，三人還到了食店的製醋現場進行實測，美儀為了幫觀眾試真D，毋懼惡臭直接將醋筆近鼻子猛索之餘、又即場點了少少放入口，極盡敬業！雖然「臭屁醋」陣味如此難頂，但三位主持依然照食如儀，結果美儀姐一度驚現心心眼表情之餘、朱仔更被爆暴風吸入食物，並狂指經「臭屁醋」煮完的食物會「變異」，並指「臭屁醋」有機會一試上癮，欲知詳情，都係要留意節目。

呢間「奇味壽司店」，好食同唔好食反應可以爭好遠，係咪好好奇呢？

GM被震撼到紅都面晒。

至於奇味壽司店都一樣精彩，三位先後品嚐了柚皮鵝肝、蔥燒黃油花膠、百香果鮑魚（果汁橡皮糖）、豬腦、山楂扣肉、芋泥及蔓越莓開心果牛肉等不同口味壽司，離奇的是，有些款式食到三人連聲讚嘆、美儀姐更一度合十雙手表示感恩；但有些款式卻食到三人懷疑人生，其中GM更因一道「XX壽司」難受到紅都面晒，到底咩壽司咁有威力呢？