女神配對計劃｜曝光三位成功配對女神首日提及的擇偶條件 葉蒨文原來早對GM情有獨鍾

《Funki Finance呈獻：女神配對計劃 金牌媒人的最後晚餐》除了由金牌媒人林盛斌阿Bob諗盡計仔、探究五位女神心對愛情及是次配對的真實想法，節目最後製作的彩蛋還曝光了大量女神與求愛勇者配對成功後的絕密約會照片及片段、三位配對成功女神葉蒨文（Sophie）、梁敏巧（Maggie）及羅毓儀（Yuki）第一日見製作時提及的擇偶條件，以及從未曝光的曾展望GM和Sophie（簡稱GS）世紀之吻Encore Moment！

GS世紀之吻原來有Encore Moment！

觀看相關影片按連結：https://youtu.be/_C4Q4FKDyVU

神奇的是，三位女神第一天拍攝時提及的擇偶條件，竟與最後的配對選擇不謀而合！Maggie：「人品好最緊要，心地善良，風趣幽默，跟住孝順都好緊要，因為我覺得佢識得孝順屋企人，佢自己會對屋企人好。」Yuki自認是外貌協會：「安全感，因為我係好冇安全感嘅人，初期我要你畀到好大嘅安全感我，我去到後邊先可以繼續同你建立。」Sophie：「善良，或者照顧人嘅心好緊要，最緊要係佢有責任感，佢係會為人著想。其實我鍾意細眼嘅，我由細到大都鍾意偏向細眼嘅男仔。」當監製問Sophie行內哪位藝人眼睛特別吸引時，Sophie當時已提及GM：「曾展望細眼都幾靚仔、笑起上嚟幾陽光。」

TVB截圖

TVB截圖

TVB截圖

TVB截圖

TVB截圖

TVB截圖

TVB截圖

TVB截圖

TVB截圖

TVB截圖

TVB截圖

TVB截圖

TVB截圖

TVB截圖

TVB截圖

TVB截圖

TVB截圖

TVB截圖

Sophie借節目「劇本迷思」派糖：係個天寫畀我同GM嘅劇本

而在曝光的絕密真實約會片段中，GS繼續如幕前般甜蜜，除了睇個演唱會都冤氣過人、在車廂內的超甜蜜餵食片段，更在網絡引發極大迴響，更有網民根據GS衣著推測事發時間，大讚二人冧到爆之餘、還大讚製作組夠Update兼不捨節目結束。

無論哪個約會Moment都保持甜美笑容及腰果眼的Sophie，最後Round Up時，不但坦言最大收穫是GM，還向著鏡頭鼓勵GM一起為二人的愛情努力：「我最開心係收穫咗GM啦，成個旅程都好美滿。但愛情唔係淨係得甜，愛情係要細心經營，我好期待喺呢啲粉紅泡泡背後，我哋點樣繼續去努力維繫呢件事，我希望GM你可以同我一齊努力。」並搞笑地指《女神》節目有劇本：「好多人話《女神》係咪有劇本呀？我想講係有咯，係個天寫畀我同GM嘅劇本。

TVB截圖

TVB截圖

TVB截圖

TVB截圖

TVB截圖

TVB截圖

TVB截圖

TVB截圖

TVB截圖

TVB截圖

由「金牌媒人」林盛斌（Bob）主持的《女神配對計劃》大受歡迎，三對成功配對CP：曾展望（GM）＋葉蒨文（Sophie）、羅毓儀（Yuki）＋林俊其（Kris）、梁敏巧（Maggie）＋劉啟進（Matt），連同配對「飲恨」失敗的關嘉敏（Carman）+黃家俊（Matthew）、李芷晴（Stephanie）+林焌堯（Jacob）引爆不少城中熱話，節目於上周日舉行的《萬千星輝頒獎典禮》更榮獲「大灣區最喜愛TVB綜藝及資訊節目」，成績斐然！

「天旋地轉說愛你」五位男士的「驚青樣」。

Jacob在Stephanie鼓勵下選擇迎戰。

Stephanie感動即送Jacob一個「咩都得」的願望。

Matt「公主抱」Maggie面不改容。

Matthew「公主抱」Carman。

Jacob「公主抱」Stephanie最後少少腳軟，全場爆笑！

GM好Strong。

GM、Sophie甜蜜對望。

Kris好似有少少吃力！

而由《女神配對》原班CP/準CP參與拍攝的《女神玩轉嘉年華》，本周六晚八點翡翠台播出第二集，五組CP/準CP繼續於中環海濱香港冬日嘉年華中大玩各式各樣啜核競技，分別為「心有靈犀考默契」、「一心一意傳豆腐」、「天旋地轉說愛你」。三大遊戲之中，以「天旋地轉」最為「殘忍」，考驗一眾男參賽者的膽量、體力及忍痛能力之餘，還同時考驗眾人記性！由於五男要挑戰的機動遊戲「Vertical Limit」離心力甚大，五名男選手一律嘈到拆天，兼且驚現大量「毁容級走樣潛力圖」，現場頓變「奪命狂呼」現場。

五男之中，嗌得最慘烈的非GM莫屬；由於GM叫聲實在太慘烈，Sophie見狀即心痛地狂問：「喂！又加速嘅？佢第二Round喇！」相當錫住男友仔。原來GM反應之所以特別大，全因有「幕後黑手」看不過眼GM一個行為，而吩咐現場工作人員為GM加料，GM及後更要為相關行為道歉。到底GM做了甚麼招來如此「橫禍」？密切留意節目。而向來備受關注的GS CP，今集還會上演「甜蜜快穩準」傳豆腐絕技，萬勿錯過。

玩考機動遊戲時，百厭的GM不時取笑其他男士。

0Bob Max密謀大計。

Sophie與GM二人玩傳豆腐遊戲時超默契表現！

雖然途中有「小鬧交」。

身高差關係。

Bob當場示範，玩得好好添！

Jacob全程小心翼翼、好Gentleman。

最後Jacob許咗咩願，更令全場起哄！

Matt玩傳豆腐好似好緊張。

Carmen傳豆腐面都紅晒。

李芷晴被Jacob感動主動送對方願望：咩都得！
另一對值得關注CP，是準CP Stephanie與Jacob。向來是《女神》「怕醜擔當」的Jacob，為了女神Step，竟願意面對恐懼挑戰「Vertical Limit」，期間由於真的太驚，更史無前例地在螢光幕面前「失控大嗌」，被GM取笑：「我聽過Jacob講嘢最大聲一次。」Step聞言即痛心護航：「你哋唔好笑佢啦！x2」玩完機動遊戲揈到面青青的Jacob，抱起Step走石春路時腳步浮浮，完成任務一刻更因雙手乏力令Step險變「滾地葫蘆」。眼見Jacob為了自己一再「我超越我」，Step最後甜蜜賜予Jacob一個願望，更許下豪言：「咩都得！」而Jacob亦甚有禮數地選擇「甜蜜抱抱」而沒有飛擒大咬，相當有風度。

除了遊戲環節，今集繼續有「心動時刻」小劇場，由Yuki＋Kris、Maggie＋Matt分別上演「鍾意啊？」及「乜咁啱嘅」；Kris在小劇場中，為了氹Yuki開心，更會化身「Balloon Dragon」向女友送抱，氣氛勁爆甜蜜；而二人於玩遊戲期間，雖然表現略為遜色，但卻遭「女神」團隊起哄大叫「結婚」，想知二人做了甚麼引來全場起哄，密切留意今晚播出的《女神玩轉嘉年華》。