全城矚目選美盛事《2025香港小姐競選決賽》於日前圓滿結束，出爐冠軍陳詠詩（Stacey）雖然學歷高、多才多藝，而且背景相當猛料，曾祖父是商人兼慈善家陳瑞祺，但她當選後是非多多，又被爆與男友「鴛鴦戲水」，但陳詠詩均以高EQ回應化解，贏得不少掌聲！近日，她更收到來自家鄉新會海外聯誼會及江門市新會區歸國華僑聯合會的賀信，可謂光宗耀祖！
本網記者攝
本網記者攝
陳詠詩在IG晒出賀信，並發文感謝，「收到來自家鄉冮門新會嘅賀信，令我心裏面好感動同溫暖 。感謝家鄉長輩同鄉親特登為我寫低祝福，呢份支持對我嚟講特別珍貴，呢份榮耀屬於每一個江門新會人！家族一直傳承住愛國、愛港、愛鄉嘅精神，而我都希望可以承載落去，心懷感恩，懂得回饋社會。今日能夠以港姐冠軍嘅身份得到家鄉祝福，對我嚟講係喜悅，更加係一份責任！」
在 Instagram 查看這則帖子
陳詠詩又表示計劃在任任期內衣錦還鄉，與鄉親相聚，「把呢份喜悅帶返去 。同時都希望借住香港小姐呢個平台，逐步延續陳氏家族的精神，未來走出屬於自己嘅公益同慈善之路，去回饋祖國、香港同家鄉。新會係我嘅根，中國香港係我嘅家！無論將來去到邊度，我都會帶住呢份血脈同牽掛，把更多善意同正能量傳出去，等世界睇到我哋新會同香港人嘅風采。」
陳詠詩IG圖片
陳詠詩IG圖片
陳詠詩IG圖片
