歌手周國賢（Endy）因臨時抱恙，未能參與演出在中環海濱活動空間舉行的《HABFest 音樂祭》。Endy向支持者深表歉意，並承諾將會為特意到場的樂迷作出特別安排。
周國賢（Endy）
周國賢因臨時抱恙而未能參與演出
周國賢因臨時抱恙而未能參與演出
周國賢因臨時抱恙而未能參與演出
周國賢（Endy）
周國賢於IG撰文：「各位親愛的星星們 距離去年演唱會已經有將近一年的時間沒有公開演出 對於今晚的活動 我是非常 非常的期待 整隊樂隊也做足了準備 特意邀請了從外地回港的樂手一齊玩 唱一些很久沒唱的歌，還有全新的編曲和鋪排… 但昨晚和家人如常晚飯後不久開始出現發冷、痾嘔症狀 凌晨前往急症後 醫生診斷為食物中毒 一整晚我都仍然在想 我可以上台嗎？讓我硬撐完成工作可以嗎……？ 但直到此刻，我仍未退燒，而且出現持續嘔吐的情況 非常抱歉，我不能出席今晚的熱氣球嘉年華演出了 我知道有不少星星特意買了門票觀看演出 包括一些不是本地的星星 長途跋涉來到支持 我將會承擔你們交通、酒店費用的損失 大家只要提供機票和購票憑證則可 請在Discord聯絡小編進行安排 至於買了門票的本地星星們 我將會在短期內安排一次Fans Gathering與大家見面唱歌 有購買是次活動門票的fans們不需付費即可參與 知道大家都很珍惜每次能見面的機會 希望以上的方案能補償大家的精神和時間損失 詳情也會在Discord宣布 在這裏要向各單位、一直支持我的星星們，參與演出的樂手兄弟們致歉，尤其是我的樂隊，因為大家真的很努力，很努力！ 我會盡快好起來，然後趕快和大家見面的 endy」
為慶祝「英皇娛樂25+ HAPPY BIRTHDAY慶典」，英皇歌手輪住出動造勢，今次便聯乘「BEAT FRIDAY」舉行《英皇盛世之夜 Canton Disco Vibes》，由英皇的經典金曲到新派作品，一首接一首，氣氛由頭熱到落尾。
英皇娛樂為慶祝25+周年，昨晚（27日）聯乘「BEAT FRIDAY」舉行《英皇盛世之夜 Canton Disco Vibes》，周國賢（Endy）、曾傲棐、女團VIVA、黃明德及黎展峯輪流獻唱英皇經典金曲與新作，由《活著VIVA》到《櫻花樹下》，全場樂迷由頭唱到尾。
昨晚（3月27日）周國賢（Endy）、曾傲棐（Arvin）、女團VIVA、黃明德（Dark）及黎展峯（Andy）齊齊現身party，何佩瑜（Jeana）驚喜客串擔任客席DJ打碟，溫碧霞（Irene）及楊天宇（Angus）亦有到場感受氣氛。全晚歌單充滿集體回憶，由《活著VIVA》、《隆重登場》、《明愛暗戀補習社》、《爆了》、《櫻花樹下》、《彌敦道》，到新派嘅《FOMO》、《FM520》、《免費升級》、《框框》，每首都有不同年代的樂迷跟着唱。
女團VIVA
溫碧霞（Irene）亦有到場感受氣氛。
經過一輪熱身之後，Arvin、Andy、Dark及VIVA先後上台跟樂迷一齊跳唱，Endy壓軸登場，音樂一響起，全場即刻瘋狂尖叫，將成晚氣氛推至最高點。原來Endy、Arvin、VIVA、Andy同Dark全部都係第一次參加Canton Pop Party，難怪個個都玩得特別投入。Endy更投入到連外套都脫掉，「成晚都係自己公司嘅歌，感覺好得意，由舊歌到新歌，成個flow好順，見到台下啲人由頭唱到尾，自己都忍唔住跟住跳，同埋跳到除埋件外套，真係玩得好開心。」
VIVA全晚玩到超興奮，「原來係咁好玩，全部都係我哋自己公司嘅歌，好神奇。公司好多歌都係九十、二十年代嘅經典金曲，中間啲轉換超正，轉得好順。」成員Ada更分享一段小插曲，「啱啲同啲DJ們指教咗一下，佢哋話播到第一個Chorus嘅時候就可以㩒細聲啲個音樂俾觀眾唱，點知我個Timing一㩒嘅時候就靜咗，哈哈，跟住DJ安慰我：『唔係你問題，係佢哋唔Get啫嗰下。』原來咁樣tune音樂係可以咁樣玩，要捉觀眾嘅Timing，玩吓Party嘅vibe，今晚係好enjoy。」
何佩瑜（Jeana）
Arvin坦言覺得新鮮，「好似去咗食Omakase咁，同埋公司真係有好多好歌，又可以重溫經典，又可以同一班歌迷近距離接觸一齊玩，good㗎。」Andy則大讚全晚氣氛，「今晚好正，尤其是係全晚都係我哋英皇嘅歌，同埋都係大家耳熟能詳嘅歌，佢最正嘅就係播小小前奏出嚟，大家就會跟住一齊唱，我覺得呢種感覺好有feel。」Dark就話：「可以同我最愛嘅artist朋友、同事一齊跳舞，聽英皇嘅歌，但係又有少少Remix，今日真係好開心。」
周國賢（Endy）壓軸登場。
全場瘋狂high爆！
整個Canton Pop Party，由頭到尾都播放英皇歌曲，歌手們跟樂迷玩到零距離，為「英皇娛樂25+ HAPPY BIRTHDAY慶典」再添一個難忘的夜晚。
