慎入！新潮流？網民持續擴耳致耳珠斷裂 恐怖畫面引驚呼：2025最奇怪Post​

有網民在社交平台Threads發文展示「人生成就解鎖」，稱因持續擴耳導致耳珠斷裂，「急症室幫唔到手」，只能入院做手術聯針。照片曝光後嚇壞大批網民！

有網民在社交平台Threads發文展示「人生成就解鎖」。Threads圖片

​觸皮肉極限致耳珠斷裂​

事主以「聯針之後係咪冇得再擴」為題，上傳耳珠斷裂照片。他解釋因「接近皮肉極限」導致撕裂，急症室等待後被告知需入院手術。

事主解釋因「接近皮肉極限」導致撕裂，急症室等待後被告知需入院手術。Threads圖片

成日掛重耳環加速損傷

有網民質疑擴耳方式，指「點解會斷？我朋友上到60都冇事」、「唔明師兄你帶啲咩耳環會帶到斷，我38mm嗰陣帶到咁樣都冇事，我而家40，係咪冇日日清潔發炎壞死咗，或者你成日fing個頭」事主強調每次僅擴1-2mm，但承認「成日掛重耳環」加速損傷。

擴耳同好分享心得。Threads圖片

擴耳同好分享心得。Threads圖片

嚇壞網民被封「2025最奇怪Post」

樓主上傳的耳珠斷裂照片迅即引發熱議，有網民直言「Threads點解要俾呢啲X野我睇」，更有人戲稱事件「勸退33萬人打耳擴」。部分網民將帖子封為「2025最奇怪Post」，亦有人表示「唔理解⋯⋯但都希望你耳仔好返」。​​

有業主近日於社交平台分享表示，自己以超過二百萬港元購入一個公屋單位，不料在收樓僅約十天、尚未開始裝修之際，廁所天花即突然有石屎崩塌墜下。

樓主分享慘事。FB截圖

假天花擋下沉重石屎

該名業主在Facebook群組「公屋討論區 - 香港facebook群組」發文，講述事件經過。從其上傳的照片可見，單位外觀看似新淨，但廁所內用以遮蓋的「假天花」已爆開，揭露內裏石屎嚴重發黑、發霉並斷裂。

「假天花」已爆開。FB圖片

「假天花」已爆開。FB圖片

業主心有餘悸：唔死都變殘

墮落的石屎塊散落廁所地面，體積與旁邊的膠椅相若，相當巨大。業主形容，幸好事發時有假天花阻擋，墜下的石屎未有直接擊中人，否則後果不堪設想。他強調：「成幅石屎冧落嚟，冇天花嘅話，真係會揼死人，一塊石屎十幾二十斤揼落嚟，唔死都變殘」。

石屎嚴重發黑、發霉。FB圖片

樓主：「冇天花嘅話，真係會揼死人」。FB圖片

網民拆解原因

事件引起網民熱議，不少留言直指問題核心，認為單位極有可能是經過刻意掩飾的「化妝樓」。網民紛紛留言表示，「好恐怖啊……」、「大把賤精業主，小心！」。亦有網民分析，假天花常被用作遮蓋滲漏、結構缺陷等問題，一旦發現單位內有假天花，必須特別留神，要求查看內部情況：「假天花係用嚟遮醜，一有假天花要睇清楚啲」、「買化妝樓前要三思！正所謂金玉其外，敗絮其中」。