俠醫｜劉佩玥演「機心拜金綠茶婊」坦言有難度 丁子朗演「智慧型奸角」感激鄭子誠江欣燕助開竅

「重拾醫者初心，捲起家族風暴」，《俠醫》以中醫師黃天賜教授的傳奇故事為藍本，帶出滿懷仁義＋俠義精神的中藥油公司第二代掌舵人—凌為民（陳豪飾）、如何在充滿家族鬥爭、唯利是圖及爾虞我詐計算的世界中，堅守濟世為懷信念，助人為樂，以達到「治病必求治本，救人必先救心」的宗旨。而劇中，負責搞風搞雨的「奸角擔當」，則為丁子朗（丁丁）及劉佩玥（Moon）。

劉佩玥（Moon）

丁子朗（丁丁）

阿Moon在《俠醫》中飾演「機心拜金女」沈綺婷（阿Nat），是羅穎琛（張曦雯飾）地產公司同事兼閨密。雖然阿Nat表面對經常甩碌的阿琛照顧周到又體貼，但實質不但經常放阿琛暗箭；表面扮晒好心的阿Nat，為了錢更暗地搶走阿琛不少生意。除了是名副其實的「綠茶婊」，為了錢不惜一切的阿Nat，更視自己的完美Body及女性美為生財工具，為了搶到生意、賺到可觀佣金，阿Nat不惜出賣肉體，當中最震撼三觀的情節，是阿Nat先後與鄧力圖（鄭子誠飾）及鄧世鏗（丁子朗飾）發生關係！

阿Moon個角色表面扮到對Kelly好好咁，實質成日跣佢。

阿Moon個角色表面扮到對Kelly好好咁，實質成日跣佢。

阿Moon個角色表面扮到對Kelly好好咁，實質成日跣佢。

馬貫東雖然係阿Moon嘅兵，但佢因為勝在夠癡心及溫暖，所以佢哋嘅關係都好浪漫架。

馬貫東雖然係阿Moon嘅兵，但佢因為勝在夠癡心及溫暖，所以佢哋嘅關係都好浪漫架。

馬貫東雖然係阿Moon嘅兵，但佢因為勝在夠癡心及溫暖，所以佢哋嘅關係都好浪漫架。

馬貫東雖然係阿Moon嘅兵，但佢因為勝在夠癡心及溫暖，所以佢哋嘅關係都好浪漫架。

為了令觀眾開劇前對阿Nat有進一步了解，無綫官方社交網今早釋出了一條搶先睇預告，身穿黑色貼身裙的Moon不斷扭動腰肢及擺弄秀髮，加上迷離眼神，狀態誘人。之後，阿Moon更「大腳趷起」大晒招牌長腿，期待指數爆燈。談到新劇角色要周旋於不同男人之間，當中與「善良暖男」馬貫東及「超級奸仔」丁子朗最多瓜葛。

呢個搶先睇只係精華部分，想睇Full version就要留意劇集出街喇。

呢個搶先睇只係精華部分，想睇Full version就要留意劇集出街喇。

呢個搶先睇只係精華部分，想睇Full version就要留意劇集出街喇。

呢個搶先睇只係精華部分，想睇Full version就要留意劇集出街喇。

呢個搶先睇只係精華部分，想睇Full version就要留意劇集出街喇。

呢個搶先睇只係精華部分，想睇Full version就要留意劇集出街喇。

阿Moon受訪時，搞笑地以「享盡齊人之福」形容自己，並指自己至少與六個男角色有親密關係：「有丁丁、馬貫東、陳豪、Patrick Sir、鄭子誠，同埋嘉輝哥。」阿Moon續指阿Nat的角色其實很立體，令從演多年的她亦感到演繹時有難度：「首先佢係一個好識得去利用人心嘅女仔，對住唔同人，佢會識得戴唔同嘅面具，去爭取對自己最大嘅利益，就算要犧牲色相都唔係一個問題。而阿Nat變成咁，同佢嘅童年啦同埋成長都有好大嘅關係，一個壞人背後嘅故事，其實都可以好淒慘。可恨之人亦有可憐之處，喺沈綺婷嘅世界入邊其實好難有愛，因為佢唔相信任何情感，唯有錢先至可以畀到最大安全感佢。」

阿Moon話自己喺劇入面，同好多男角色有親密關係。

至於演開陽光直男的丁丁，這次畫風突然飾演「殺人放火、姦淫擄掠」做齊的超級奸仔，仲要係衣官禽獸嗰隻；為了個人利益，就連老豆（鄭子誠飾）都冇面畀兼冇情講，而且為人完全欠缺同理心，為了利益極度不擇手段，難怪丁丁受訪時亦坦言今次這個富二代角色是「壞人之中的壞人」，還感激編劇「寫到咁多嘢畀我」，令人極度期待丁丁在劇中的發揮。

到底丁子朗係咪真係可以奸出新經典呢？

到底丁子朗係咪真係可以奸出新經典呢？

據知由於鄧世鏗是重點角色，為了創造新一代奸人經典，台前幕後可謂落足心機度度度。以丁丁為例子，除了煲勻無綫經典奸角的演出偷師外，更在拍攝現場向「無綫十大奸人」之一的鄭子誠請教，丁丁：「我今次係參照咗好多TVB經典反派嘅演繹嚟做，對我嚟講係好大嘅挑戰同突破，可以話係考牌之作。所以我都做足好多功課，同睇咗好多唔同嘅電影；希望洗走到觀眾之前覺得丁丁係陽光男孩嘅形象，喺演員路上殺出到條新嘅路。」丁丁續指與劇中父母鄭子誠及江欣燕是「反派三人組」：「我哋三個都有唔同嘅奸法，但我係奸得嚟深思熟慮嗰隻。好想多謝兩位前輩，佢哋教識咗我點樣去揣摩見到人哋折墮就開心嘅狀態，呢個係純奸角嘅諗法，都真係幫到我去突破咗個樽口。」

丁丁話佢同子誠同埋欣欣喺劇入面嘅「反派三人組」。

丁丁話佢同子誠同埋欣欣喺劇入面嘅「反派三人組」。

丁丁話佢同子誠同埋欣欣喺劇入面嘅「反派三人組」。

《香港何濟公止痛退熱散呈獻：中年好聲音4》昨（3月29日）晚8點翡翠台播映「黑白榮耀換位賽」第二回，30強選手根據往績排名，分成上弦黑隊及下弦白隊，力爭24個晉級席位。

科亞高巴在台上演出，兒子在台下跟住唱。

科亞高巴在台上演出，兒子在台下跟住唱。

高巴唱菲律賓版《每天愛你多一些》，海兒一臉驚喜，周國豐更拍爛手掌。

高巴坐上榮耀寶座，白隊戰友開心到震。

昨晚出場對戰的成員及所得分數是：白隊科亞高巴《每天愛你多一些》90分Vs黑隊戴藝《不必在乎我是誰》89分，白隊朱珠《祇有你不知道》84分Vs黑隊陳旭培《Perfect》88分，白隊莫家淦《命運符號》87分Vs黑隊蔡宓婕《愛是永恆》91分，白隊劉佩玥《喜歡你》81分Vs黑隊尤淑情《愛》92分，白隊黎若雪《一生中最愛》87分Vs黑隊尹景順《路過人間》91分。率先登場的下弦白隊高巴打破悶局，撼贏上弦黑隊戴藝，登上榮耀寶座！但由於之後4戰都是黑隊獲勝，白隊需淘汰兩人，評審們「退庭商議」後，結果劉佩玥與朱珠冇得留低！

蔡宓婕深情獻唱，老公舉唔發光燈牌支持。

蔡宓婕深情獻唱，老公舉唔發光燈牌支持。

肥媽欣賞高巴尊重廣東話
不懂廣東話的高巴唱張學友經典歌《每天愛你多一些》，雖然未達字正腔圓，但在場所有人都聽得出他下了極大苦功。高巴表示選唱《每天愛你多一些》是送給兒子，並指此歌的菲律賓版於家鄉亦非常出名，他在徇眾要求下唱了幾句菲律賓版，獲周國豐激讚比廣東話版更好聽。肥媽則欣賞高巴尊重廣東話：「佢嚟到呢度比賽，佢盡佢辦法去學廣東話，呢個係你對我哋嘅尊重。」谷婭溦更慚愧地說：「你令到我覺得谷婭溦真係要好好學習廣東話。」

劉佩玥因緊張導致演出失準。

肥媽直指劉佩玥欠缺自信。

蔡宓婕老公舟車勞頓 舉唔發光燈牌撐場
全晚第二高分的是蔡宓婕和尹景順，同奪91分。當中蔡宓婕在老公撐場下，冧爆唱《愛是永恆》，老公則全程舉起「唔發光」的燈牌打氣。蔡宓婕笑指老公在澳門拿着燈牌去上班，之後坐船、搭港鐵及的士到電視城，但最後來到比賽現場才發覺燈牌不能發光，笑爆全場。

離開舞台前，劉佩玥承諾會繼續努力學唱歌。

劉佩玥唱鄧紫棋版《喜歡你》，卻因暴露弱點，奪得全晚最低81分。肥媽先讚劉佩玥比賽至今不斷進步，但之後指出劉佩玥的問題所在：「你對自己冇信心，所以見到你hold個音準嘅時候就冇咁穩。」谷婭溦則指劉佩玥選曲難度頗高：「當你嘅聲音唔夠powerful，你就會好蝕底。」相反劉佩玥的「魔王級對手」尤淑情唱《愛》，雖評審們一致認為她太重着技巧而略欠感情，但她仍憑動人歌聲奪得全晚最高92分。

無奈離開《中4》舞台的劉佩玥表示能夠與眾多高手一齊比賽深感榮幸：「一開始我真係唔夠叻、唔夠資格喺呢一度，但我一路發覺唔係淨係諗自己有咩不足，係如果我真係上到呢個台，我有啲乜可以做得好啲交畀觀眾。雖然好緊張，但返到屋企我會覺得嗰刻都盡咗力，我對自己係無愧於心。」劉佩玥承諾會繼續畀心機學唱歌，並特別多謝導師張嘉銘悉心指導。

尤淑情被視為《中4》大熱之一。

朱珠參加《中4》尋回對音樂的熱誠。

朱珠被淘汰：唔係一個結束
至於朱珠唱出甜美奔放版《祇有你不知道》，惟不夠放鬆導致尾音的音準出問題，最終30強止步。朱珠離開舞台前分享「洋蔥」感受，生於重男輕女家庭的她眼濕濕表示童年時沒有玩具，只得一部收音機聽歌，音樂已成為她的一切，但隨着年齡增長被迫放棄音樂。直至《中年好聲音》出現，朱珠心中的火再次燃起。她很開心認識了一班志同道合的戰友：「特別係我聽到鄭仲豪一句話，佢話音樂係佢一世嘅事業，佢一直會玩落去。我依家喺呢個台度唔係一個結束，我真係熱愛呢樣嘢，以後會更加努力繼續唱落去。」場面感人。