幫襯大牌檔往往都是覺得「抵食夾大件」，環境一般也無所謂，但近年不少大排牌以「地道風味」作賣點，價錢愈賣愈貴。最近有港女就表示，近日與朋友到深水埗一間知名大排檔吃晚飯，叫了一道招牌的黑椒薯仔牛柳粒，加大不單要承惠400元，而且九成是薯仔，令她大呻不值。有網民認為「四百幾蚊食薯仔山」，亦有人坦言「佢嚿薯仔仲好食過粒牛柳喎，次次食親我都係主要食薯仔」。
網上圖片
有港女在Threads發文大呻在大牌檔中伏經驗，從相片可見，該店的黑椒薯仔牛柳粒的薯仔粒堆積如山，肉眼所見表面只有數顆牛柳粒。樓主指「老友太鍾意食，嗌咗碟大嘅」，但她覺得不值「cXs，四百幾蚊9成薯仔」。
網上圖片
帖文引來網民議論紛紛，「碟牛柳粒要4百幾！？」，有人回應，「係碟薯仔要四百幾」、「大癲4百幾！？黑毛和牛定松阪牛？」、「四百幾蚊食薯仔山」、「但係其他菜色，好似又正正常常喎。有網民笑言「佢竟然溝咗牛柳粒畀你，冇陰功」、「薯仔先係重點」、「個薯仔牛柳粒係食薯仔，牛柳粒炒完其實可以dum咗佢」、「薯仔先係主角，正如芋頭南乳炆扣肉，芋頭先係主角」。
《愛回家》劇照，示意圖片
網上圖片
不過有人認為是錯在「加大」，認為樓主應叫多碟正常份量，也抵食過「加大」，「叫幾多碟上幾多碟最實際」、「食中菜一定唔可以叫加大，永遠叫例牌，唔好畀侍應講兩句話：『你哋咁多人唔夠食㗎』就加大」。
有時騙徒很會利用人的善心，就似日前有網友出警世帖，指日前在一間本港連鎖大型藥房，差點跌入「撿錢包反被誣陷偷錢」騙局，幸好當時有所警愓沒有受騙，但帖文卻引起網友的熱議！
示意圖。AI生成圖片
樓主驚覺險跌「掉錢包陷阱」
網友發帖指日前在一間本港連鎖大型藥房遇到一件很可疑的事件。他表示當時在藥房將個購物籃放在地上然後查看展示櫃的貨品，但他留意到期間一直有名男子在附近徘徊。怎料「準備走嗰陣現籃子旁邊多咗一個露出大量現金嘅錢包」幸好當時樓主有所警愓，指感覺好似常見的「掉錢包陷阱」。
地上有一個銀包，卻似是被人刻意地展露了一大鈔票，當中有幾張500及100元港幣。FB圖片
銀包刻意展露了一大疊鈔票
於是他找來店員處理，正當店員剛要撿起錢包時，突然那名男子衝出來，並出示身份證指錢包是他的，但樓主質疑對方「反應異常冷靜熟練」令他懷疑是新型騙術，是「撿錢包反被誣陷偷錢」的騙局。由樓主PO出的相片所見，地上有一個相當殘舊的銀包，卻似是被人刻意地展露了一大鈔票，當中有幾張500及100元港幣。
示意圖。AI生成圖片
網撐：建議見錢銀一律唔好掂
帖文一出大部份網民都認同這很可能是一場騙局，認為最適當的處理方法是不要觸碰，直接通知職員或報警：「點解咁大個銀包啲$500會淨係凸個銀碼出嚟咁得意嘅？」、「身份證又唔係放喺銀包入面咁得意」、「咁奇怪？用身份證衝出嚟話銀包係佢，唔係擺埋一齊咩？」、「真係跌落地下， 啲錢都唔會突出嚟㗎， 佢真係好假」、「啲錢點會咁樣跌出嚟呀？肯定係一個局，攞起咗你就後悔」、「建議大家見錢銀一律唔好掂，一係揾店員一係報警。您一掂，對方就有藉口老屈您。永遠保持眼看手勿動，更不要心動。」、「正常跌銀包啲錢會咁樣show 出嚟嘅咩？」、「好彩你講出黎….如果唔係真係會好心執起」。
網上圖片
跌錢黨原來已有三十年歷史
亦有網民指出早在三十年前已出現過類似的詐騙手法「呢啲跌錢黨都有三十年歷史，以前有啲喺海港城近中港碼頭出沒」、「呢一招30年前已經用緊，我個同事就係因為貪心執咗個銀包，畀人呃咗隻鑽撈」、「幾年前係旺角都遇過跌錢黨，佢係我前面行行下跌咗幾張一百蚊，我開聲叫住佢話你跌咗錢，佢又係異常冷靜咁執返，唔該都冇講一句，發現佢附近有另一個男人同佢打眼色！好彩我機警冇幫佢執錢！」、「多年前喺深圳福田遇到過有人刻意喺我面前跌咗一包金，跟住另一個人執起神神秘秘話同我一齊分左佢，我拒絕咗，叫佢自己一個人要晒佢。永遠警戒自己，貪字得個貧」。
網笑：一腳就踢銀包落櫃底
有網民搞笑地表示應該「一腳就踢落櫃底，等佢爬低慢慢執」、「一腳窩利抽射解決晒所有問題」、「我以前係街到遇過呢啲，當時條友同我打對行，佢咋咋底底跌銀包，我又咋咋底底一腳幫佢踢出去馬路」。
