現年44歲的顏米羔既是電影導演又是攝影師，去年因為參加《中年好聲音2》摘下季軍而重拾歌手夢。顏米羔為首支派台歌《烚菜》，與及於九月底西九舉行的首次個唱《keepGOing音樂之旅》接受雷霆881商業一台《星光背後》專訪。同是合約歌手卻同人不同命，顏米羔同屆三甲戰友古淖文及譚輝智都先後被TVB安排出歌及開個唱，就連今屆「中三」三甲都先後有歌派、有騷開，而顏米羔首支派台歌及處男騷均需自資製作。節目中，被問及遭TVB冷待，顏米羔卻不認同，「唔覺被冷待，起碼每星期都主持《今晚有歌廳》，出歌都有傾，公司人咁多，資源得咁多，都要有好idea先做，係我衰心急，想騷前出首歌。」
顏米羔去年因為參加《中年好聲音2》摘下季軍。
熱愛唱歌、原名顏金達的顏米羔自小父母離異，跟母親及三個家姐長大，中學期間已贏過不少歌唱比賽三甲，至於年青時為何不找機會當歌手，他說：「梗有諗過，都遇過評判叫我試音。但一來驚畀人呃，二來當時流行四大天王，覺得自己年輕距離爭好遠，加上認為要先讀書，就放棄咗！」未修畢演藝學院的電影電視系，顏米羔就有機會入行從事攝影及幕後，期間亦組過兩隊獨立樂隊。問及跟不少歌手如鄧麗欣、側田等稔熟的顏米羔為何不找人介紹轉當幕前，他說：「做咗攝影師係死要面，搲人好樣衰咁，咪組吓band發洩下就算，咁就過咗十年八年！」
點擊看圖輯
顏米羔去年因為參加《中年好聲音2》摘下季軍。
離婚陷中年迷失。
顏米羔將於9月25、26日舉行首個個人演唱會。
今日（8月30日），下午二時至三時於雷霆881商業一台播放的《星光背後》，主持人梁泰來邀得顏米羔任嘉賓。
選秀騷前十多二十年，顏米羔形容自己是收入不穩定的freelancer，踏入男人40生活更一塌糊塗，幸好經從前歌唱比賽戰友鼓勵參加《中年好聲音2》，「其實比賽前我有一段時間好唔開心，就係離婚，個人好down。踏入男人40好多嘢好躊躇，究竟我人生發生乜嘢事？點解一塌糊塗到咁？真係多謝個比賽，令我 restart，感覺就似係機器熄機再重啟！之前無諗過比賽行到幾遠，我同人講，係為贏而玩。但贏無關名次，只係要超越自己，有無贏到下一次機會，對得住自己每次響台上嘅表演。最終季軍我亦無輸，因為我贏咗自己。」
離婚陷中年迷失。
顏米羔將於9月25、26日舉行首個個人演唱會。
顏米羔與前妻是中學同學，二人先後入讀演藝，亦先後於娛圈從事幕後工作，問二十多年青梅竹馬的感情最終為何離婚收場，他最初說：「因為愛，所以唔想消費對方。」再追問是否前妻先提出分開，他歸咎於自己令二人關係情轉淡，「大家都認真溝通過先決定，咁耐以嚟，九成都係我問題。我啲藝術家脾氣，係愛理不理，成日話你會明啦？唔明我都費事解釋！久而久之，就變咗習慣唔溝通。大家係有共識，認為各自生活開心啲，九成都係我問題，決定係唔開心，但係令我上咗一課，反而係好事。」
今年三月44歲生日，顏米羔被朋友公開追債兩萬元成新聞人物，他重申，「我無問人借錢，只係之前搵人做嘢唔記得出糧。」事後他馬上償還再付利息平息事件，今天再談風波，顏米羔承認從前發生很多問題，都因為他愛拖延的性格累事，「事實係咁，我唔會話無呢件事。呢次係對我好好嘅一課，要即刻解決問題。以前嘅我，成日諗住『轉頭先』，但之後拖吓就唔記得咗，到人哋第二次提就會嬲啦，呢課係幾慘痛。」他承認婚姻出現問題，情況也相同，「係，都可以咁講，追求歌唱夢都係咁，等吓等吓就四十幾歲，所以而家唔想再等，想做就去做。」
今日（8月30日），下午二時至三時於雷霆881商業一台播放的《星光背後》，主持人梁泰來邀得顏米羔任嘉賓。
