日韓零食平時就食得多，但其實英國都有唔少經典零食，跟住落嚟要介紹5種英國超市買到的招牌零食，同佢地背後嘅故事，去過當地旅行、留學甚至定居的港人，應該都有啲掛住嗰種英倫口味。
1. 薯片
要數英國人最鍾意嘅零食，薯片敢認第二，應該無人敢認第一，連英國前首相卡梅倫8月坐飛機去葡萄牙渡假時，都俾其他乘客影到大啖食薯片。
點擊看圖輯
薯片對英國歷史亦意義深重，自1910年代一個叫法蘭史密夫的人，開始在英國賣炸薯片，薯片從此風靡全國。二戰時，薯片跟隨英軍軍艦，送給世界各地的盟軍；戰後英國百業蕭條，肉類及糧食短缺，大批屠夫及麵包師改到薯片工廠工作，對振興當地經濟有很大作用。所以英國人同薯片算係共過患難。
2. 糖果
英國人鍾情糖果的程度，可以用瘋狂來形容。據說，十六世紀一個德國旅客，獲英國的伊莉莎白女王接見。他見到65歲的女王雍容華貴，皮膚還是很好，但一開口卻露出一排黑牙齒。女王牙齒變黑，是因為吃糖太多，加上當年尚未流行每日刷牙。有紀錄顯示，伊莉莎白女王晚年牙齒更蛀光了。
古時糖在歐洲價錢比得上黃金，只有貴族才買得起。直至17世紀英國大量產糖，價格回落，糖變成一般人都買得起的食品，各種糖果應運而生，工業革命時代發明了很多英式經典糖果，bon bon、Cola Cubes、Wham Bar等是很多英國人的集體回憶。
3. 牛油餅
講起英國嘅餅乾，第一時間諗起蘇格蘭牛油餅，雖然佢係超級邪惡嘅食物，但個種牛油香味實在令人難以抗拒。唔講唔知，蘇格蘭牛油餅據說在12世紀已經出現，以前係一種麵包，面頭加糖，放到佢硬掘掘就拎嚟食。最初當地人只會係婚禮、聖誕呢d大時大節先有得食牛油餅(麵包)，而在婚禮上，來賓要在新人踏入門檻時，將牛油餅碎灑係新人頭上，表達開心。
時至今日，蘇格蘭牛油餅已變成英國其中一種最受歡迎嘅下午茶小食，唔再係以前嘅麵包樣，不過蘇格蘭一啲烘焙師傅仍會將蘇格蘭牛油餅歸類做麵包，因為可以唔使交甜品稅。
4. 朱古力
邊個將朱古力整到一粒粒？英國人囉；咩人開第一間朱古力工廠？英國人囉。同英國人講朱古力，就好似我地平時講天氣咁平常。舊年每個英國人平均食左11.2公斤(約153排)朱古力，朱古力同英國人或者可以畫個等號。
據白金漢宮甜品師透露，英女王堪稱「朱古力狂人」，同朱古力有關嘅食物都一定會俾佢揀中。女王最鍾意的係朱古力批同朱古力慕斯，不過通常女王下午茶只會享用一塊朱古力曲奇加紅茶。
5. 果仁
英國人亦都鍾意食堅果零食，核桃腰果、榛子、杏仁、無花果、花生等，係英國超市買到的堅果，大部分都無加工，去皮後直接入袋出售，夠晒原汁原味，睇波時邊睇邊食，真係好享受。
其實英女王除咗鍾意食朱古力，仲好鍾意食堅果。英國傳媒曾披露，曾經有人一而再，再而三係白金漢宮偷食女王專享嘅堅果零食，令女王「龍顏大怒」。最後揭發係王宮內的巡警所為，要勞動女王管家發信俾宮內駐警單位，警告佢地唔好再偷食女王嘅堅果。
講完英國5種經兼零食，真係流到一地口水。雖然呢啲零食香港都買得到，但係唔係英國生產，始終食唔返個種英倫味道，由英國入口又鬼死咁貴。
不過小編最近行過U購select超市，發現佢地已將地道英國超市Tesco嘅產品帶咗嚟香港，Made in UK嘅五大零食統統都搵到，價錢仲要相當大眾化，小編特登買咗一包英國製薄荷糖返屋企，無錯！就係留學時嗰種味，回憶返哂嚟喇。