亞洲盃外圍賽啟德激烈上演 觀眾席卻現「勤力打工仔」邊睇波邊開工？

香港足球代表隊在啟德體育園主場出戰亞洲盃外圍賽，雖然在補時階段十人應戰下被孟加拉以1:1逼和，但仍以較佳成績暫列小組榜首。賽事激戰連場，然而當日現場卻有觀眾邊睇波邊開工？

睇波都要開工

有網民在社交平台Threads上載影片，可見一名身穿紅色港隊球衣的男士，在比賽期間於座位上打開手提電腦，屏幕上正顯示PowerPoint簡報文件，神情專注，彷彿在喧鬧的球場中開闢了一個私人工作間。這幅「睇波都要開工」的畫面被拍片者形容為「成件事好香港」，隨即引發網民熱烈討論。

賽事激戰連場，然而有觀眾竟然邊睇波邊開工？Threads截圖

賽事激戰連場，然而有觀眾竟然邊睇波邊開工？Threads截圖

網民共鳴：香港打工仔的縮影​​

許多網民對這情境深有共鳴，紛紛留言表達支持與調侃。「證明返工幾忙都好，有心一定可以睇波，撐港隊！」、「時間係唧出嚟嘅，呢位手足完美示範」、「佢做住嘢都要睇波，睇緊波都要做嘢，簡直係香港精神」。亦有人以經典港產片《賭俠》情節惡搞，笑指該男子正在用電腦進行即時球賽數據分析，為港隊出謀獻策。

許多網民對這情境深有共鳴。資料圖片

攜帶電腦入場受限

然而，根據啟德體育園的場地規則，原本禁止攜帶平板電腦等設備入場。有多名球迷表示，攜帶了手提電腦或iPad打算在賽前賽後處理公事，卻在安檢時被拒諸門外，需要匆忙尋找附近商場的儲物櫃寄存，他們質疑園方未有清晰宣傳相關安排，對需要「機不離手」的打工仔球迷造成不便。事件亦令部分網民好奇，片中「打工仔英雄」是如何成功通過安檢，將電腦帶入球場。

根據啟德體育園的場地規則，原本禁止攜帶平板電腦等設備入場。資料圖片

近日，一名移居英國的香港男子在社交平台發文，大吐苦水，批評部分同為移英的「手足」即使只是從事倉務工作，也熱衷於互相投訴、勾心鬥角，帖文隨即引發熱議。

AI生成圖片

港男：打份倉工都要勾心鬥角

該名港男在帖文中以「唔好意思呀，借個位發洩下。真係不吐不快」開首，直言不明白為何「香港人打份倉工都要玩互相投訴」。他感嘆道：「人哋個個國家啲人都好團結，係唯獨是香港人咁鍾意玩勾心鬥角。」

樓主無奈表示，倉務工作薪金微薄，只是為了過生活，「投訴咗又無錢分」。他質疑，大家歷盡辛苦移居英國生活，而這個國家也並非事事完美，為何上班時還要搞小動作，把事情複雜化。

AP資料圖片

網民熱議：認同現象籲遠離同鄉

帖文引來大批網民回應，不少人表示深有同感。有留言指：「絕對認同，仲要亂搞婚外情，個個忘記初衷」、「香港人嘛，就係咁！睇開啲啦，嚟到英國就遠離香港人啦」。亦有網民分析，可能是因為移英港人多屬中產，「以前喺香港玩慣辦公室政治勾心鬥角」，並指這種風氣已從「辦公室政治延伸到倉庫政治」。

其他批評聲音包括：「太多X街啦，有啲仲攪（搞）埋人哋老公、老婆」、「住在英國（嘅）香港人就係咁㗎啦，自己人打自己人，見到外國人就死曬狗，又喜歡玩杯葛（Boycott）自己人，乜嘢都爭，乜嘢都搶，又貪心，又假，真係要遠離D香港人」。

示意圖

網友質疑：倉務工友或因缺乏競爭力？

不過，亦有網民提出不同看法，直言：「得罪講句，有料都唔駛（使）做倉啦，都係出面揾唔到工先喺倉度長做⋯，咁無料嘅人最驚咩？就係驚人叻過佢，搶咗佢（嘅）地位。」對此，發文的樓主則回應稱，在英國要找回本行工作並不容易，連本地人也可能要做倉務，「又唔係個個都無料嘅。」

英國白金漢宮。AP資料圖片