戀愛真人騷《女神配對計劃》日前圓滿結束，葉蒨文（Sophie）、梁敏巧（Maggie）及羅毓儀（Yuki）成功與曾展望GM、劉啟進（Matt）及林俊其（Kris）配對成真正CP，甜蜜互動閃盲觀眾，而關嘉敏（Carman）和李芷晴（Step）雖然未能配對成功，但與求愛勇者的真情對話亦感動不少觀眾。擔任金牌媒人兼主持的林盛斌（Bob）一路上見證着五位女神與眾位求愛勇者的求愛之旅都感觸良多，並在社交平台撰長文分享受：「沉澱咗一日，都要寫返少少嘢，希望你哋會睇啦。」
GM與Sophie「世紀一吻」。
Maggie與Matt
Yuki與Kris
Carman和Step未能配對成功。
Bob都被感動。
Bob表示：「我諗好耐都未試過有一個電視綜藝節目嘅大結局，感覺上好似真係有好多好多人都一齊睇緊咁，一齊甜笑，一齊爆喊，到最後一齊尖叫，就算去到呢一刻，無論Facebook、IG、Threads，都係仍然繼續洗緊版，真係好癲。終於，完咗啦。」
點擊看圖輯
GM與Sophie「世紀一吻」。
Maggie與Matt
Yuki與Kris
Carman和Step未能配對成功。
Bob都被感動。
林盛斌IG圖片
《女神配對計劃》台前幕後
與五位神及眾位求婚勇者合照
梁敏巧IG圖片
View this post on Instagram
Bob坦言《女神配對計劃》是他主持過的節目中最容易，亦是最難的一個，「容易，係因為要記嘅嘢唔多，要講嘅嘢唔多，好多時只係簡單地講咗個規則同埋流程俾大家知道，因為成件事係冇對白，冇劇本，純粹由佢哋去發展，所以你唔需要記啲乜嘢稿，仲要係一個錄影節目，唔會好似做大show嘅live咁，會有太大嘅壓力。難做，正正就係因為冇任何預設嘅storyboard，一路拍，一路都會發生好多意想不到嘅事，亦都唔可以用平時輕鬆搞笑玩嘢嘅主持手法去處理，我自己都要好好去調教我講說話嘅語氣、速度同感覺，因為要控制同穩定返成個節目流程嘅氣氛同節奏，同埋好多感動同埋驚喜嘅Moment，只係得一take，仲要呢幾個月好似做咗個心理醫生咁樣，喺鏡頭後去管理同疏導女神同參加者們嘅情緒同心情，呢個已經超越咗我平時做主持或者司儀嘅能力範圍。」
林盛斌IG圖片
不過，幸好遇上一個好厲害的製作團隊，Bob說：「佢哋嘅支持同埋援助，係非常非常之窩心，我相信大家睇個節目都會感受到成個製作組嘅誠意，包括拍攝、剪接、配樂、後期，都真係101分，再加上一班女神們同埋求愛勇者嘅真心真誠付出，令到呢一個節目由本身可能冇乜人特別睇好，變成過去呢三個月好多觀眾同埋網民茶餘飯後嘅話題，喺收視同埋口碑上面，都係超乎我想像地嘅好，特別係尋晚個大結局，更加係完美嘅落幕。」
《女神配對計劃》台前幕後
Bob又表示：「我唔知道大家會唔會同我有同一個嘅感覺，我相信呢個節目，喺過去呢段時間，除咗為大家帶嚟一啲歡樂、窩心、感動、激動、粉紅泡泡、姨母笑，甚或者傷心、心痛、虐心、之外，更加重要嘅係帶出咗一啲訊息：『每一個選擇，每一個決定，都係好重要，只要跟隨住自己內心最真實同最真誠嘅感覺，無論最後嘅結果如何，個結局係點樣都好，每一個人，都值得擁有自己嘅幸福，每一個人，都有決定自己幸福嘅能力。』唔知道呢個節目有冇令到你相信返愛情呢？」並感謝節目的創作總監、監製、幕後團隊、五位女神、所有求愛勇者同參加者，以及一直支持的觀眾和網民，「因為你哋，先至可以完成到呢個咁美麗同漂亮嘅旅程！」
與五位神及眾位求婚勇者合照
最後，Bob問大家：「想八卦問一句，真心想知嘅，唔知大家覺得我主持呢個節目，做成點呢？我呢個金牌媒人，做得好唔好呢？」
梁敏巧IG圖片
