羅子溢結婚9周年曬甜蜜舊照 深情承諾：共渡餘生

娛樂圈中模範夫妻羅子溢與楊茜堯，結婚多年依舊恩愛如初，羅子溢更是公認的「愛妻號」！日前（1日）為兩人結婚九周年紀念日，羅子溢在IG上發表了「愛妻宣言」，更貼出珍貴的婚禮舊照，甜蜜指數爆錶！

羅子溢是公認的「愛妻號」

羅子溢在IG上發表「愛妻宣言」

羅子溢深情寫道：「結婚九周年快樂，婚禮上我對你嘅承諾係，永遠愛錫你，共渡餘生。」這句9年前的誓言，9年後再講一樣甜到漏。

羅子溢9年後再講一樣的誓言

他又分享了一張婚禮花絮照。照片中，羅子溢為了博紅顏一笑，竟然穿上巨大的鬆弛熊公仔衫，在婚禮上獻唱情歌《分分鐘需要你》，看出他對太太的極寵愛。

婚禮幕後花絮

為博紅顏一笑，穿上巨大鬆弛熊公仔衫

除了粉絲閃盲外，亦吸引了唔少圈中好友如何廣沛、陳自瑤等留言送上祝福。

復活節長假唔少藝人都帶小朋友出外「放電」，楊茜堯同洪永城就不約而同揀咗去內地海洋王國主題樂園。不過同一個地方，兩位家長卻展現出完全唔同嘅「戰鬥力」，形成強烈對比！

由於老公羅子溢忙於拍劇未能同行，楊茜堯今次要「一拖二」帶住兩個小朋友出遊。不過佢完全冇壓力，一手拖住女兒「小珍珠」，仲背住大背包，全日行程依然精神奕奕，體力驚人。

老公羅子溢忙於拍劇未能同行

楊茜堯今次「一拖二」

睇表演時，佢更被邀請上台互動，仲不忘同觀眾席女兒揮手，勁有活力，完全係「超能媽媽」代表。

睇表演時，佢更被邀請上台互動

另一邊廂，帶住兩個女兒同行嘅洪永城就明顯「頂唔順」。佢喺社交平台搞笑發文：「在這裏，我找到所有爸爸的一個共通點。」仲晒出自己攰到攤喺BB車旁邊嘅照片，自嘲已經開始「懷疑人生」。

晒出自己攰到攤喺BB車旁邊

洪永城都「一拖二」，不過就攰到不似人形

佢仲化身「觀察員」，影低其他爸爸喺樂園角落瞓覺嘅畫面，一個個攰到好似打完仗咁，畫面極度真實，引來大量網民爆笑留言：「100%代入到」、「爸爸日常寫照」。

洪永城影低其他爸爸喺樂園角落瞓覺嘅畫面