由無綫新晉監製陳萍、攜同編審麥世龍及黎倩儀攜手炮製的全新正氣劇集《健絡通呈獻：俠醫》，逢周一至五晚八點半翡翠台播映，主要演員有陳豪、張曦雯、馬貫東、丁子朗、劉佩玥、譚凱琪、馮皓揚、郭柏妍、游嘉欣、鄭子誠等。
丁子朗撇甩陽光味演活衣冠禽獸好評如潮。
戚眉藐人＋金絲眼鏡是亮點！
昨晚（9月5日）播出的第五集《俠醫》，丁子朗飾演的鄧世鏗可謂使壞Level Up，除了與「廢柴老豆」鄧力圖（鄭子誠飾）以陰招騙菊婆婆（程可為飾）賣樓兼落井下石踩多腳，又兩度向Rachel霸王硬上弓；其中在夜店、以極賤格及鄙視嘴臉、鬧爆阿Nat（劉佩玥飾）是「地產雞」一幕，更成為網民熱議的「名場面」。
點擊看圖輯
丁子朗撇甩陽光味演活衣冠禽獸好評如潮。
戚眉藐人＋金絲眼鏡是亮點！
丁子朗辱罵劉佩玥「地產雞」獲熱捧名場面。
個樣極度不可一世兼奸險！
拍攝強吻Kelly場口壓力大。
丁丁感激Kelly予以百分百信任及支持。
獲網民激讚：「鄭子誠有接班人喇」、「個樣真係衰到冇人有」。
丁丁為演好「智慧型奸仔」激瘦10磅。
事緣阿Nat妒忌世鏗因Rachel（張曦雯飾）冷待自己，遂以世鏗半裸照威脅男方到夜店見面；豈料世鏗不但冇有怕、還囂張地高舉自己的半裸照任人欣賞：「大家過嚟吖，我張相嚟架，好唔好J呀？英唔英偉呀？」之後再拿出阿Nat裸照益街坊兼辱罵阿Nat，樣子極盡瘋狂賤格：「你唔夠玩嘅唔好同我玩，我驚到時蝕底嗰個係你咋，地～產～雞！」凌辱完阿Nat後，世鏗露出一副極度不可一世的奸險樣，再有型地攤開雙手表示萬歲，令不少網民看至咬牙切齒的同時，又忍不住大讚丁丁好有型兼演衣冠禽獸入型入格！
丁子朗辱罵劉佩玥「地產雞」獲熱捧名場面。
個樣極度不可一世兼奸險！
網民：「真心丁子朗呢吓（萬歲）幾型」、「丁子朗個樣比鄭子誠仲奸」、「鄭子誠有接班人喇」、「呢套劇個樣衰到冇人有，抵讚！」、「不怕反派壞就怕反派帥」、「呢個角色好啱佢」、「簡直演活了衣冠禽獸」、「他戴眼鏡本身就有點像斯文敗類」、「戲路挺寬的，好人壞人都能演」、「做PK有錢仔幾好」、「表情都夠淫」、「高鈞賢2.0」、「覺得丁丁今次做奸角好成功，因為我好討厭佢」、「今晚嗰集丁生演技好正，真係好靚仔，雖然好衰格，但演技真係好好！」、「被丁丁圈粉了！」、「超級期待之後你更壞、更突破嘅演出」。
今年先後推出作品《奪命提示》、《執法者們》及《俠醫》的丁丁，還獲網民大讚可塑性高，無論是機智熱血刑警、活潑開朗義氣線人，或是超級衣冠禽獸，丁丁都演得入木三分，三部劇集演出了截然不同的感覺，而且每次造型亦能帶出新鮮感！談到首度挑戰大奸角即成功入屋，丁丁接受官方訪問時大為感恩，對於有網民盛讚他「戚眉」動作有心思兼有意思，丁丁坦言很開心：「其實戚眉呢個動作，我都做得幾多，尤其係我對住我老豆嗰時，因為佢喺我心目中只係廢柴、冇謀略，但我覺得我自己有謀略，所以就睇唔起老豆、睇唔起屋企人，覺得自己叻過晒佢哋。估唔到有人留意到，我都有親身留言多謝大家。」
拍攝強吻Kelly場口壓力大。
丁丁感激Kelly予以百分百信任及支持。
談到角色造型獲讚，丁丁感恩監製April給予了他很大信任及自由度，並坦言自己在眼鏡及西裝造型上確是花了不少心思：「我睇完劇本覺得呢個角色需要一副眼鏡，我就摷咗副眼鏡出嚟，監製話我覺得舒服就得，造型嘅嘢可以自己決定，好多謝佢畀咗好大自由度同信任我去創造呢個角色。至於西裝造型就係同公司服裝同事夾出嚟嘅，我哋做咗兩次造型，因為想望落去官仔骨骨啲，起碼睇落個樣要唔似壞人。」
問到出名有禮的丁丁，拍攝強吻Kelly場口會否很大壓力時，他直認不諱，並感激Kelly予以百分百信任及支持：「佢好好，佢叫我放心，仲話『你隨便做啦，我一定會隨時配合你』，好開心佢畀到呢個信任我，阿Moon都係畀咗101%信任我。」談到劇中要應付不少除衫場口、大晒超結實背肌、麒麟臂及朱古力腹肌，丁丁坦言為了保持Body在最佳狀態，每次拍晒肌場口前必先餓足兩日，並因而瘦了十磅：「每次拍除衫戲前，我都會兩日唔食固體食物、主要飲流質嘢，將身體多餘嘅嘢排走佢，然後再去做gym。所以每次拍完除衫戲都好攰好攰，想即刻食番包糖，平時我係完全唔食零食嘅人…可能就係因為太辛苦，我就慢慢變瘦咗，拍完套劇前後瘦咗成十磅左右。」
獲網民激讚：「鄭子誠有接班人喇」、「個樣真係衰到冇人有」。
丁丁為演好「智慧型奸仔」激瘦10磅。
