娛圈事
無綫戀愛真人騷《女神配對計劃》引起全城熱話，日前節目監製再度「派糖」，於社交平台分享一條甜蜜短片，片中見「女神」葉蒨文（Sophie）與曾展望（GM）大玩浪漫互動，即時引發網民熱議！
葉蒨文（Sophie）與曾展望（GM）派糖！
面貼面。
在 Instagram 查看这篇帖子
片段中，葉蒨文先用唇膏在自己臉頰上畫上半顆心形，隨後GM主動將自己的面貼上去，兩人面貼面「合體」，瞬間完成一整顆爱心圖案，畫面甜到爆燈！更令人驚喜的是，此時螢幕上突然顯示「5:20」字樣，暗藏「我愛你」告白密碼，網民紛紛大呼：「快啲官宣！」
點擊看圖輯
二人的互動Sweet到爆！
全民熱話CP。
繼續大派閃光彈。
一共十五集的無綫綜藝節目《試真 D》，本星期一至五晚上 10 時 30 分翡翠台播出最後五集。
「禾蟲腸粉」。
明晚（4月27日）播出的第11集，江美儀率領朱敏瀚（朱仔）及曾展望GM繼續潛入各食店挑戰「千奇百趣食物」，而本集最震撼三觀推介有「咇綠汁禾蟲腸粉」及賣相趕客的「爆漿豬眼煲仔飯」。先說叫價50蚊人仔的「禾蟲腸粉」，三位主持甫抵店即被現場生猛的禾蟲嚇到面青，當大家見到老闆將一堆又一堆的蠕動禾蟲倒入粉漿時，已大感震撼；及後再發現蒸熟後的禾蟲會爆出大量螢光綠汁液時，連朱仔都「理智斷線」， 忍不住大叫：「綠色架大佬！有腳架」而GM當然發揮一貫慘叫本色叫苦連天，更嗡口嗡鼻將腸粉擺入口兼爆出一句：「真係好核突哩」，並笑言試食後絕對在飲食道路上「又打開咗新嘅一頁」。
「煲仔飯天花板」食店的「爆膏蟹生蠔煲仔飯」及「爆漿豬眼煲仔飯」。
「煲仔飯天花板」食店的「爆膏蟹生蠔煲仔飯」及「爆漿豬眼煲仔飯」。
GM真係二話不說就啪入口、就算嚇到「蜈蚣彈」，佢都冇放棄繼續試食。
江美儀大大力正評GM。
至於供應「爆漿豬眼煲仔飯」的食店，在佛山被譽為「煲仔飯天花板」，網民綜合評價為「最貴」但又「最正」；而當看到店中的「爆膏蟹生蠔煲仔飯」叫價268蚊人仔時，朱仔直認覺得貴之餘，又搞笑爆了一句：「我食TVB（餐廳）大架嘛。」雖然價錢確實偏貴，但當三人打開煲蓋、看到新鮮的生蠔及爆膏膏蟹後，都即時齊齊「嘩嘩聲」，GM更驚嘆「呢個精神喎！」本住「試真D」精神，「實測達人」江美儀除仔細檢查螃蟹爆膏位，還認真翻動煲仔飯檢查飯焦兼認證：「有焦但唔黐煲。」聽落似乎貴得有道理。
要凌晨4點半走去食嘅「封神排骨飯」。
要凌晨4點半走去食嘅「封神排骨飯」。
而當製作組為三人悉心Order的「豬眼煲仔飯」上枱後，已習慣中伏的GM風趣爆出一句：「邊個咁有創意諗埋啲咁嘅嘢出嚟」，之後即克服緊張一嘢將豬眼啪入口；搞笑的是，當GM鼓起勇氣大力咬開豬眼時，他更一度嚇到「蜈蚣彈」兼即Lur：「唔好意思，我畀佢嚇親，好多眼水喎，喂，佢流膿喎！」說畢，即重新將滲出「黑色眼水」的豬眼放回入口，獲美儀姐大讚：「你今日做咩咁勇敢嘅？」兼封他為MVP。
好評潮州甜品店。
好評潮州甜品店。
除了試伏，今集當然都有「美味位」。首先，美儀姐、朱仔及GM，為了一嚐在網絡廣吸5,000多條評論的佛山「封神排骨飯」，齊齊凌晨4點半已抵達現場試味。另外，美儀姐、朱仔及吳業坤，則到了在潮州當地進佔了甜品熱鬥榜第一名的甜品店，實測傳聞中的「負評杏仁茶」，並會為該道甜品進行大平反，記得明晚收睇新一集《試真D》。
