啟德簡約公屋外觀一特徵引熱議 網民力撐：呢樣野先最重要

啟德簡約公屋就快落成，並預計第四季開始陸續入伙。但日前有港女在社交群組發文，指其簡潔的外型設計，令她聯想起朝鮮的房屋，並笑言「好似電視影嘅北韓咁」。

FB社交群組截圖

樓主：好似電視影嘅北韓咁

港女在貼文中提到「每次搭車見倒啟德起緊嘅樓，都覺得好似電視影嘅北韓咁。車上影唔多似，街上或車望有feel啲」。由她發布的相片所見，啟德簡約公屋主要以灰白色為主調，再搭配上橙色的線條，外形四四方方，每個樓層的窗戶都排列得整齊有序，猶如積木砌成般。而每座亦會油上大大隻數字，代表其座號。

啟德簡約公屋主要以灰白色為主調，再搭配上橙色的線條，外形四四方方，猶如積木砌成般。FB圖片

網民認同：回到50至60年代？

相片中的啟德簡約公屋外型，引起網民的熱烈討論，不少人都認同樓主的看法，覺得與朝鮮房屋好似「一講我真係覺得好似」、「原來有人同我一樣有咁嘅感，我覺得好似倒退40年」、「好醜樣」、「又逼又密」。亦有網民形容是「復古建築」，「似舊式公屋，但起高啲」、「其實好似以前石硤尾啲公屋」、「復古建築，回到50至60年代？」、「數字座數最夠feel」。

FB圖片

網撐：四正實用最重要

不過有網民覺得夠實用最重要，外表只是其次「其實咁樣起每個單位都一定最實用」、「有得住更重要」、「屋係起畀有需要的人住，要最大化人人有得住，唔想住咪唔好申請，起豪宅畀你住咩唔通」、「好過住劏房，外觀無影響到（實用），仲包維修費用，最緊要住得開心」、「四正實用最重要，有得住更重要」。

原來群組亦有其它網民出帖貼相，指似徒置區。FB圖片

一位孝順女在社交平台發文，大呻雖然自己每月都「嘔15k家用」，但父母仍不滿足，當阿妹提出分擔部份家用時，父母更發爛渣，批評她「俾得幾個錢施捨」。

示意圖。愛回家劇照

樓主：羡慕父母對子女0經濟回報期望

女網友發帖第一句寫到「好羡慕啲屋企父母對子女0經濟回報期望」，她提到自18歲起已沒問屋企拿錢，學費全靠政府資助，做兼職搵生活費之餘，還要每月給父母$2000家用。時至今日她出來社會工作，月入$35000，但每月仍要給逾四成人工即是$15000當家用。

示意圖。愛回家劇照

妹妹提出與姐姐分擔家用即觸怒父母

父母還反對她去旅行，認為「日日出街洗曬啲錢，仲不如俾黎做家用」，還埋怨她給的家用不夠，認為她應該儲多些錢，留給父母養老。當她的妹妹提到想與姐姐分擔一半家用，認為姐姐以後搬出去住都需要有錢旁身，怎料卻觸動了父母的神經，罵到「搬出去唔洗俾伙食養我地？」「仲不如宜家我地退休 劃掂都冇人理我地」、「你係咪以為俾得幾個錢拖捨俾我地？」、「咁姐係逼我地冇人理做乞丐靠政府」令事主感到崩潰。

示意圖。愛回家劇照

父母有兼職「每人都有月入起碼14k」

她坦言父母的說話「唔會令我想俾多啲錢」「只會覺得更加堅定有能力就搬出去住」事主還透露其實父母親都有固定的兼職，「每人都有月入起碼14k」，但依然覺得女兒給的家用不夠。雖然事主曾提出只負責家中租、水、電、煤等開支，卻要求她要連買餸、日用品等費用都「負責埋」。她大感不惑，點解「你哋人工就唔洗拎出嚟完全係自用就得？邊到合理㗎」。

示意圖。愛回家劇照

網友怒批父母行為如「當子女ATM」

帖文一出，網民都為樓主感不值，紛紛留言力撐，更批評她的父母，如「當子女ATM」網民怒斥「四肢健全行得做得pt仲要問個女攞15k真係cls」、「即係你屋企人依家仲返緊工仲要食你萬$5家用？」「佢2個既人工做零用架，咁爽？」「自己有職業，仲虎視眈眈你啲錢」

「養兒防老」觀念已過時

亦有網民覺得舊時老一輩「養兒防老」觀念已過時，坦言「養兒防老係以前農業社會觀念」「窮人+傳統思想父母先會咁」、「好藍領父母feel」。有網民指「呢類上一代知識差距過大導致溝通唔到真係好常見」。